Isa. 11:4 - Yus Papí: Shuarja̱i̱ Yus Yamaram Chicham Najanamu

⁴ Antsu ju̱ nuṉkanam kuítri̱ncha ainia nuna nekasa nuja̱i̱ métek súmamtikiawartatui tura wáitiainiana nunasha métekrak waitnentrartatui. Núnisaṉ aya chíchame̱ja̱i̱ṉ numiji̱a̱i̱ awateana tímiatrus nuṉkanka asutiáttawai. Tura Yusan enentáimtichu ainia nunasha aya máyai̱ji̱a̱i̱ṉ umpuí máwartatui. Apu. 1:16; 2:16; 19:15

Isa. 11:4 Iomraidhean Croise

2 Sam. 8:15

Tura Tawit ashí Israer shuarnum akupeak nekasa nuja̱i̱ métek ashí ni shuari̱ncha péṉker akupkámiayi.

Juup 4:9

Núnaka Yus ni mayai̱ji̱a̱i̱ arus máichuiti. Tura kajekka umpuí mash amuwiti.

YKan. 110:2

Kame Uunt Yus Seúnnumia̱ṉ akupin akupkur takutai̱ numi akuptúrmaktatui. Ame nemasrumsha matsatainiamunmaṉ akupin átatme.

YKan. 18:8

Ni nuji̱ya̱ mukuint jiinmiai. Ni wene̱ya̱ ji keá áeskartua amukratkatin jiinmiai. Tura jinia kaí̱ri̱ keá Niya̱ naṉkimnarmai.

YKan. 2:9

Tura ashí nuṉkanam ame akupeamurmesha jiruja̱i̱ métek ti kakaram nupetkachmin átatui. Nu asamtai ichiṉkian ijiakratniua nútikiam tsai̱ tsai̱ awajsattame” túrutui.

YKan. 76:10

Nekaska aentsu kajetáiri̱ṉkia Ámin shiir awajtámsattawai. Tura nu arant aents kajeki̱ wéamuri̱ṉkia Ame emettuattame.

Isa. 1:17

Tura péṉker túratin nekaatarum. Kame chikichna péṉkera nu e̱a̱tkarum kuítrincha ainia nusha mitiaikiasha tura waje̱sha péṉker wáinkiuram yaiṉtarum” tawai.

Isa. 13:11

Tura ashí nuṉkanmaya̱ aents ní yajauchiri̱ni̱ṉ asutniáttawai. Nuyá̱ Yusa umircha ainia nunasha ní mui̱jmiaintri̱ni̱ṉ asutniáwartatui. Naṉkamantu enentáimtuma ainia nusha péejchach awajnásartatui. Tura tí asutniatniuri̱ji̱a̱i̱ aentska kuriji̱a̱i̱ métek tura áishmaṉsha Upirnumia̱ kuri̱ji̱a̱i̱ métek peṉké ishichik ajasár wáinkiachmin awajnásartatui. Tura Ashí Akupin Uunt Yus tí kajeku asamtai nayaimpisha tura nuṉkasha muchitrar áiniana nuya̱ṉka yajá ekeemprartatui.

Isa. 14:30

Túrunamtai kuítrincha ainia nuna uchirí̱ iwia̱i̱ri̱ waakari̱ṉkia péṉker sá̱a̱knium matsamsartatui. Núnisaṉ aents kuítrincha ainia nuka ititcha awajsachma péṉker kániartatui. Antsu amé shuarnaka tsukái ikiajkáran wárumchik juákaruncha amú amusártatjai.

Isa. 16:5

Kame akupkur pujutai̱ṉkia waitneṉkratamuja̱i̱ akupnáktin iwiarnarmatai nui̱ tímiatrus Niṉkia ekemsattui. Tura naka tímiatrus sumamtikiatniuka núnisaṉ péṉkerja̱i̱ yajauchin nekaatniun e̱a̱na nuyá̱ naka túrutai̱n wárik umiktinkia Tawit akuptainiam pujustatui.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 29:19

Núnisaṉ péejchach ainia nuka ataksha Uunt Yusai̱ waketkiar warasartatui tura aents peṉké kuítrincha ainia nusha Israer shuara Tunaarincha Yusri̱n wararsartatui.

Isa. 40:7

Nupa̱sha kaawai tura kuku̱jsha mayai̱ Yus akupeamu umpuim ja̱ja̱teatsuk. Tura aentska nuja̱i̱ métek áiniawai.

Isa. 49:2

Túruta winia wenuruí̱ puyá̱ mái̱ erea nútikruamai tura uwejé̱ja̱i̱ ejatak núnisaṉ tséntsak atsakar tuntanam eṉkestinia nútikruamai.

Isa. 61:1

Uunt Yus anaitiuku asamtai Yusa Wakaní̱ winí̱ pujurtawai. Wáitiainia nu péṉker chicham ujakárta tura enentáiji̱a̱i̱ jáiniana nusha tsuárarta núnismek achira yaruakma ainia nusha aṉkant ajastatrume tura sepusha uraniartatui tu etserkata tusa akuptúkuiti. Ruk. 4:18

Isa. 9:7

Tura Ni akuptáiri̱ncha nuyá̱ Tawitia pujutái̱ri̱ncha Ni akupeamuri̱ṉkia tí naṉkamantu kakaram ajas núnisaṉ aṉkant pujustincha náṉkatkachu átatui. Núnaka yamaiya̱ ju̱yá̱ tura tuke átinian nekasa nuja̱i̱ métek péṉker túrattawai. Kame Ashí Akupin Uunt Yusa nu tí akasmatak núnaka túrattawai.

