Isa. 11:6 - Yus Papí: Shuarja̱i̱ Yus Yamaram Chicham Najanamu

⁶ Nuiṉkia rúpu ya̱wa̱sha murikji̱a̱i̱ tsaniṉkiar matsamsartatui. Tura yampiṉkia ya̱wa̱sha chipiu uchichiji̱a̱i̱ tsaniṉkiar tepesartatui. Núnisaṉ waaká uchirí̱sha úunt ya̱wa̱ uchirí̱ji̱a̱i̱ métek matsamsar tsakarartatui. Tura núnaka úchikia úchitiat yaruas wekaittiawai.

Isa. 11:6 Iomraidhean Croise

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 65:25

Nuiṉkia rúpu ya̱wa̱sha̱ murikji̱a̱i̱ métek sa̱a̱kin yuáwartatui tura úunt ya̱wa̱sha waaka áintsaṉ sa̱a̱kin yútatui. Nuyá̱ napisha nuṉkan ju̱yu̱ri̱n yútatui. Tura yajauch awajnáikiatniusha núnisaṉ emesnaikiatniusha Winia akantúkma náintrui̱ṉkia atsuttawai” tawai Uunt Yus.

Isk. 34:25

Tura níji̱a̱i̱ṉkia aṉkant matsamsatin chichaman najanattajai. Núnisnak yajasma emesma nuṉká írunna nunasha ashí emeṉkártatjai. Túramtaikia kampuntin atsú nuṉkanmasha itit awajsachma aṉkantniunam tí peṉker matsamsartatui tura kampunniunmasha sapijmiatsuk kániartatui.

Use. 2:18

Tura nu tsawantinkia Israer shuaran waitnentraran ashí kampunniunmaya̱ yajasma ainia nuja̱i̱ tura yakiya̱ nanamtin ainia núja̱i̱sha nuyá̱ napiji̱a̱i̱sha nawamnairar pujusárat tusan chichaman najanattajai. Tura tíshimkiuncha puya̱ncha núnisaṉ mesetnasha atsutí tusan amuktatjai. Túran imiatkinchanum aṉkant apujsartatjai.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.