Isa. 11:10 - Yus Papí: Shuarja̱i̱ Yus Yamaram Chicham Najanamu

¹⁰ Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Isa. 11:10 Iomraidhean Croise

Naṉ. 49:10

Nekas nérentin táatsa̱i̱ṉ úunt akupniu akuptáiri̱ Jutaka atankichmin átatui. Nunasha ashí aents umirin ártatui.

YKan. 116:7

Winia enentái̱ru tee ajasam asata. Warí, Jiuwaka wíniaka péṉker awajtiniaiti.

YKan. 145:11

Nisha Ame akupeamurmi shíirmari̱sha tura kakarmarmesha áujmatiarti.

YKan. 149:5

Winia nekas enentáimturainia nuka ni péṉkeri̱ji̱a̱i̱ṉ warasarti, ní peakri̱ya̱n warasar untsumkar kantamáwarti.

YKan. 91:1

Uunt Yusai̱ weatka nuka Ashí Tujintkiachu Yus ayamprúkma pujustatui.

YKan. 91:4

Tura atash uchichíri̱n wear etektus pujurna áitkias pujurtamkui ejamtiatme. Kame nekas chichamtin asa tantara ánis ayamprutmaktatui.

Isa. 11:1

Kame numí kampuí̱ jeana núnis Isái shuari̱ya̱ tsapaittiawai. Tura nuna kampui̱ya̱ chikichik jé̱e̱rtatna nuke nerektatui.

Isa. 11:12

Tura Uunt Yus tarachi̱n chíkich nuṉkanam matsatainia nuna takuriartatui. Nuna tura Israer shuar chíkich nuṉkanam yaruakma ainia nuna ikiankartatui. Núnisaṉ Jutanmaya̱ arakaani̱ tura nuṉkaani̱ núnisaṉ etsa̱ jintiainmaani̱ nuyá̱ etsa̱ akatainmaani̱ tsakiṉmaka ainia nunasha ashí awakearar irurartatui.

Isa. 14:3

Tura takamtikkiur wáitkiatai tura najaimiakrum wáitnenmai ajakrumin Uunt Yus aṉkant awajtámsartatna nu tsawantinkia

Isa. 2:11

Aents waantu enentáimtuma ainia nusha natsanmai̱ ajakártatui tura kajen ainia nusha péejchach ajasártatui. Túrunawarmatai nu tsawantinkia aya Uunt Yusak naṉkamantu awajnástatui.

Isa. 2:2

Kame amúamu tsawantinkia Uunt Yus Shiir Awajtai̱ Je̱a̱ pujana nú naintkia chíkich naint ainia núja̱i̱ṉkia naṉkaamas páantin awajnástatui. Tura nu naint tépepra ainia núna naṉkaka uunt átatui. Túrunamtai ashí nuṉkanmaya̱ aents ti untsurí nin kauniartatui.

Isa. 2:3

Tura untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Niin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Isa. 28:12

Kame nin chicharainiak “Ju̱i̱ti ayamtai̱ṉkia. Tuma asamtai pimpikiaru ayamprarat susatarum. Ju̱i̱ṉkia ayamtai̱ núṉkaiti” tuíniamaitiat nisha antukcharmiayi.

Isa. 42:4

Ju̱ nuṉkanam métek sumamtikiatniuri̱ umiimiam pimpikchattawai núnisaṉ yawe̱tnasha yawe̱rchattawai. Tura nayants yantam pujuinia nuka umiktin chicham Ni akupkámun nákasartatui. Mat. 12:18-21

Isa. 49:22

Nuyá̱ ii Uunt Yusri̱ chichaak “Nekaata, Wi uwejrun uunt nuṉka mátsatka ainia nuní̱ takuimtai tura pepru irunainia nuní̱ Winia tarachrun nenan takuimtai nu nuṉkanmaya̱ aents ame uchirmin miniakearu nuyá̱ ame nawantrumniasha yakainium ekentra káunkartatui.

Isa. 59:19

Etsa̱ akatai̱ya̱ ímiania̱sha Uunt Yusa náari̱n ashamkartatui tura etsa̱ jintiai̱ya̱ ímiania̱sha Ni winchari̱ paant nekaawartatui. Warí Ni winiakka entsa kaya asakakmanum akaak urukniuit tura Uunt Yusa naseri̱ imiá kakarma nu umpuamua tímiatrus winittiawai.

