Isa. 1:16 - Yus Papí: Shuarja̱i̱ Yus Yamaram Chicham Najanamu

¹⁶ Antsu átumka nijiamarum japimiarmena núnisrum tura atumí yajauch túrutai̱ Wi íimmianumka iniaisatarum. Nuyá̱ yajauch túrutai̱sha nekas iniaisatarum.

Isa. 1:16 Iomraidhean Croise

2 Akup. 17:13

Nuyá̱ Uunt Yus Israernumia̱ shuaran tura Jutanmaya̱ shuarnasha ashí ni etserniuri̱ji̱a̱i̱ tura ashí neka Yus chichame̱n ujauya armia nuja̱i̱ chicharainiak “Atumí yajauch túrutairi̱ iniaisarum tura waketkirum Wi akupkámu umiktarum. Kame yaunchu atumí we̱a̱trí̱n ashí umikiarat tusan winia takartin Yúsnan etserniuja̱i̱ akupkámiajai” tímiayi.

YKan. 26:6

Winia uwejrunka nijiamaran tunaarincha awajsaitjiai. Nuní̱ túran Uunt Yus áestutairmi yantamén wekasattajai.

YKan. 34:14

Yajauchinmaya̱ kanakrum péṉkera nuke túratarum. Nuyá̱ tuke imiatkincha pujustin wakeritiarum. 1 Pit. 3:10-11

YKan. 37:27

Yajauchinmaya̱ kanakim péṉker túrata túram tuke iwiaaku pujustatme.

YKan. 51:2

Winia yajauch túrutair japirturam tunaarusha mash asaktúrata.

Neka. 21:3

Nákak wekaak tura péṉker enentái takustinia nuna Uunt Yus ti shiir wakerawai waaka maar áestuatniua nuna naṉkaamas.

Neka. 4:27

Péṉker jintianam wekaamna nuya̱ṉka kanakip. Antsu yajauch jintia nuya̱ṉka kanakim péṉker jintianmaṉ wekasata.

Isa. 52:11

¡Kanaktiarum! ¡Kanaktiarum! Nuya̱ṉka jíinkitiarum. Tura mui̱jmiai̱ya̱ nusha antiṉkiairap. Tura ni matsatainia nuya̱sha jíinkitiarum. Tura Uunt Yusna takarkur takakmatai juármena nútirmeka imiatkincha ajastarum.

Jrm. 18:11

Kame yamaikia Jutanam tura Jerusaréṉnum aents pujuiniana nu chicharainiakum Uunt Yus chichaak “Nekaatarum yajauchiji̱a̱i̱ átum wáitsatniun iwiarturan Wi tesarájrume. Tuma asamtai yamaikia aṉkant aṉkant atumí yajauch túrutairi̱ṉkia iniaisarum seertarum tawai tiartá” tímiayi.

Jrm. 25:5

Warí Yúsnan etserin chichainiak ‘Atumí netse enentáimtairi̱sha tura yajauch túrutairi̱sha iniaisatarum. Túrakrumka Uunt Yus atumín tura atumí úuntri̱n nuṉkan amasuítrumna nui̱ iniaṉnatsuk tuke matsamsattarme.

Jrm. 26:3

Maa anturtamkar aṉkant aṉkant ni yajauch túrutairi̱n iniaisarka maak árainti. Túrawarmataiṉkia ni yajauch túrawarmanum nin asutiáwartinian Wi iwiarturaruitiaj núnaka Wisha iniaisaintjiai.’

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 4:14

Maa, Jerusaréṉká uwemprataj tákumka netse enentáim yapaji̱áta. Tura yajauch túruktin iwiarkam takakmena nusha ¿urutáiṉ iniaisatam?

Ams. 5:15

Péṉkera nu aneakrum yajauchia nuka muí̱jkiatarum. Núnisaṉ chícham iwiartai̱nmasha nekasa nuja̱i̱ métek sumamtikiatin juárkitiarum. Antsu nuiṉkia Jiuwá Yus, Nayaimpinmaya̱ Suntara Uuntri̱ Jusé shuar juákarua núnaka waitnentrachartimpiash.

Jns. 3:8

Túrarum ashí aentstiram suí̱r pushí entsarum núnisaṉ atumí taṉkuri̱sha nukukrum aṉkant aṉkant átum yajauch túrarmena nuka iniaisarum nekas enentáiji̱a̱i̱ Yus seatarum.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Sak. 7:7

Kame Jerusaréṉnumsha pepru ayaam irunmia nui̱sha tura Nekep nuṉka nuyá̱ Sejera nuṉkanmasha aṉkant waras pujuarmia nui̱ emka Yúsnan etserniuja̱i̱ Uunt Yus ujakármia ¿nú chichamkechukait?” tímiayi.

Mat. 3:8

Tuma asamtai ené enentáimia ajasuitkiurmeka péṉker wekaamurmiji̱a̱i̱ paant iniakmastarum.

Tur. 22:16

Tuma asamtai yamaisha ¿warí nákam? Tunaarun asakátrurat tusam Uunt Jesus enentáimtusam weme ni naari̱ pachisam imiantia’ turutmai.

Rum. 12:9

Nekas enentáiji̱a̱i̱ mái̱ anenai ajatarum. Yajauch nakitrarum péṉkera nu túratarum.

2 Kur. 7:1

Tuma asamtai aneamur yatsurtiram, nusha Yus timia nu, iin túramji. Nu tuma asamtai ii aya̱shi̱ tura ii enentái̱sha yajauch ajasá̱i̱ṉ tusar ashí tunáa ana nuyá̱ kanaktiniaitji. Túrar “Yusak nekas ii úuntri̱nti” takur ii aya̱shí̱sha ii enentái̱sha takamtsuk tuke tsawant Yus íktustiniaitji.

San. 4:8

Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum.

1 Pit. 2:1

Tuma asamtai ashí yajauch ana nu iniaisatarum. Anaṉkartin ántar chichamtin átin, chikichna wakeruktin, ashí tsanumpratniusha iniaisatarum.

Apu. 7:14

Túrutkui “Uuntá, amek nékame” tímiajai. Tutai “Ju̱ shuar tí waitsaru áiniawai. Túrawar Murikiu numpe̱ja̱i̱ ni pushiri̱ nijiamawar puju awajsaru áiniawai.