Isa. 12:1 - Yus Papí: Shuarja̱i̱ Yus Yamaram Chicham Najanamu

¹ Nu tsawantai̱kia chichaakum “Uunt Yusru, wikia ámin yumiṉsajme. Warí winia kajertukuitiatmek tsaṉkurturuitme tura atsaṉturume.

Isa. 12:1 Iomraidhean Croise

Neem. 8:10

Nuyá̱ chicharainiak “Werum péṉker yurumak iwiaramu yurumárum yumincha umartarum. Núnisrumek yurumkan takaktsuna nusha ayurarum akupkatarum. Warí ju̱ tsawantka Yusna akantúkma Nin shiir enentáimtustinian tsawantaiti. Uunt Yusa waratáiri̱nkia iin ikiakátmakrin kúntuts pujusairap” tiármiayi.

Juup 11:16

ame wáitsamurmesha entsa naṉkaamasua núnis enentáimtustatme.

Juup 13:16

Ju̱sha núniskeash uwemtikrurat. Warí Yusan umircha ainia nuka Ni pujamunmaṉka waya̱chminiaiti.

YKan. 30:5

Warí ni kajetáiri̱ṉkia wárik naṉkaamasminiaiti antsu Ni waitnenkartutairi̱ṉkia aents iwiaaku pujana ímianai awai. Kame útuka kashi takamtsuk útminiaiti tura tsawa̱a̱na nui̱kia warasminiaiti.

YKan. 71:21

Túrasha Ámeka nu páantin awajtústatme túram ataksha atsaṉturtatme.

YKan. 85:4

¡Ii uwemtikkiartin Yusá ataksha Ámin awaṉkartuktia túram Ame iin kajerkartamna nuka iniaisata!

YKan. 86:17

¡Ame túramurmiji̱a̱i̱ aneṉkrattairam iniaktursata! Ame Jiuwá yaintkiam atsaṉtamna nuna wáinkiar muí̱jruinia nu natsa̱a̱rarat.

YKan. 9:1

Maa Uunt Yusá, wikia tuke winia enentái̱rja̱i̱ shiir awajsattajme. Tura aents túrachmin ashí najankaitmena nunasha áujmatsartatjai.

Isa. 10:25

Kame Wi atumín suir enentáimturmaj nu wárik amunkattawai antsu íksaṉ Wi nin kajerkaran amukártatjai.”

Isa. 11:16

Kame yaunchu Israer shuaran Yus Ejiptunmaya̱ ji̱i̱ki̱ juíniak nayantsan kukach awajsámia nútikias Asirianam Ni shuari̱ ishichik juákaru ainia nu katiṉkiarat tusa jintiaráttawai.

Isa. 14:3

Tura takamtikkiur wáitkiatai tura najaimiakrum wáitnenmai ajakrumin Uunt Yus aṉkant awajtámsartatna nu tsawantinkia

Isa. 2:11

Aents waantu enentáimtuma ainia nusha natsanmai̱ ajakártatui tura kajen ainia nusha péejchach ajasártatui. Túrunawarmatai nu tsawantinkia aya Uunt Yusak naṉkamantu awajnástatui.

Isa. 25:9

Nu tsawantinkia chichainiak “Ii Yusri̱ṉkia Uunt Yuska ju̱i̱ti. Ni nákasaruitji tura uwemtikramprartatji. Kame uwemtikrampra asakrin shiir enentáimtusar wararsartai” tiártatui.

Isa. 26:1

Nu tsawantinkia Jutá nuṉke̱n ju̱ kanta kantamátui. Ii pépruri̱ṉkia wenuimiu takakji tiártatui. Uwempratniunka tanishmarma nútikia Yus ikiusuiti. Waiti uraitiarum uunt nuṉka mátsatkamu péṉker túrin ainia nu waya̱ttawai. Ámeka aṉkantnum tí peṉker wainkiattame. Kame ni enentáimmiaka Ámin tuke enentáimturma asa imiá shiir aṉkant pujuwiti.

Isa. 35:10

Tura Jiuwá uwemtikrarma ainia nuka waketrar kantamkiar Seúnnum káunkartatui. Nuiṉkia etseṉkruktinia ántsaṉ amukashtin warartai takusartatui. Tura imiá shiir waratai̱n wáinkiar kúntuts pujakur wáittiakur úttaiṉkia emeṉkákartatui.

Isa. 49:13

Nayaimpⁱ ti warakum charáa charáa ajata, áintsamek nuṉkáa ti warasta. Núnisaṉ náintirmesha warakrum charaatum ajatarum. Warí Uunt Yus ni shuari̱n atsaṉkar ni wáitiamuri̱ncha waitnentraruiti.

Isa. 54:7

Kame ishichik tsawantchik iniaisámiajme túrasha ti waitnentran awaiṉkittiajme.

