Isa. 10:1 - Yus Papí: Shuarja̱i̱ Yus Yamaram Chicham Najanamu

^1-4 Wi shuar kuítrincha ainia nuna wáitkiastaj tusa akupkámu chichaman tura umiktin chichaman najanainia nu aneararminiaiti. Warí wajé̱ tura mitiaik ainia nuna warirí̱nkisha atantrartaj tusa túruiniatsuk. ¿Túrakrumsha asutniátin tsawant jeamtaisha urukattarmek? ¿Yaki ayamprutkata? titiarum. Tura átum naṉkamantu enentáimtumatairi̱sha ¿urukatiṉ? Áyatik achirar yarumma urukainia núniktatrume túrunarum kajiṉtatrume. Túmakrumnisha Ni kajekmári̱ṉkia naṉkaamaschattawai. Túrasha Ni uwejé̱ṉka takuri̱ aya ajatas araawai.

Isa. 10:1 Iomraidhean Croise

1 Akup. 21:13

Nuya̱ṉka jimiará áishmaṉ netse armia nu Nawut pujamunam eem pujusármiayi. Tura aents iruntramunam Nawutan chicharainiak “Yúsnasha tura úunt akupniuncha yajauch chichareawai” tiármiayi. Nuya̱ṉka péprunmaya̱ jí̱i̱kiar kayaja̱i̱ tukurar máwarmiayi.

YKan. 58:2

Atsá antsu yajauch enentái̱ji̱a̱i̱ túrarme. Tura átumka netse túrutai̱ji̱a̱i̱ ju̱ nuṉka yajauch awajrume.

Jiin. 23:3

Kame kuítrincha yajauchin túramtai aya kuítrincha asamtai ‘péṉker túraiti’ tiirap.

Jiin. 23:6

Ashí aentsnanun akupkámu chicham nekas níniua nuna súamunka yaaksha atankishtiniaiti. Núnisaṉ takurmakcha nusha sumamtikniunam untsumak nekas níniua núnaka iwiartumartiniaiti.

Isa. 29:21

Núnisaṉ chichame̱ja̱i̱ aentsun ántar makú ainia nusha tura pepru wá̱i̱ti̱a̱i̱ri̱n chichama iwiarin pujuinia nui̱ yajauch shuara nu tunamkachua nuna yáinian tsanumprinkia nuyá̱ péṉkera túrinian ántar chichamja̱i̱ anaṉkin ainia nuka mash amuukma ártatui.

Isa. 5:11

Nekaska aya námpetnak enentáimtin ainia nu timiá wáitsartatui. Kame nampermak tí peṉker iwiarkamun yurumáiniak Yusa túramuri̱ncha peṉké enentáimtuiniatsui. Túmainiakui ni úuntri̱sha tsukái tura kitiakai kajinkiartatui tura chíkichkia enentáimcha ásar achirar yajá yaruakma ártatui. Túrasha ashí ni peṉkeri̱ṉkia takamtsuk emestunkattawai. Kame Uunt Yuska Tunaarincha Yus asa ni túramusha shiir awajnástatui. Túrunamtai muriksha tura chípiusha pepru emeskamu ainia nui̱ yurumáwartatui” Isayas tu ujakármiayi.

Isa. 5:18

Átum najanamu yus enentáimtakrum ii túrajnia nu túratarum tusarum chikitcha chapikji̱a̱i̱ jiṉkiá japía nútikniutirmesha núnisaṉ tunáa túrumtikiattsarum kawainium japiki̱ jua núnis túrintirmesha aneartarum, tí waitsattarme.

Isa. 5:23

Tura umitmaku nékayatrum kuit akikmatkarum yajauch túrachai tusarum nuja̱i̱ péṉkeran tura yajauch awajniútirmeka, maa aneartarum tí waitsattarme.

Isa. 5:8

Chíkichkia pujuschamnia átumka iik matsamsatai tusarum je̱a̱sha tura nuṉkasha ishichik kuitji̱a̱i̱ sumarmamprarum mash anetearmena nútirmeka aneartarum tí waitsattarme.

Isa. 59:13

Ni wakeramusha umitsuk Uunt Yussha nakitrar ii Yúsri̱nchuiti tíniuitji. Ii Yúsri̱ji̱a̱i̱ wekayatar Yuska iniaisar ataksha Níiya̱ṉka kanaaji. Tura wáitkiastai tusar áujmatkur aya kájeaji núnisrik yajauch túrakur ii enentái̱ji̱a̱i̱ṉ waitruar chichawitji.

Isa. 59:4

Yaaksha péṉker túratniun wakerak untsumtsui. Tura yaaksha nekasa nuja̱i̱ métek sumamtikiachmaiti. Naṉkamantu enentáimtumainia nuna anturainiak wait chichaman chichainiawai. Yajauch wakerutai̱n ajaprukar yajauchin takuiniawai.

Jrm. 22:13

Je̱a̱n je̱a̱muk nekasa nuja̱i̱ métek túrutsuk ni írutkamuri̱ takarmaitiat akikmatsna nuka anearti. ¿Kame ame apa Jusíaska atsumainian tura wáitkiatai armia nuna péṉker sumamtikiachmakia? ¿Nuna túrakchak nisha péṉker pujusmia? ¿Núchakait Winia nekaratniuka? tawai Uunt Yus. Túrasha ámeka áyatik waitruar kuit achiktiniak tura umitmákcha numpé upurturtiniak núnismek anaṉkar yajauch awajsatniuk enentáimtame.