Jrm. 33:15

‘Tura nu tsawant jeattana nui̱ṉkia Wi Tawitiai̱ya̱ numí Kanawe̱ tsupikma je̱e̱r ataksha tsakana áitkiattajai. Nisha nekasa nuja̱i̱ súmamtikiuk ju̱ nuṉkanam esetar akupkáttawai.

Jrm. 5:28

Túmainiak tí peṉker nuekar tsamapkar ajasárai. Ántsaṉ yajauch aents ainia nuna túrutairi̱ji̱a̱i̱ naṉkaamas yajauchin túruiniawai. Úuntnumsha mitiaik áiniana nuna yáiṉtaj tusasha ayampruiniatsui. Núnisaraṉ atsumainiana nuna chichame̱ncha anturainiatsui.

Use. 6:5

Tuma asamtai Winia etserniurja̱i̱ Winia chichamprun ujakmajrumna nuja̱i̱ métek umikmajai. Kame átum túramun íirsan péṉkera nuna yáiṉmajai tura tunáa túramunam asutiámjamna nuja̱i̱ Wi wakeraj nu nekas paant awajsamuiti.

Sup. 2:3

Nuṉká pujarmena nu ashí wake meseakutiram Yus tana nuke péṉker umirin asarum Jiuwá e̱a̱ktarum. Tura nekas Yus wakeramu nakak túratin e̱a̱ktarum. Péejchach ajastin e̱a̱ktarum. Jiuwá kajetáiri̱ tsawantin waitnentrurainti tusarum umiktarum.

Mks. 4:6

Kame Wi ju̱i̱ nuṉká tana ashí yajauch yumiṉji̱a̱i̱ émeseatsa̱i̱ṉ apanka uchirí̱n enentáimtikrattawai tura uchincha aparí̱n enentáimtikrattawai” tawai Uunt Yus tímiayi Marakías.

Mat. 11:5

Kusurúsha wáinmainiawai.YKan. 146:8; Isa. 29:18 Shutuapsha wekainiawai. Tunamárusha péṉker ajainiawai. Empekárusha ántuiniawai. Jákarusha nantainiawai. Tura kuítrinchanmasha uwempratin chicham ujakmaiti.YKan. 68:10 Nu ujaktarum.

Mat. 5:5

Péejchachitirmesha tí shiir enentáimsamniaitrume. Warí átum nuṉka sunastatrume.

Tur. 9:1

Nuna tumai̱ Jerusaréṉnum Uunt Jesusan umirkarun maatai tusa áujmattanka Sáuruka peṉké iniaichamiayi. Tuma asa Yúsnan pujurniu úuntri̱n iyutaj tusa werimiayi.

2 Kur. 10:1

Wats, “Papru iiji̱a̱i̱ pujak péejchach ajawai tura yajá pujak kakaram chichaawai” chíkich shuar turutainiatsuk. Kame imia wiki Papru Kristu anenkartutairi̱ji̱a̱i̱ ju̱na seatjarum tusan pujajai.

Kar. 5:23

nekas nékaskea nuja̱i̱ métek enentáimtumastin, iik íimiasar tunáa túrashtin. ¿Ju̱ túratniuncha yaki surimia?

2 Tis. 2:8

Nui̱ṉkia nu Tuke Tunaarintin wantinkiattawai. Tura Uunt Jesus ni wene̱ja̱i̱ umpuí aun máattawai. Tara ni winchari̱ji̱a̱i̱ nuna amuktatui.

Tit. 3:2

Tsanumtsuk kajernaitsuk antsu shiir enentáimtunaistiniaiti. Naṉkamantu enentáimtumatsuk ashí shuar péṉker awajsatarum tusam tu jintintrarta.

San. 3:13

Shuar ti neka enentái takakna nu, péṉker túrattawai. Nekas nékaitkiuṉka péejchachia núnis tuke péṉker ana nuna túrattawai.

Apu. 1:16

Ni untsuurí̱ni̱ siati yaan takakuyi. Tura ni wene̱nia̱sha puyá̱ áinis tsakatskat mái̱ ere awajsamu jiinmiai. Ni yapi̱sha etsa̱ ti etsantuk íischamnia núnisauyi.Isa. 11:4; 49:2; Apu. 2:12,16; 19:15

Apu. 19:11

Nuyá̱ nayaimp uranniun wainkiamjai. Nui̱ kawái puju wantinkiamai. Nu kawainium ekema nuna naari̱ Tí Peṉker Umin tutaiyi. Núnisaṉ Ti Nekas Túrin tutaiyi. Tí peṉker Akupin asa aya nekas péṉker túrak mesetan najanaiti.

Apu. 19:15

Nu suntara Uuntri̱ wene̱ya̱ ashí nuṉkanmaya̱ yajauch aentsun mátin, puyá̱ mái̱ ere tsakatskatin jiinmiai.Isa. 11:4; Apu. 1:16; 2:16 Tura jiruja̱i̱ asutiátniua áintsaṉ ti kakaram akupkáttawai. Túrak Ashí Tujintkiachu Yusa kajetáiri̱ ti kakarma nuja̱i̱ aentsun asutiáttawai. Uwa nekeṉkar ijiuratniua áitkiasaṉ wáitkiasartatui.

Apu. 2:16

Wats, enentáimpram iniaisata. Túrachakminkia Wi wari wini̱n winia wenuruí̱ya̱ puyá̱ jiinia nuja̱i̱ mániktajai.Isa. 11:4; Apu. 1:16; 19:15