Isa. 54:8

Kame ti kajekan yapirun waitruka̱i̱ṉ tusan ishichik u̱rkamajme. Túrasha amukashtin waitnenkartutairja̱i̱ weantúktatjame tawai Uunt Yus ámin Uwemtikramniua nu.

Isa. 54:9

Ju̱ka Nuwái pujumia nu tsawantin túrunamia núnis Wíji̱a̱i̱ṉkia átatui. Nuwái tsawantin ti nekas tajai tákun ama̱a̱ja̱i̱ nuṉkan amukmiaj nútikiashtatjai. Tura ti nekas tímiajna núnisnak yamaikia amincha peṉké kajerkashtatjame tura chicharkashtatjame nekas tájame.

Isa. 61:10

Kame wikia Uunt Yusai̱ tí shiir warastatjai tura winia Yusruí̱ tí shiir enentáimsattawai. Warí pushincha Ni áentsturua núnis uwempratniun surusuiti tura nekasa nuja̱i̱ métek túrutai̱ awaṉkémnasha ikiurtusuiti. Nuyá̱ áishmaṉ nuatua núnis akupin etseṉkrutai̱n ikiurtus nuwa̱ nuatnak kuri najankamuja̱i̱ iwiarmamna tímiatrus iwiarmamtikruruiti.

Isa. 65:18

Antsu Wi najankattajna nuja̱i̱ nekaska iniaṉnatsuk ti shiir enentáimsarum warastarum. Warí Jerusaréṉnaka warastinian tura nui̱ matsatainianka ti shiir enentáimsar pujusárat tusan najanattajai.

Isa. 66:13

Tura nuku ni uchirí̱n átsaṉkea áitkiasnak Wi atumniaka atsaṉkrattajrume. Tura Jerusaréṉnum atsaṉnartatrume.

Jrm. 30:19

Nú aentsnumia̱ ame túramuja̱i̱ yumiṉsajme tusar waras pujuinia nuna chichame̱ jiinkiattawai. Tí nukap pampaṉtatrume túrunarum emeṉkáchmin ajastatrume. Antsu naṉkamantu awajsattajrume túrasha náakmachuka áchattarme.

Jrm. 31:13

Nuya̱ṉka nuwa̱ natsach áishmaṉja̱i̱ tsaniṉcha ainia nuka áishmaṉ natsach tura uunt ainia nuímiak warainiak jantsemáwartatui. Warí kúntuts enentáimmiari̱ya̱ṉka shiir enentáimtikrartatjai. Tura najaimiainianak atsaṉkraran péṉker enentáimtikrartatjai.

Use. 11:8

Kame Eprainkiá tura Israerá ¿itiurak surukan tura ajapan ikiuktiajrum? ¿Urukamtaik Atma tura Sepuimia nútikiancha ajapan iniaisaintjiarum? Warí imiá aneancha ashí winia enentái̱rja̱i̱ enentáimsan tura waitnentakun yáiṉtinian wakerajrume.

Use. 6:1

Ashí Israer shuarti Uunt Yusai̱ waketkiartai. Kame jáakri̱ncha tura Ni iin numpampramaitkiuisha páchitsuk ii Yusri̱ṉkia tsuármartatji.

Sak. 1:16

Tuma asamtai Uunt Yus chichaak ‘Yamaikia Jerusaréṉkan waitnentran ataksha enentáimturarjai. Tura nui̱ Winia Je̱a̱rka je̱a̱mnaktatui tura Jerusaréṉsha ataksha je̱a̱mnaktatui’ tawai Ashí Akupin Uunt Yus.

Sak. 14:20

Nu tsawantinkia kawái kuntujnum tuntuitiai̱ netuamunmaṉka “Uunt Yusna shiir akantúkma” tu áatramu ártatui. Tura Uunt Yusa Je̱e̱n ichiṉkian írunna nusha tura Yus áestutai̱niam piniṉ írunna nusha Yusna akantúkma ártatui.

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Sak. 8:11

Túrasha yamaikia jú̱ aents ishichik juákarainia jú̱naka yaunchu túrawarmaj nútiksanka túrashtatjai’ tawai Ashí Akupin Uunt Yus.

Sak. 8:19

“Jutá shuartiram nantu kuátrutin tura séṉkutin nuyá̱ siátitincha núnisaṉ tiástincha ijiarmáitrumna nuka ti shiir enentáimkiuram warasrum nampermatai ajatrámsattarme. Tuma asarum nekasa nu tura itit awajsachma pujustin aneatarum.

Rum. 11:15

Kame Israer shuaran iniaisámuja̱i̱ ashí shuar Yusja̱i̱ shiir nawamnaikiarmataiṉkia nuikia atak nin achikmája̱i̱ jakamunmaya̱ nantaktinia áintsaṉ ti shiir átatui.