Isa. 10:12 - Yus Papí: Shuarja̱i̱ Yus Yamaram Chicham Najanamu

^12-14 Túrasha Seun nainnium tura Jerusaréṉnumsha Uunt Yuska ni takatrí̱n amuk Asirianmaya̱ akupin naṉkamantu tura kakaram enentáimtuma asamtai asutiáttawai. Warí winia kakarmarja̱i̱ṉ tura ti enentáimin asan winia nekatairja̱i̱ṉ ashí nuṉkanam nupetmaran tesaknasha emeṉkáran kuítrincha ashí atantraran aents kakaram itiurawa nútiksanak aents nui̱ matsamin áinianka ashí amukárja̱i̱. Nu nuṉkanmaya̱ kuítian pasuṉnumia̱ júkitniua núnis winia uwejur wáinkiachaik tura nujint utsaṉman írumna núnisnak ashí nuṉkancha wiki irurcharjak. Túrasha yaaksha turutchayi tiniu asamtai niincha nútiksaṉ asutiáttawai.

Isa. 10:12 Iomraidhean Croise

2 Akup. 19:31

Jerusaréṉnum juákaru ainia nu tura Seun nainnium tuke pujuinia nusha pampaṉkartatui. Ashí Akupin Uunt Yus tí wakera asa nekas nuna túrattawai.

YKan. 18:27

Aents péejchach ainia nuka uwemtikiainiame. Ame antsu waantu enentáimtumainiana nuka natsanmai̱ péejchach awajáiniame.

YKan. 21:10

Nemasrumi uchirí̱ nuṉká matsatainia nuka emestukartatme. Tura ni wea uchirí̱ ukunam akiinkiartatna nusha nútiksamek amukártatme.

YKan. 76:10

Nekaska aentsu kajetáiri̱ṉkia Ámin shiir awajtámsattawai. Tura nu arant aents kajeki̱ wéamuri̱ṉkia Ame emettuattame.

YKan. 76:5

Áishmaṉ sapijmiachu arma nusha awakkar warirí̱ yarurkamu armai. Nú aishmaṉsha kaji̱nkiar kanararua núnis ajasármai. Tura áishmaṉ kakaram arma nuya̱sha chikichkisha ayamprumakcharmai.

Neka. 21:4

Waantu enentáiji̱a̱i̱ íimsatin tura waantu enentáimtumastincha tunaiti. Kame Yusan enentáimtichuka nuní̱ enentáimin áiniawai.

Neka. 30:13

Núnisaṉ aents waantu enentáimtumak ímiancha enentáimkiartinkia naka imias wekainiusha írunui.

Isa. 2:11

Aents waantu enentáimtuma ainia nusha natsanmai̱ ajakártatui tura kajen ainia nusha péejchach ajasártatui. Túrunawarmatai nu tsawantinkia aya Uunt Yusak naṉkamantu awajnástatui.

Isa. 2:12

Kame Ashí Akupin Uunt Yusa tsawantri̱ átatna nu tsawantka wishikkiartin tura waantu enentáimtuma ainia nuna Yus ni kajetáiri̱n tura kakarmari̱ncha iniaktusartatui. Tuma asa natsanmai̱ awajnákartatui.

Isa. 27:9

Najanamu yusan tikishmátratniun iniaisarmatainkia Israer shuara tunaari̱nkia tsaṉkuramu átatui. Tí nekas Jerusaréṉka ajapa ikiukmia átatui. Tuma asamtai waakasha nui̱ yurumáiniawai núnisaṉ nuwa̱sha nuya̱nak jinia júukar juíniawai. Nu aentska peṉké enentáimcha áiniawai. Tuma asamtai ní najanasha Yus waitnentrachartatui.

Isa. 29:14

Tuma asamtai jú̱ shuarnumka ataksha aents túrachminian túrakun tsuumainian iniaktusartatjai. Túran niniu neka ainia nuna nekatairi̱ncha ikiajtiúkaran emeṉkátkartatjai” tímiayi.

