Ipi. 6:6 - Yus Papí: Shuarja̱i̱ Yus Yamaram Chicham Najanamu

⁶ Aya wáitmakui shiir enentáimtursat tusarum péṉker takarsairap. Antsu Kristu takarniúri̱a núnisrum ashí ame enentáimji̱a̱i̱ Yus wakera nu túratarum.

Ipi. 6:6 Iomraidhean Croise

Jrm. 24:7

Winia nekarawarat tusan nekatai̱n súsartatjai. Warí Wikia Úunt Yuschakaitiaj. Nekas enentáiji̱a̱i̱ Winia enentáimturainia ásar niṉkia Wi shuar ártatui tura Wikia ni Yusri̱ átatjai.

Jrm. 3:10

Nuna túrayat ni kai̱ṉkia ántichu Jutaka ené enentáimia ajas wakettsuk antsu waitruá waketki̱ tamai” tawai Uunt Yus.

Mat. 12:50

Ashí shuar winia Apar nayaimpiniam pujana nuna wakeramuri̱n umirainia nu winia yatsurka winia umaruka winia nukurka áiniawai” tímiayi.

Mat. 7:21

Aya winia Apar nayaimpiniam pujana nuna wakeramuri̱n umirin ainia nuke Yus akupeamunam pachinkiartatui. Antsu chíkichka ‘Uuntá, Uuntá’ turutainiayat nayaimpiniam jeachartatui.

Mar. 3:35

Shuar Yusa wakeramuri̱n umirainia nu winia yatsuruiti, winia umaruiti, winia nukuruiti” tímiayi.

Rum. 6:17

Atumsha yáunchuka tunáa umirniuitiatrum ikiukrum yamaikia nekas chicham antukurmena nu nekas atumí enentái̱ji̱a̱i̱ umirkaitrume. Tuma asamtai Yus ti yumiṉsatniuiti.

1 Kur. 7:22

Aṉkantchaitkiumka aṉkantaitkiumsha ju̱ enentáimprata. Takarniuka Yus shuar ajas tuke chíkich shuara takarniúri̱nkiusha shiir enentáimpratniuiti Kristu nin tunaanumia̱ aṉkant awajsámtai. Tura shuar takarniuchua nu Yus shuar ajas Kristu takarin ajasuíti.

Kar. 1:10

Ti kakaram chichaatsjak. Nuna chichaakun shuar shiir enentáimtursarti tusan chichaatsjai. Antsu Yus shiir enentáimtursati tusan nuna tajai. ¿Shuar wakeruinia nuna enentáimsan chichaajak? Nuna enentáimkiunka Kristu wakera nuna umirkachaintjiai.

Ipi. 5:17

Enentáincha áirap. Ii Uuntri̱ Kristu warinia wakera nu enentáimtustarum.

Jir. 2:12

Nu asamtai aneamu yatsuru, wi atumji̱a̱i̱ pujakui umirtukmarmena nuna naṉkaamas yamaikia arant pujakuisha umirtuktarum. Iis, Yus atumí enentái̱n takaak ni shiir wakeramu wakeruktinniasha tura umiktinniasha pujurtamprume. Nu asamtai atumsha kakaram ajastarum Yus tí peṉker awajtámsatniun wakera nu túrunati tusarum. Tura péejchach enentáimprarum awajirminiaitjiai tusarum aneara wekasatarum.

Kurs. 1:9

Iisha nu antukar Yus ashí tsawant áujtajrume. Yus ni wakeramun ti paant nekaprutmawarat tusar seaji. Ashí Yúsnan ni enentáimtairi̱ji̱a̱i̱ ashí Níniun paant nekaatniun Yus jintintramat tusar seaji.

Kurs. 4:12

Epaprassha, atum wea, Krístunun etserin asa atumín amikmátmarme. Nisha ashí tsawant Yusan áujeak Yusja̱i̱ kaka̱rum tuke shiir Yus wakera nu túrak tusa seatramprume.

1 Tis. 2:4

Antsu Yus iin péṉker enentáimturmas uwempratin chicham etserkatarum tusa akatrámpramiaji. Tuma asamtai núnisrik étsereaji. Túrasha aya aents waramtiksatai tusar étsertsuji. Antsu Niṉki Yusak ii enentái̱n nekartamin asamtai shiir enentáimtiksataitsar túraji.

1 Tis. 4:3

Atumín Yus wakerutmarmena nu ju̱i̱ti, shuar aya Wini̱ni̱ṉ sumama pujusat tusan wakerutmarme kame chikichkisha tsanirmashti.

Isr. 10:36

Atumsha esetra enentáimsarum Yus wakera nu túrakrum Yus atumín amastatjarme timia nu wainkiattarme.

1 Pit. 2:15

Nekas péṉker wekaamurmiji̱a̱i̱ enentáimcha ainia nu netse chichaamuri̱ itiatmamtikiatarum tusa Yus wakerawai.

1 Pit. 4:2

Antsu “iwiaakjana nui̱kia Yusa wakeramuri̱n tuke umirkátjai” tu enentáimiui. Ni aya̱shi̱ wakerana nuna yamaikia páchiatsui.