Isa. 1:1 - Yus Papí: Shuarja̱i̱ Yus Yamaram Chicham Najanamu

¹ Uunt akupin Usías tura Jutamsha Akaassha nuyá̱ Esekíassha Jutá nuṉkanam úunt akupin pujuarmia nu tsawantin Amusa uchirí̱ Isayas Jutá nuṉkanam tura Jerusaréṉ péprunam túrunattana nuna ímiaja̱i̱k wainkiamiayi.

Isa. 1:1 Iomraidhean Croise

2 Akup. 15:1

Jirupuámka paintisiáti uwí akupin ajas Israernum pujamunam Asarías Jutanam akupin ajasmiayi. Kame tiasisáis uwí takaku akupin ajas seṉkuintitús uwí akupkámiayi. Ni aparí̱ Amasías túramia tímiatrusaṉ nisha péṉkeran túramiayi. Túmaitiat aents najankamu yus enentáimtutai̱ ainia núnaka emeskachu asamtai aentska taṉkú máwar najankamu yusan nui̱ áestiarmiayi. Tuma asamtai Uunt Yus répraja̱i̱ suṉkurmamtikiamiayi túramu asa akupin pujutai̱ je̱e̱ni̱ṉ akankámu pujumiayi. Tuma asamtai ni uchirí̱ Jutam akupmiayi. Tura Asarías jakamtai ni uuntri̱ iwiarsamu armia nui̱ tíjiu̱ch Tawitia Pépruri̱n iwiarsarmiayi.

2 Akup. 15:13

Kame Asaríaska traintinuíwi uwí akupin ajas Jutanam pujamunam Sarum Israernum úunt akupin ajas chikichik nantu Samarianam pujusmiayi. Nuya̱ṉka Manajém Samarianam taa Saruman maa úunt akupin ajasmiayi. Tura Tipsa pépruncha emeskamiayi nuya̱ṉka nuwa̱ ajamtin armia núnaka wake̱n nakarkar kajeṉkármiayi.

2 Akup. 15:32

Israernumka Pikia úunt akupin ajas jimiará uwí pujamunam Usíasa uchirí̱ Jutam Jutanmaṉka úunt akupin ajasmiayi. Kame paintiséṉku uwí takaku akupin ajas tiasisáis uwí akupkámiayi. Kame niṉkia péṉkeran túramiayi túrasha najankamu yus enentáimtutai̱ armia núnaka emeskacharmiayi. Jutamka Uunt Yusa Je̱e̱n waiti nekas páantniuya nuna najanamiayi. Nuya̱ṉka mesetan najatawarat tusa Asirianmaya̱ úunt akupniun Resenan tura Israernumia̱ Remarías uchirí̱ Píkian Uunt Yuska Jutá shuaran akuptan naṉkamamiayi. Tura Jutamka jakamtai ni uchirí̱ Akaas Jutanmaṉka úunt akupin ajasmiayi.

2 Akup. 18:1

Kame Israer nuṉkanam Irá uchirí̱ Useas menaintiú uwí úunt akupin ajas pujái̱ Akaasa uchirí̱ Esekías Jutá nuṉkanam úunt akupin ajasmiayi.

2 Akup. 19:2

Tura ni yáintri̱n Iriakímian tura papí ain Sépnan núnisaṉ Yúsnan takarniúri̱ uuntri̱ pujuarmia nui̱ Amusa uchirí̱ Isayas iyutarum tutai wénak kúntuts pujakur entsatai̱ pushin entsarar weriarmiayi.

YKan. 89:19

Yaunchu Ámin umirtamin armia nuka mesekranam chicharainiakum “Wi shuarnak kakarman anaikian páantin awajsan yáiṉmiajai.

Isa. 13:1

Papirúnia urukatta nuna Amusa uchirí̱ Isayas ímiaja̱i̱k wainiak etserkamiayi. Tura tarach naint atsamunam ainia nui̱ awajárum takuitiarum. Núnisrumek aents untsuktarum túrakrumin kakaram áiniana nuna wáitiri̱n waya̱warti. Winia ti shiir awajsamu áinian útsuiniajai. Tura Winia kakaram ainia nunasha untsukarjai. Núnisaṉ Wi nupetmakui warainiana nunasha Wi kajekan akupkámurun umikiarat tusan akupénajai.

Isa. 2:1

Nuyá̱ Amusa uchirí̱ Isayas Jutanam tura Jerusaréṉnum túrunattana nuna ímiaja̱i̱k wainkiamiayi.

Isa. 40:9

Tura uwempratin chicham etserin asam Seuná, naint yakiya̱ nui̱ wakata. Kame Jerusaréṉká, yamaram chicham etserin asam sapijmiatsuk kakaram etserkata. Tura Jutanmaya̱ pepru chicharainiakum “¡Atumí Yusri̱ ju̱i̱ pujawai!” tu ujakárta.

Isa. 6:1

Uunt akupin Usías jakamia nú uwitin Uunt Yus yakí̱ ashí naṉkamantu úunt akupin pujutai̱niam pujan wi ímiaja̱i̱k wáinmiajai. Tura ni pushirísha nuntuaru asa Yusa Je̱e̱n anetak pujumai.