Isa. 66:19

Nuya̱ṉka nekanawarat tusan iwiaaku juákaru ainia nui̱ṉ Wi túrattajna nuja̱i̱ awajsartatjai. Juákaru ainia nuya̱n úunt matsatkamu Társesnum tura Pútnumsha núnisaṉ Rúutnum akupkartatjai. Nútiksanak Tuparnumsha tura Krésianmasha nuyá̱ yajá nuṉkanam nayants ayamach pujuinia Winia kakarmar aújmatmancha antukcharu tura Wina wincharnasha wáinkiacharu áiniana nui̱ akupkartatjai. Nui̱ Winia wincharun áujmatas etserkartatui.

Jrm. 6:16

Uunt Yus chichaak “Jintiá setura wajasá iimsarum yaunchu jintia anintrústarum. Tura tu jintia péṉkerait nuní̱ wetarum túrakrumka átum ayamtikrattajrume.” Tuíniamaitiat “nuninkia wéchartatji” tiarmai. Mat. 11:29

Aji. 2:9

‘Núnisaṉ ju̱ Je̱a̱ páantniuri̱ ukunam átatna nuka emka amia nuna naṉkaamas átatui. Nu arantcha jú̱ nuṉkanka aṉkant pujustinian susattajai’ titiá” tawai Ashí Akupin Uunt Yus tu etserkamiayi.

Sak. 6:13

Ni Yusa Uunt Je̱e̱n je̱a̱mtatui tura naṉkamantu úunt akupin pujus pujutai̱ri̱ya̱ akupkáttawai. Ni pujana nui̱ṉ Yúsnan pujurniusha pujustatui. Nuiṉkia mái̱mtek shiir chichasar pujusártatui.

Wek. 10:33

Nuya̱ṉka menaintiú tsawant wekasatai tusar Uunt Yusa náintri̱ya̱ṉka jíinkiarmiayi. Tura menaintiú tsawant wekasarmia nui̱ṉkia Yus Aentsja̱i̱ Chícham Najanamu Eṉketai̱ níiya̱ṉka eem wémiayi. Kame wésar tui̱ṉ ayampramniait tusar e̱a̱ki̱ wéarmiayi.

Mat. 12:21

Tura Israer shuarchasha Nin nekas enentáimtusartatui.” Isa. 42:4

Mat. 8:11

Maa, yajaya̱ untsurí shuar Yus akupeana nui̱ jeawar Aprajámja̱i̱sha Isakja̱i̱sha Jakupja̱i̱sha iruntrar yurumáwartatui.

Ruk. 2:32

Israer shuarcha ainia nu tsáapninium wekasarat tusa akuptúkmaiti ju̱ Uchi. Isa. 9:2; 42:6; 49:6 Tura Israer shuar Áminiuram ájinia nuna ashí aents shiir enentáimtikrarti tusam ju̱ Uchi akuptúkmaitji. Nuna wainkian shiir enentáimsan jákatniuitjiai” tímiayi.

Juaṉ 12:32

Tura numiniam awajnaimtai ashí nuṉkanmaya̱ṉka shuar enentáimturartatui” tímiayi.

Tur. 11:18

Tura Pítiur táman antukar mitia wáinkiar “Nekasaiti Israer shuarchancha ni enentái̱n yapaji̱áwarmatai tuke iwiaaku átinian Yuska nin súsaruiti” tiármiayi. Tusar Yusa náari̱n ti shiir awajsarmiayi.

Tur. 28:28

Tuma asamtai nekaatarum. Yamaikia Yusai̱ uwempratin ana nuna Israer shuarcha susamuiti. Tura niṉkia nekas umikiartatui” tímiayi.

Isr. 4:1

Nu asamtai ii waya̱tin tsaṉkatkamu áyatar Yusja̱i̱ shiir pujustinnium páchitkiachu a̱i̱j tusar aneartiniaitji.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.

Apu. 5:5

Nuyá̱ chikichik uunt turutmiai “Tí utip. Israer shuarnumia̱ úunt ya̱wa̱, Naṉ. 49:8-12 Jutá wea awai. Nisha úunt akupin Tawit wéaiti. Nupetmaku asa nu papí siati asakamun ja̱a̱k urakminiaiti.”