Isa. 11:1 - Yus Papí: Shuarja̱i̱ Yus Yamaram Chicham Najanamu

¹ Kame numí kampuí̱ jeana núnis Isái shuari̱ya̱ tsapaittiawai. Tura nuna kampui̱ya̱ chikichik jé̱e̱rtatna nuke nerektatui.

Isa. 11:1 Iomraidhean Croise

2 Sam. 23:3

Israera Yusri̱ chichakuiti tura Israernumia̱ kátsuram Kaya aentsun nekasa nuja̱i̱ métek túrawarat tusa akupeana nu chichartak ‘Yus ashamamuja̱i̱ akupeana nuka

YKan. 145:11

Nisha Ame akupeamurmi shíirmari̱sha tura kakarmarmesha áujmatiarti.

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Isa. 4:2

Kame nu tsawantinkia Úunt Yusai̱ya̱ jé̱e̱rtatna nuka ti shíiram núnisaṉ tí paantin wararsamu átatui. Tura nu nuṉka arakri̱ nere̱ja̱i̱ ti wararsamu nuyá̱ Israer shuar iwiaaku pujuartatna nuna iwiarmamke átatui.

Isa. 53:2

Ni íismaka nuṉka káarunmaya̱ kaṉkap puṉkái̱ jeana núnikmiayi. Niṉkia naṉkamantu enentáimtumamuri̱sha atsumai, shíirmari̱sha wáitkiachmaji tura iisrisha wakerukchamniauyi.

Isa. 6:13

Núnisaṉ tias írutkamunmaya̱ chikichik juáktatna nusha amukma ártatui. Túrasha ensena numi ajakam aya ájiṉkiari̱ṉ juákiat jeana núnisaṉ nuna ajiṉkiári̱ya̱ peṉké tunaarincha jé̱e̱rtatui” turutmiayi.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Isa. 9:7

Tura Ni akuptáiri̱ncha nuyá̱ Tawitia pujutái̱ri̱ncha Ni akupeamuri̱ṉkia tí naṉkamantu kakaram ajas núnisaṉ aṉkant pujustincha náṉkatkachu átatui. Núnaka yamaiya̱ ju̱yá̱ tura tuke átinian nekasa nuja̱i̱ métek péṉker túrattawai. Kame Ashí Akupin Uunt Yusa nu tí akasmatak núnaka túrattawai.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 33:15

‘Tura nu tsawant jeattana nui̱ṉkia Wi Tawitiai̱ya̱ numí Kanawe̱ tsupikma je̱e̱r ataksha tsakana áitkiattajai. Nisha nekasa nuja̱i̱ súmamtikiuk ju̱ nuṉkanam esetar akupkáttawai.

Isk. 17:22

Tura Uunt Yus Ashí Aentsu Uuntri̱ jú̱nis tíniuiti “Setru numi tí yakí̱ tsakarua nuna tsakari̱n Wiki kupikian araattajai. Kanawe̱ tí peṉker je̱e̱karun chikichkiniak nekas peṉkeri̱n kupikian naint yakí̱ tsakarua nui̱ araattajai.

Isk. 37:25

Winia takartin Jakupan nuṉkan susamiaj nui̱ matsasártatjai tura ni we̱a̱tri̱ matsamtainmaṉ pujusártatui. Nui̱ṉkia ni uchirí̱sha nuyá̱ nuna uchirí̱sha tura ashí ni shuarak nui̱ṉ tuke pujusártatui, tura Winia takartin Tawit ni úuntri̱ṉkia átatui.

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Sak. 3:8

Yúsnan pujurniu uuntri̱ Jusuiyá amesha tura ame tsaníakmaram Yúsnan pujurin ámiji̱a̱i̱ pujuinia nuja̱i̱ ukunam ártatna nuna nakumin árumin ju̱ anturkatarum. Nekaatarum, Winia takarniurun Kanawe̱n tutai jé̱e̱rtatna nuna utitiatjai.

Sak. 6:12

Tura Ashí Akupin Uunt Yusri̱ chichartamuk ‘Ju̱ áishmaṉka náari̱ṉkia Kanawe asa numia áintsaṉ jé̱e̱rtatui. Tura ni kaṉkapé̱ya̱ je̱e̱r Yusa Uunt Je̱e̱n je̱a̱mtiatui túramui’ titiá.

Mat. 1:1

Jesukrístu we̱a̱tri̱ ju̱ áiniawai. Tura ashí naṉkaamas ti uunt we̱a̱t Tawitcha nuyá̱ Aprajámsha ármiayi.

Rum. 15:12

Isayassha áarmiayi “Tawitia aparí̱ Isái weanmaya̱ akupin akintkiáttawai. Nisha ashí nuṉkan akupeakui ashí shuar Niiniak shiir enentáimtusartatui.” Isa. 11:1,10

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.

Apu. 5:5

Nuyá̱ chikichik uunt turutmiai “Tí utip. Israer shuarnumia̱ úunt ya̱wa̱, Naṉ. 49:8-12 Jutá wea awai. Nisha úunt akupin Tawit wéaiti. Nupetmaku asa nu papí siati asakamun ja̱a̱k urakminiaiti.”

Rut 4:17

Nuyá̱ Nuimí tiraṉki̱ akiiniayi tusar ni írutramu armia nu nuwa̱ Uwit anaitiukarmiayi. Uwitkia Isái aparí̱yayi tura Isaikia Tawitia aparí̱yayi.

1 Sam. 17:58

Saur anintrak “Natsáa ¿yana uchirí̱ntiam?” tutai Tawit aya̱k “Piriṉnumia̱ ame takarniúrmin Isái uchirí̱ntjiai” tímiayi.