Isa. 1:7 - Yus Papí: Shuarja̱i̱ Yus Yamaram Chicham Najanamu

⁷ Atumí nuṉke̱sha emeskamuiti núnisaṉ atumí pépruri̱sha ekemármaiti. Tura átum íimprumni̱ṉ atumí arakri̱ncha yajaya̱ kaunak amuk aya jú̱nik ikiuana núnis túramuitrume.

Isa. 1:7 Iomraidhean Croise

YKan. 107:34

Nui̱ matsatainia nuna yajauchiri̱n tará nuṉká jeaku awajniuiti.

YKan. 107:39

Kame wáitkiainiamu ásar ti wáitiainiak tura kúntuts nekapenak jakamnia enentáimiainiak menaki̱ ishichik ajakí̱ wénawai.

YKan. 109:11

Kuítian ikiamniua nú ashí ni takakna núnaka nérentin ajasti. Tura yajaya̱ aents ainia nu ni ajarí̱n nerea núnaka jurukiarti.

Isa. 1:8

Seuna nawantri̱nkia uwa ajanam tura inchí ajanam aak áakmakar ikiukmiana núnin tura pepru téntakar matsamtúkma ánis niṉki juakai.

Isa. 49:19

“Tura áminiun emeskar jú̱nik ikiukiarmasha nuyá̱ áme nuṉkemsha emeskamu arma nu nuṉkanmaṉka piákrum ashí aents matsamsachmin awajsattarme. Tura ámin emestamkaruka yajá pujusártatui.

Isa. 5:9

Uunt Yus nekas túrattajai tusa winia chichartak “Uunt je̱a̱sha péṉker iwiarkamu áiniayataṉ pujuschamu ártatui. Tura uunt aja ajamprumsha nuyá̱ núkap arakmarmesha peṉké ishichik juurmattarme.

Isa. 6:11

Nuna takui̱ wi chicharkun “Uuntá, urutáik etsertancha iniaisataj” tímiajai. Tutai chichartak “Péprusha amukar áentsri̱ncha ajasártatna tura je̱a̱sha itiarak ajasár nuṉkasha núṉkak juákartatna

Isa. 9:18

Kame tunaaka ji tsuátan áeseak itiurawa núnis múkun múkun ajamiayi. Uunt Yus kajekú asamtai nuṉkasha tura aentsush asutniáwartatui. Tura aentsush nuamtak mai̱ maanai ajainiak nú arant ajainiawai. Túmainiakuisha Uunt Yusa kajetáiri̱ṉkia naṉkaamatsui antsu nu arant awajiártajtsa aya ajatás Ni uwejé̱ṉka takuri̱ araawai.

Isa. 9:5

Kame nupa̱ jiji̱a̱i̱ áesatniua núnisar mesetnum wéakur sapat awerar tásaar ajataiṉkia núnisaṉ mesetnum entsatái̱ pushí numpamkamusha áesnakartatui.

Jrm. 2:15

Úunt ya̱wa̱ uchirí̱ṉkia Israeran weruiniak júrur ajainiawai. Úunt ya̱wa̱ shiniakui antukar Israer nuṉkaka aya jú̱nik ajasárai. Tura pépruri̱sha ekemátramu ásar shuari̱sha atsá aya jú̱nik juákarai.

Jrm. 4:7

Úunt ya̱wa̱ka tepetairi̱ya̱ jiinkiyi. Kame uunt nuṉka mátsatkainian emesmia nuka jiinkí̱ wéawai. Ame nuṉkemín emesak aya jú̱nik awajsartaj tusa pujutái̱ri̱ya̱ṉka jiinkiyi. Ame pépruram ainia nuka emesnak áentsri̱ncha awajnásartatui.

Jrm. 44:6

Túmakrumin Wi suir kaje̱ntkamusha naṉkatukai túran Jutanam pepru írunna nuna tura Jerusaréṉnum paasa jintia írunna nunasha kajerkaran kéerkaitjiai. Tuma ásar emesnakar yamái ana núnisar aya jú̱nik juákaruiti.

Jrm. 6:8

Maa Jerusaréṉká iwiarnarta. Núja̱i̱nchuka Winia wakantrusha amiya̱ṉka kanakminiaiti. Núnisnak nuṉkemniasha atsá aya jú̱nik pujuschamnia awajtúsaijiam.

Jrm. 7:34

Tuma asamtai Jutanam pepru irunainia nui̱sha tura Jerusaréṉ péprunam paasa jintia áiniana nui̱sha warakur shiir enentáimsar kantamtai̱ncha núnisnak nuatnaiya̱munam áishmaṉja̱i̱ nuwa̱ nuatnaiya kantamtai̱ncha emeṉkátraran mitia awajsartatjai. Warí nu nuṉka ashí emesnakchattawak” tíniuiti.

Riw. 26:33

Atumniaka ashí nuṉkanam tsakiṉmaktatjarme. Túram Winia puya̱run atumín ukuitkiattajrume. Nuya̱ṉka atumí nuṉke̱nka aya jú̱nik ajasármatai atumí pépruri̱ṉkia ashí itiarak ajasártatui.

Riw. 26:34

Nú túrunamtai atumí nemasri̱ nuṉke̱n átum pujuttarmena nui̱ṉkia aya jú̱nik juaku asa núṉkaka tí peṉker ayamprattawai. Nuyá̱ núṉkaka áyameak ti shiir nekaprattawai.

Muis. 28:33

Ántsaṉ atumí nuṉke̱n takakmasrum arakmattarmena nunasha átum nékashtai̱ aents yuáwartatui. Tura ashí tsawant ayamtiktsuk wáitkiatai átatrume.

Muis. 28:43

Núnisaṉ yajaya̱ aents atumji̱a̱i̱ pujuartatna nuka atumji̱a̱i̱ṉkia naṉkaamas kakaram ajasártatui. Túrunawarmatai átumka peṉké imiancha ajastatrume.

Muis. 29:23

‘Yaunchu Sutuma, Kumura, Atma, tura Sepuim péprun Uunt Yus ti kajerak suira kaje̱ntuk asupriji̱a̱i̱ tura weeja̱i̱ nuyá̱ jiji̱a̱i̱ amukmiayi. Tuma asa nu nuṉkanmaṉka nupa̱sha tsapaichmin araksha arakmachmin ajasuíti. Kame nuja̱i̱ métek atumí nuṉke̱sha ajasuíti’ tiártatui.