Isa. 11:3 - Yus Papí: Shuarja̱i̱ Yus Yamaram Chicham Najanamu

³ Niṉkia Uunt Yus ashamamuja̱i̱ ti shiir warastatui. Tura aya wainiak nuyá̱ aya antukmaja̱i̱ sumamtikiashtatui.

Isa. 11:3 Iomraidhean Croise

2 Sam. 14:17

Ame takartámin chichaak ‘Winia úuntur úunt akupin ai̱rkattana nuka shiir enentáimtikrurti. Warí winia úuntur úunt akupniuka Yusa suntarí̱ya núnis asa yajauchincha tura péṉkernasha nekaatniun jeawai. Kame Uunt Yus ame Yúsrum ámiji̱a̱i̱ pujusti’” tímiayi.

2 Sam. 14:8

Nuya̱ṉka úunt akupin nuwa̱n chicharuk “Ame je̱e̱min waketkitia tura wi ame itiurchatrumniaka íistatjai” tímiayi.

1 Akup. 3:28

Nu túramun ashí Israer shuar nekaawar ashamkar “Úunt akupniun Yus nekatai̱n súsaiti nekas métek sumamtikiatniun” tiármiayi.

1 Akup. 3:9

Tuma asamtai Yusru, yajauch tura péṉkersha nekaatin núnisaṉ péṉker akupkatniusha Ame jintintruata. Warí imiá untsurí aents akupkatniuncha ¿yaki jeawaint?” tímiayi.

Neka. 2:5

Nuiṉkia Yus ashamkatniusha núnisaṉ Uunt Yus urukuit nusha nekaattame.

Neka. 2:9

Nu asamtai ashí métekrak enentáimkiartin átinniasha ni túramuri̱ túa péṉkerait túa yajauchit nu nekaatniusha péṉker túratniusha tura péṉker jintianam wekasatniusha nekaattame.

Mik. 4:3

Nuya̱ṉka Ni ashí nuṉka uunt mátsatkamu nuṉkanmaya̱n nuamtak iwiartunairarat tusa chichartiatui. Tura ashí nuṉkanmaya̱ ti kakaram ainia nuna, núnisaṉ ti arant pujuinia nú aentsnasha chichariartatui. Tura ni puya̱ri̱nkia pukuí arakmatia nútikruawar tura ni naṉkirí̱nkia arus tsupitiái̱ya nútikruawartatui. Nui̱ṉkia chíkich nuṉkanam pujuinia nu áentsja̱i̱ṉkia meset najanatniunka enentáimtuschartatui. Núnisaṉ mesetnum mánit unuimiátratniusha atsuttawai.

Ruk. 2:52

Jesuska tsakaki̱ tura nekaki̱ wémiayi. Yussha tura aentssha Nin shiir enentáimtiarmiayi.

Juaṉ 2:25

Niṉki ashí shuara enentái̱n neka asa chíkich ujatkat tusa atsumchamiayi.

Juaṉ 7:24

Shuar túrana nu iisam wárik sumamtikiawaip. Antsu inintrúsam paant nekaam nekasa nu enentáimtusta” tímiayi Jesus.

Isr. 5:14

Apatuk kátsurman aya uunt yuámniaiti. Uunt ainia nuka péṉkernasha tura yajauchincha apatkar paant nékainiawai.

1 Sam. 16:7

Túrasha Uunt Yus chichaak “Náyaitkiuisha tura ni urukuit nusha iisaip. Wikia túmanka nakitiajai. Warí Uunt Yuska aents iyá núnaka iyatsui. Aentska aya pátatek ni urukuit nunak wainiui antsu Uunt Yuska enentáin iyawai” tú tímiayi.