Isa. 7:1

Kame Usíasa uchirí̱ Jutam tura Jutama uchirí̱ Akaas Jutá nuṉkanam úunt akupin pujumiayi. Núnisaṉ Siria nuṉkanam úunt akupin Resen tura Israer shuara akupniúri̱ Remaríasa uchirí̱ Píkiaja̱i̱ iruntrar Jerusaréṉ pépruja̱i̱ mániatai tusar káutkarmiayi túrasha nupetkacharmiayi.

Jrm. 23:16

Ashí Akupin Uunt Yus jú̱nis tawai “Yúsnan etserin ainia nuna chichame̱ anturkairap. Warí átumka ‘ashí tí peṉkera nuna wainkiattajai’ tu enentáimpratarum tusar ántar ujatmainiawai. Kame ni enentáimsaṉ ímiaja̱i̱k wainkiamuncha ujatmainiawai túrasha nuka Uunt Yusa chichame̱nchuiti.

Isk. 1:1

Isekiárka chíkich Jutanmaya̱ shuarja̱i̱ achikiar yaruakma nuja̱i̱ irunar matsamiayi. Tura tsawant seṉku ámanum tura nántuka kuatru taka eketmanum tura uwisha traintia ai̱ tura úunt akupin Juakin achikiar yajá nuṉkanam jukimiu seṉku uwí naṉkaamasu ai̱ Yúsnan pujurniun Pusi uchirí̱ Isekiáran Kartía nuṉkanam tura Képar entsa ayamach pujan Uunt Yusa chichame̱ tarimiayi. Kame Uunt Yus nui̱ Ni uwejé̱ awantrusu asamtai nayaim uranmianum Yusan ímiaja̱i̱k wainkiamjai.

Use. 1:1

Tura Jutanmaya̱ṉka Usías núnisaṉ Jutam tura Akaas nuyá̱ Esekías akupin pujuarmia nui̱ tura Israernumsha Juasa uchirí̱ Jirupuám akupin pujamunam Uunt Yus Pirí uchirí̱ Useasja̱i̱ chichasmiayi.

Ams. 1:1

Kame Jutá shuara akupin Usías tura Israer shuara akupniúri̱, Juasa uchirí̱ Jirupuám pujuiniai̱ ú̱u̱rkatin jimiará uwí taasu ai̱, Tekua péprunmaya̱ áishmaṉkan murikiu wáinniun Amusan Israer shuarnum túrunattana nuna Yus ujakmiayi.

Ams. 4:5

Paṉ karin eṉketámu yúmiṉkiakur áestutai̱ya̱ nútiksarum áestuatarum. Túrarum ii enentáimsarik Yus súsatniua nu susatarum tusarum étserkuram kakantrarum charáa charáa ajatarum. Warí Israer shuartirmeka nu wakeriniaitrume” tawai Ashí Uuntri̱ Uunt Yus.

Mik. 1:1

Jutanmaya̱ úunt akupin Jutam, Akaas tura Esekías pujusármia nu tsawantin Samaria tura Jerusaréṉ túrunatniun Muresétnumia̱ Mikíasan Uunt Yus iniaktusmia nuna Mikías etserkamia nuka ju̱i̱ti.

Awa. 2:2

Nuya̱ṉka Uunt Yus winia chichartak “Ame ímiaja̱i̱k wáinmena nuka paant aartá. Ju̱na áujuka nekaawar tsékeṉki̱ chikichnasha ujakárat tusam túrata.

Wek. 12:6

Nui̱ Uunt Yus chicharainiak “Yamaikia Winia chichamur péṉker anturtuktarum Úunt Yusnan etserin átum takakkurminkia Wikia ímiaja̱i̱ksha núja̱i̱nchuka mesekranmaṉsha níji̱a̱i̱ṉkia chichasaintjiai.

Wek. 24:16

Yus timian antuk Naṉkamantu Yusa nekatairi̱ncha nékana nu tura iniar tepayataṉ Ashí Tujintkiachu iniaktamuncha iimiá pujak jú̱nis tawai.

Wek. 24:4

Kame Yusa chichame̱n antuk etserniua nu tura iniant iimia tepakᵘ Ashí Tujintkiachu Yus iniakmamuncha ímiaja̱i̱k wáinniua nu chichaak

Mat. 17:9

Nuyá̱ náinniumia̱ akainiak Jesus chicharainiak “Átum ímiaja̱i̱k wainkiarmena nu Wi Aents Ajasu asan jakamunmaya̱ nantaatsa̱i̱ṉ peṉké etserkairap” tímiayi.

Tur. 10:17

Nuna túrunan wainiak Pítiur wariniak ániuncha wáinkiaj tusa enentáimia pujái̱ uunt Kurniriu aya̱kma armia nu Semuṉka je̱e̱n tui̱ pujá anintruiniak jeawariayi.

Tur. 26:19

Tuma asamtai uunt Akripia, Uunt Jesus nayaimpinmaya̱ wantintiurak turutmia nuna umirkataj tusan pujajai.

2 Kur. 12:1

Kame wiki shiir chicharmamsatniun nakitiajai. Túmayatnak íimiarjana nuna tura Uunt Jesus iniaktursamia nuna ujaktiniaitjiarme.

2 Pit. 1:21

Warí, Yúsnan etserin aya ní enentái̱ji̱a̱i̱ṉ peṉké etserkacharmiayi. Antsu Yusa Wakaní̱ ni enentái̱n útsuam Yusna nuna etserkarmiayi.