Isa. 11:16 - Yus Papí: Shuarja̱i̱ Yus Yamaram Chicham Najanamu

¹⁶ Kame yaunchu Israer shuaran Yus Ejiptunmaya̱ ji̱i̱ki̱ juíniak nayantsan kukach awajsámia nútikias Asirianam Ni shuari̱ ishichik juákaru ainia nu katiṉkiarat tusa jintiaráttawai.

Isa. 11:16 Iomraidhean Croise

Jiin. 14:22

Tura Uunt Yus nayantsan kukach ju̱ju̱ptin awajsam untsuurnumaani̱sha menanmaani̱sha peeṉkramua núnikmatai Israer shuar katiṉkiarmiayi.

Isa. 1:9

Tura Ashí Akupin Uunt Yus iin ishichkisha iwiaaku ujutamkachuitkiurni̱ṉkia Sutuma tura Kumura núnis ajasára̱a̱ji.

Isa. 10:20

Tura nu tsawantai̱ Israernumia̱ Jakupa shuari̱ ishichik juákaru ainia nuka nin amukármia núnaka yaintmaktatji peṉkesha tu enentáimtuschartatui. Antsu nekaska Israer shuara Uunt Yusri̱ tunaarincha Yúsnak enentáimtusartatui.

Isa. 11:11

Ántsaṉ nu tsawantinkia Ni shuari̱n Asirianam, Ejiptunam, Pátrusnum, Itiupíanam, Iramnum, Senarnum, nuyá̱ Amat nuṉkanam tura nayants yantamnumsha ishichik juákaru pujuinia nuna Uunt Yus ni kakarmari̱ji̱a̱i̱ awakearartatui.

Isa. 19:23

Nu tsawantka Ejiptunmaya̱ juárkiṉ jintia waṉkaram Asiria ímianai jeattawai. Israerka Ejiptunmaya̱ tura Asirianmaya̱sha menaint átatui. Tura shiir pujutnum yumiṉkiak Ashí Akupin Uunt Yus chicharainiak “Ejiptú ámeka Wi shuar asam tura Asiria ámeka Winia uwejruja̱i̱ najanamu asam núnismek Israerá ámeka Winia átin asarum ti shiir yumiṉkramuitrume” tiártatui.

Isa. 49:11

Ashí Winia naintrui̱ jintian jí̱i̱rtatjai tura chauna áiniakuisha Winia jintiarka yakin jintiamkamu ártatui.

Isa. 49:12

Nekaata, niṉkia yajaya̱ káunkartatui. Tura araki̱a̱sha nuyá̱ etsa̱ akatainmaani̱ya̱ tura chíkichkia Seweni nuṉkanmaya̱sha káunkartatui” tímiayi.

Sup. 2:7

Kame Jutanmaya̱ iwiaaku juákaru nu nuṉkanmaṉka murikri̱n wainiartatui tura kí̱akuinkia Askarún shuar matsamin armia nu je̱a̱nam kániartatui. Warí, achira yaruakma matsatainia nuya̱ṉka Jiuwá ni Yusri̱ ata̱i̱niartatui.