Isa. 50:11

Túrasha nekaatarum ji ashí akarume tura shiripkisha ekemarme. Tura atumí ji̱rí̱ tsáapnintri̱ji̱a̱i̱ṉ núnisrumek atumí shiripkiri̱ ekemákmaja̱i̱ṉ wekaarme. Túrasha Uunt Yuska nunak íkturmaki̱ akuptúrmaktatrume. Túrutmamtai waitsa pujutai̱niam matsamsattarme.

Isa. 65:7

Atumí yajauchiri̱ni̱ṉ tura atumí aparí̱ naint ántar yusan kuṉkuinian áestuawar wishikruiniak yajauchin túrawaru ásarmatai nuna ashí iruran yaunchu ni túrawarua nuja̱i̱ métek ashí asutiátajrume” tawai Uunt Yus.

Jrm. 25:29

Ju̱ pepru Winia ának asuttian naṉkamattajai. ¿Átumka asutiámtsuk initiamsattaji tuuk enentáimprum? Ú̱mkashtatrume ashí nuṉká matsatrumna nútirmiṉkia mesetan najatattajrume” tawai Ashí Akupin Uunt Yus.

Jrm. 50:18

Ashí Akupin Uunt Yus Israera Yusri̱ chichaak ‘Wi Asiria akupniúri̱n asutiámajna nútiksanak Papirúnia akupniúri̱ncha núṉke̱ntuk asutiáttajai.

Jrm. 50:32

Naṉkamantu enentáimtumakka tukumak iniartatui túrasha túrunamtai iniantkitniuka yaaksha atsuttawai. Ni pépruri̱nkia ekemátrartatjai túramtaikia nui̱ ayamach pujuinia nusha ashí amuukartatui.”

Tan. 11:45

Nuya̱ṉka nayantsanmaya̱ tura Yusna akantúkma náintri̱n ti shiira nuna ajapéri̱n ni pujustintri̱ jutai̱ je̱a̱n je̱a̱mkattawai. Nui̱ṉkia amukatin tsawantri̱ jeá asamtai nin yáiṉtinkia peṉké atsuttawai.

Tan. 4:37

Yamaikia wi Napukutunusúr, nayaimpinmaya̱ Úunt Akupniun shiir awajeakun tura naṉkamantu enentáimtakun yúmiṉkiajai. Warí, Ni najankamuri̱sha timiá nekas péṉker ásarmatai Ni túrutairi̱sha nekas naka áiniawai. Tura naṉkamantu enentáimtumainia nunasha Niṉki péejchach awajsámniaiti tájarme. Tu chichakmiayi Napukutunusúr.

Wek. 24:24

Kame uunt kanusha Kitimnumia̱ nayantsa kaanmatkari̱ya̱ jíintrar Asirianmaya̱ aents tura Iwirnumia̱ aentssha peṉké wáitkiasartatui. Túrasha nisha núnisaraṉ ashí emeskamu ártatui” tímiayi.

Mat. 12:33

“Yutai̱ númikia péṉkeran nereawai. Tura tséas numisha yajauchin nereawai. Ni nere̱ja̱i̱ numi nekaamniaiti. Atumji̱a̱i̱sha núniskete.

Mat. 15:19

Ashí yajauch enentáimsatniuka enentáinmaya̱ jiiniainiawai, maṉkartuatniusha, chikicha nuwé̱ kasamkatniusha, tsanirmatniusha, kasamkatniusha, waitruatniusha, yajauch áujmatsatniusha.

Muis. 32:27

Túrasha atumí nemasri̱ naṉkamantu enentáimtumasar “Uunt Yuska áitkiachai antsu iik áitkiaji” tu enentáimtumasara̱i̱ṉ tusan túrachuitjiai.’

1 Pit. 4:17

Yuska ni shuari̱n nekapsatajtsa naṉkamatniuiti. Tura nu tsawantcha jeayi. Yus imia iin nekapramkuisha Yus chichaman umirainiatsna nú shuarsha urukawartiṉ. Ti asutniáwartatui.