Isa. 11:9 - Yus Papí: Shuarja̱i̱ Yus Yamaram Chicham Najanamu

⁹ Warí nayantsanam entsa piakua ánis ashí nuṉkanam Uunt Yus paant nekanattawai. Tuma asamtai ashí Winia akantúkma náintrui̱ṉkia itiurchat awajnáikiatniusha tura emeskatniusha peṉké atsuttawai.

Isa. 11:9 Iomraidhean Croise

YKan. 72:19

Ni naari̱ naṉkamantu atí. Tuma asamtai tuke shiir awajnásti. Ashí nuṉkanam ni kakarmari̱ piaktí. Nuke atí.

YKan. 78:54

Nuna tura Israer shuar matsamkar Niin enentáimtusartin nainnium Uunt Yus ni untsuuri̱ji̱a̱i̱ nupetmatkamia nui̱ ikiaankarmiayi.

Isa. 11:13

Kame Eprain suir enentáimmiaka nui̱ amukáttawai tura Jutan itit awajáiniaṉka amú amusartatui. Nui̱ṉkia Eprainkia Jutanka suir enentáimtishtatui. Ántsaṉ Jutasha Eprainniaka itit awajsashtatui.

Isa. 11:8

Uchi muntsúaku napí wá̱a̱ri̱n nakurústatui tura uchi yama tsurakua nusha napí pasuṉke̱n uyu̱rá wasursattawai.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 35:9

Uwempraru ainia nuke nu jintianam wekaasartatui. Nuiṉkia úunt ya̱wa̱sha atsuttawai tura kajen yajasma ainia nuka nuniṉkia wekaicha ártatui.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Isa. 52:10

Ashí nuṉkanam pujuinia nu aents iimmiainiamunam Uunt Yus ni kakaram kunturi̱n iniakmasuiti. Tuma asamtai ashí nuṉka náṉkata ímianai pujuinia nu shuarsha uwempratniun wáinkiartatui.

Isa. 54:5

Warí ame áishrumka ámin Najatma Nuiti. Tura ni náari̱sha Ashí Akupin Úunt Yusaiti. Ame Akikmatramin Israer shuara Yusri̱ Peṉké Tunaarincha nu, Ashí Nuṉkanmaya̱ Yúsaiti tu anaikiamu átatui.

Isa. 56:7

Winia akantúkma naintrui̱ ikiankaran Winia áujtin ainia nu je̱a̱nam awayá̱waran ti waramtiksartatjai. Nuiṉkia taṉkun takamtsuk áesturainiakuisha tura taṉku maa Yus áestutai̱niam súruiniakuisha shiir enentáimtusartatjai. Tura Winia je̱a̱rka ashí aents Yus aujtai̱ je̱a̱ tutai átatui.” Mar. 11:17

Isa. 59:19

Etsa̱ akatai̱ya̱ ímiania̱sha Uunt Yusa náari̱n ashamkartatui tura etsa̱ jintiai̱ya̱ ímiania̱sha Ni winchari̱ paant nekaawartatui. Warí Ni winiakka entsa kaya asakakmanum akaak urukniuit tura Uunt Yusa naseri̱ imiá kakarma nu umpuamua tímiatrus winittiawai.

Isa. 65:25

Nuiṉkia rúpu ya̱wa̱sha̱ murikji̱a̱i̱ métek sa̱a̱kin yuáwartatui tura úunt ya̱wa̱sha waaka áintsaṉ sa̱a̱kin yútatui. Nuyá̱ napisha nuṉkan ju̱yu̱ri̱n yútatui. Tura yajauch awajnáikiatniusha núnisaṉ emesnaikiatniusha Winia akantúkma náintrui̱ṉkia atsuttawai” tawai Uunt Yus.

Isa. 66:18

“Túrasha Wikia ni túramuri̱ncha núnisaṉ ni enentáimmiari̱ncha nekarainiajai túrasha tsawant jeamtai ashí uunt mátsatkamuncha núnisaṉ aents chíkich chíkich chichamtin ainia núnasha ashí irurartatjai. Nuya̱ṉka nisha káunkar antsu nui̱ṉkia Winia winchar ti kakarma nuna paant wáinkiartatui.

