Ipi. 6:9 - Yus Papí: Shuarja̱i̱ Yus Yamaram Chicham Najanamu

⁹ Tura atumsha, iniamniutirmesha, atumí takartamu wakaní̱ mántutsuk shiir enentáiji̱a̱i̱ iniartarum. Nekas enentáimpratarum. Ii Uuntri̱ nayaimpiniam pujana nuna nisha atumji̱a̱i̱ métek umirainiawai. Tura Yuska ashí shuaran akantsuk métek iyawai.

Ipi. 6:9 Iomraidhean Croise

Neem. 5:5

Túrasha nekaatarum, ii yachi̱ ii shuar áiniawai tura ni uchirí̱sha ii uchirí̱ya núnisar áiniawai. Tuma aak yamaikia ii uchirí̱sha tura ii nawantri̱sha iniatai̱ árat tusar súruiniaji. Kame ii nawantri̱ṉkia untsurí iniatai̱ ajasáruiti túrasha yamaikia akikmatkar aṉkant awajsatniusha peṉké jeainiatsji. Warí ii nuṉke̱sha tura ii uwa ajarí̱sha chikicha uwejé̱n yamaikia pujuiniawai” tiármiayi.

YKan. 140:12

Tura shuar wáitkiasma ainia núnaka Uunt Yus yaya̱wai núnisaṉ atsumainia nunasha ayampruiniawai, nuna nékajai.

Isa. 47:6

Winia shuaruncha kajerkamjai. Tura Winia nuṉkarnasha mui̱jmiai̱ awajsámjai túran ámin íktusan iniaitiusmajme. Amesha peṉké waitnentracharmame. Úuntach ainia nusha tí waitkiasarmame.

Tan. 3:15

Antsu yamaikia kachun tura ashí umputai̱ ainia nuna umpuiniakui núnisaṉ ashí tuntuitiai̱ ainia nuna túntuiniakui antukrum kuriji̱a̱i̱ najanaj nu ¿nekas tikishmátrattarmek? Nu túrachkurmeka nu chichamtaik uunt ji keamunam apenáttarme. Nuya̱sha ¿warí yusak atumniasha winia kakarmarui̱ya̱sha uwemtikrampratarum?” tímiayi.

Tan. 3:6

Tura nuna tikishmátainiachuka nu chichamaik ji keamunam apenáwartatui” tímiayi.

Riw. 19:13

Ame írutramuram wáitkiasaip tura kasartasha kasarkaip. Takakmasu akiktinia nu kashin akiktajme timi emettuawaip.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Mat. 22:10

Takui̱ takarniúri̱ jíinkiar pepru jinti̱n wajainian yajauch shuarnasha péṉker shuarnasha ashí ipiaawarmai. Túramtai je̱a̱ piakmai.

Mat. 22:8

Nuyá̱ ataksha ni takarniúri̱n akupkámai. ‘Nuatnaikiatin námper mash iwiaramuiti. Tura nu ipiaamu winichmin armai.

Mat. 24:48

Antsu úuntur wau táchattawai tusa takamtikin ni uuntri̱ yáintri̱n yajauch awajeak tura takatsuk aya yurumátniun tura nampektinian wararkuṉka nu takamtikin yajauchiti.

Mat. 24:51

ti kakaram asutiáttawai. Yajauch shuar pujuinia nui̱ akupkáttawai. Nui̱sha ti wáitiak ti úttiatui” tímiayi Jesus.

Mat. 7:12

Jú̱naka Muisaissha Yúsnan etserniusha akupénawai. ‘Chíkich ámin túrutati tusa wakerakmeka amesha núnismek túrata.’ Tu akupénawai.

Ruk. 6:31

Chíkich winia túrutat tusam wakeramna nútiksamek chikicha túrata.

Juaṉ 13:13

Wi atumí Uuntri̱ asamtai nekas ‘Uuntá’ túrutrume. Nusha péṉkeraiti.

Tur. 10:34

Nuyá̱ Pítiur chichaak “Ayu. Yus íimmianum ashí aents métekrak áiniawai nekas nékajai.

Rum. 2:11

Yus ashí shuaran akantsuk mái̱ metek iyawai.

1 Kur. 1:2

Ashí Yus shuar Kurintiu péprunam iruntrumna nútirmin ju̱ papin akuptajrume. Átumka Jesukrístuja̱i̱ tsaniṉkiu asarum yusna árume. Atumsha tura ashí shuar Jesukrístun enentáimtuinia nunasha Yus tí peṉker awajsatniun wakerawai. Nincha tura iincha Jesukrístu mái̱ metek Úuntri̱nti.

1 Kur. 7:22

Aṉkantchaitkiumka aṉkantaitkiumsha ju̱ enentáimprata. Takarniuka Yus shuar ajas tuke chíkich shuara takarniúri̱nkiusha shiir enentáimpratniuiti Kristu nin tunaanumia̱ aṉkant awajsámtai. Tura shuar takarniuchua nu Yus shuar ajas Kristu takarin ajasuíti.

Muis. 10:17

Kame atumí Úunt Yusri̱ṉkia ashí najankamu ainia nú yusja̱i̱ Niṉki imiá nekas Yúsaiti núnisaṉ ashí uunt ainia núja̱i̱sha imiá nekas Úuntaiti. Ashí naṉkamantu Tujintkiachu Yus asa tí tsuumainti. Núnisaṉ aentsnasha métekrak enentáimtiniaiti tura ántrar susamua nuja̱i̱ sumakchamniaiti.

Kurs. 3:25

Antsu tunáa túrin ni yajauch túramuja̱i̱ métek akinkiáttawai. Yus ashí aentsun métek iyawai.

Kurs. 4:1

Úuntirmesha, atumí Uuntri̱ atumín wáiniuk nayaimpiniam pujatsuk. Tuma asamtai atumí yaintma jiatsuk péṉker iniartiniaitrume.

San. 2:13

Chikichan waitnentachkuṉka waitnennatsuk asutniáttawai. Tura waitneṉkratniuitkiurni̱ṉkia tsawant jeamtai Yus iin waitnentramprattaji.

San. 2:8

Yus Chichamnum ju̱ akupkámu nekas péṉkeraiti “Ame aya̱shim aneamna núnismek ame írutramuram aneeta.” Riw. 19:18 Nu nekas umirniuitkiurmeka maak.

San. 5:4

Ame takat iniararam ementushim akirarmamna nu “akirkati” turamainiawai. Anearta. Ashí Akupin Uunt Yus, nu takartámniu chichame̱n antukai.

1 Sam. 15:17

Takui̱ Samuir chicharuk “Áme iimiasam imiancha ¿enentáimtumamni̱ṉchak Israer wea úunt akupin awajsámuitiam? ¿Auka Úunt Yuskechuk áminkia Israer shuara úunt akupniuri̱ awajtámsait?