Ams. 2:7

Tura kuítrincha ainia nuna muuke̱n nuṉká ju̱yu̱ri̱ya̱ najatainia núnis tura péejchachiniu átinia nuna arantutsuk atantáiniawai. Nú arant apasha ni uchirí̱ji̱a̱i̱ nu nuwa̱nak tsanirmainiak winia naar péṉkera nuna yajauch awajsaruiti.

Awa. 2:12

Tura aentsun kajeṉkar pépruncha núnisaṉ itiurchat awajkámuja̱i̱ je̱a̱n je̱a̱mainia nusha aneararti.

Awa. 2:15

Núnisaṉ aents ni amikri̱n anampak misú íistaj tusa umutai̱ ti karía kakarma nuna aakka anearti.

Awa. 2:19

Tura numin chicharainiak ‘¡Shintiarta!’ tura kayancha chichachunak ‘¡Wajaktia!’ tuinia nusha aneararti. ¿Warí unuikiarturtinian jeainiawak? Atsá, áyatik kuriji̱a̱i̱ tura kuít jiruja̱i̱ eṉkekma áiniawai tuma ásar iwiaaku wakaní̱n takakenatsui.

Awa. 2:6

Túrasha métektaku chichamja̱i̱ chicharsar ashí aents wishikrachartatuak. Tura chicharainiak ‘Níniuchun irumniua ¿ausha urukatiṉ? Tura akirkákmin awaṉtukmijiam tusa yaruak irumeana auncha áitkiatniuncha ¿urutáiṉ iniaisat?’ tiártatui.

Awa. 2:9

Itiurchatnumia̱ uwempratai tusar níniunka ú̱kar chikichniaja̱i̱ kuítrintin ajastinian wakeruinia nuka aneararti.

Mat. 11:21

“Kurasínnumia̱tiram tura Petsaitianmaya̱tirmesha aneartarum. Nui̱ aents tujintiamun ti túraitjiai. Tírunam Setunnumsha nu tujintiamu túramuitkiuiṉkia yaunchu ni enentái̱n yapaji̱áwara̱a̱yi. Túrawar kúntuts pujutai̱ pushin entsarar yuṉkunim ajakiara̱a̱yi.

Mat. 23:23

Maa jintinniutirmesha, Pariséutirmesha aneartarum. Ántrarum shiir chichamtiniaitrume. Kuminiu nuke̱sha, anisa nuke̱sha, menta nuke̱sha tias akantram chikichik akankámu Yus súwitrume. Nuka péṉkeraiti, ikiukchatniuiti. Túrayaitrum nekas péṉker túratniua nu túrutsuk ikiuwitrume. Yus nekas enentáimtustincha, waitnentáimturtincha tura tuke péṉker túratniusha enentáimtsuk ikiuwitrume.

Mat. 23:27

Maa jintinniutirmesha, Pariséutirmesha aneartarum. Ántrarum shiir chichamtiniaitrume. Iwiarsamu pújuja̱i̱ yakarar shiir awajsamua áiniuitrume. Á̱a̱ni̱ṉkia shiir áiniayat initkia jaká ukunchí̱ piákuiti.

Mat. 23:29

Maa jintinniutirmesha, Pariséutirmesha aneartarum. Ántrarum shiir chichamtiniaitrume. Yaunchu Yúsnan etserin iwiarsamunam átumka shiir enentáimtakrum je̱a̱ je̱a̱mkaitrume. Tura péṉker shuar yaunchu jákarusha shiir enentáimturtaj tusarum ni iwiarsamu shiir awajearme.

Mat. 26:24

Wi Aents Ajasu asan Yus Chicham tana nuja̱i̱ métek túrunattajai. Túrasha shuar Winia surutkattana nuka ti asutniátin asa akiinmainchu ajakuiti” tímiayi.

Ruk. 11:52

Jintinniutiram aneartarum. Waiti asakatniua núnisrumek nekasa nu nekaatin epenearme. Atumkesha waya̱chiatrum waya̱taj tausha suritiarme” tímiayi.

Juaṉ 19:6

Yúsnan pujurniu peṉkeri̱sha tura suntarsha Jesusan iisar kakantar untsumainiak “Krúsnum jakati. Krúsnum jakati” ajarmiayi. Piratusha “Átum jukirum mátarum. Ni yajauch túrutairi̱n peṉké wáittsujai” tímiayi.

Juaṉ 9:22

Sapijmiak tiármiayi. Israer shuara úuntri̱ṉkia “Jesus Yus akupkámu asa nekas Krístuiti” tuinia núnaka Israer shuara iruntai̱nmaya̱ ji̱i̱ki̱ akupnákti tiniu ásarmatai tsuarma aparí̱ ashamkarmiayi.

Jut. 1:11

Maa, aneararti. Kain yajauchin túramia núnis tura ásar jákartatui. Tura Paraama áinis kuítian ti wakeruiniak imia niṉki tunaanum tsaṉkamakaru áiniawai. Tura Kurái áinis ashí akupniun nakitín áiniak kajinkiartatui.