Isa. 1:14 - Yus Papí: Shuarja̱i̱ Yus Yamaram Chicham Najanamu

¹⁴ Nu arantcha átum nantu takamtai námper nájankuram yajauch enentái̱ji̱a̱i̱ iruntrumna núnaka Winia Wakaniur muí̱jiawai. Tura nu kijin awajtakui pimpikin nakitkíjiai.

Isa. 1:14 Iomraidhean Croise

Isa. 29:1

Anearta Arierá, Tawit pujutai̱ péprusha Arierá urukatiṉ. Kame tuke uwitin námperka najankim uwir uwir wetá.

Isa. 29:2

Túrasha Ariernaka Wi wáitkiastatjai. Tura wáitiakur uttai̱ pepru awajsattajai. Nuiṉkia nisha Wí íismaka nekas Arier ajastatui.

Isa. 61:8

Warí Wikia Uunt Yus asan péṉker túrinia núnaka anenaitjiai. Tura chíkich kasarmancha nuyá̱ yajauch túramuncha muí̱jiajai núnisnak péṉker túramua nuja̱i̱ métek akikiártatjai. Túran peṉké amukashtin chichaman niji̱a̱i̱ najanawartatjai.

Isa. 66:23

Tura nantur nantur nuyá̱ tuke ayamtai̱ tsawantin ashí aents Winia tikishmátrurtai tusar kauniartatui tawai Uunt Yus.

Isa. 7:13

Nuiṉkia Isayas chichaak “Yamaikia Tawitia shuari̱ya̱ antuktarum. Aentsush umiriachkuram ákajearmena nútiksarmek winia Yúsrusha umiriachkuram ¿ákajeatsrumek?

Use. 2:11

Ashí ni nampermatai yamaram nantuncha sáwar enentáimtutai̱ncha tura ashí namper najantaincha ni waratáiri̱n mitia awajtústatjai.

Ams. 2:13

Nu tura asaakrumin Wisha atumín kame karetanam trikiu áimkiamuja̱i̱ chanúa náṉkana áitkiattajrume.

Ams. 5:21

Kame atumí namperi̱nkia muí̱jiakun nakitiajai. Núnisaṉ átum iruntrarum nampermarmena nusha péṉkerka kuṉkuntratsui.

Sak. 11:8

Tura chikichkí nantunmaṉ menaintiú murikiu wáinniun ji̱i̱rarmajai. Tura nuna túrawaran tí kuntuts nekapramjai núnisaṉ nisha nakitrurarmiayi.

Mks. 2:17

Atumí chichame̱ja̱i̱ Uunt Yuska ipimkiniaitrume túrasha átumka “Iisha wariji̱a̱i̱ ipimkiniaitiajⁱ” tárume. Kame átumka chichaakrum “Yajauch túrakrincha Yuska waraawai tura shiir enentáimturmaji” tú takuram nú arantcha “¿Nekasa nuja̱i̱ métek túrin Yussha tui̱ pujá?” tárume.