Isa. 66:20

Tura Yus súsatniun piniṉ péṉkernum chumpíawar Israer shuar Uunt Yusa Je̱e̱n ikianainia nútiksaraṉ atumí yachi̱ ashí uunt mátsatkamu ainia nui̱ pujuinian Winia akantúkma naintrui̱ Jerusaréṉnum Yus súsatniua núnis ikianainiak kawainiumsha núnisaṉ kárunmasha tura umpurunmasha nútiksaraṉ peaknumsha nuyá̱ kamiyunmasha ikiankartatui tawai Uunt Yus.

Jrm. 31:23

Nuyá̱ Ashí Akupin Uunt Yus Israera Yusri̱ jú̱nis tawai “Yajá yaruakma ataksha ikiankam Jutanam tura pepru nui̱ írunmanum matsamsarum nui̱sha tuke chichaakrum ‘Maa nekasa nuja̱i̱ métek túrutai̱ Yusa naintri̱ Uunt Yus shiir awajtámsati’ títiatrume.

Jrm. 31:34

Nuya̱ṉka yaaksha ni shuari̱nkia yachi̱nkisha ‘Uunt Yus nékamek’ tusaṉka jintintiáshtatui. Warí peṉké uchichinmaya̱ṉ juárkin úuntaimiak ashí nekarawartatui” tawai Uunt Yus. “Warí ni yajauch túrukmari̱n Wi ashí tsaṉkuraran núnaka atakka peṉké enentáimtuschattajai.”

Isk. 34:25

Tura níji̱a̱i̱ṉkia aṉkant matsamsatin chichaman najanattajai. Núnisnak yajasma emesma nuṉká írunna nunasha ashí emeṉkártatjai. Túramtaikia kampuntin atsú nuṉkanmasha itit awajsachma aṉkantniunam tí peṉker matsamsartatui tura kampunniunmasha sapijmiatsuk kániartatui.

Isk. 47:5

Núnisaṉ chíkich kiniantu mitru nekapmamtai entsa tí nujaṉkrua wajaar katiṉchamnia, antsu aya yukuakar katiṉmin ajasmai.

Tan. 11:45

Nuya̱ṉka nayantsanmaya̱ tura Yusna akantúkma náintri̱n ti shiira nuna ajapéri̱n ni pujustintri̱ jutai̱ je̱a̱n je̱a̱mkattawai. Nui̱ṉkia amukatin tsawantri̱ jeá asamtai nin yáiṉtinkia peṉké atsuttawai.

Tan. 12:4

Warí, nekaatniusha tí nukap átatui tura untsurí aents nú nukap nekaatai tusar ju̱ní̱ wéar atuní̱ wéar ajartatui. Tuma asamtai Taniará amukatin tsawant jeamam ju̱ papisha nukukam peṉké urankashti tusam asakam péṉker ikiusta” turutmiai.

Use. 2:18

Tura nu tsawantinkia Israer shuaran waitnentraran ashí kampunniunmaya̱ yajasma ainia nuja̱i̱ tura yakiya̱ nanamtin ainia núja̱i̱sha nuyá̱ napiji̱a̱i̱sha nawamnairar pujusárat tusan chichaman najanattajai. Tura tíshimkiuncha puya̱ncha núnisaṉ mesetnasha atsutí tusan amuktatjai. Túran imiatkinchanum aṉkant apujsartatjai.

Juir 3:17

Winia akantúkma náintiur Seunka nui̱ṉkia atumí Yusri̱ Wi Uunt Yusan pujamu nekarattarme. Nui̱ṉkia Jerusaréṉka ti shiir akantúkma pepru átatui. Túrunamtaiṉkia atakka wáinchatai aentska nuní̱ wayá̱ yajauch awajtámas naṉkaamakchartatui.

Awa. 2:14

Antsu Uunt Yusa winchari̱ṉkia entsa nayantsanam pímiana núnis ashí nuṉkanam nekanattawai.

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’

1 Tis. 5:15

Aneartarum, yatsuru. Chíkich yajauch túrutmamtai amesha nútiksamek yapajkiaip. Antsu nuka túrutsuk átumka mái̱ peṉker awajnai ajatarum. Tura nú arant ashí nuṉkanmasha ashí shuarsha nútiksarmek túratarum.

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.