Ipi. 6:5 - Yus Papí: Shuarja̱i̱ Yus Yamaram Chicham Najanamu

⁵ Takakmautirmesha, atumí uuntri̱ ju̱ nuṉkanam pujuinia nu tí peṉker umirkatarum. Kristu umirkatniua áintsarum wishiktsuk ashamakrum tuke enentáiji̱a̱i̱ takarsatarum.

Ipi. 6:5 Iomraidhean Croise

Naṉ. 16:9

Nu tutai Yusa suntari̱ chichareak “Antsu Sarai̱n waketkitia. Túram ni tana nu mash umirkata” tímiayi.

YKan. 123:2

Nekaata iniatai̱ ainia nu ni uuntri̱ uwejé̱n iirainiatsuk nuyá̱ nuwa̱ iniatai̱sha ni uuntri̱ nuwá̱ uwejé̱n iirainiawai núnisaṉ iin waitnentramam ii ji̱sha ii Yusri̱ Uunt Yusan íiniawai.

YKan. 86:11

Jiuwáa Ame jintim nekaprutáta túrawakmin Ame jintimín naka wekaasataj. Amiiniak esetran enentáimtin átaj túran Ame náarmin arantúkan ashamkataj.

Mks. 1:6

Ashí Akupin Uunt Yus chichaak “‘Uchisha ni aparí̱n umirainiawai núnisaṉ takarniusha ni úuntri̱n umirainiatsuk. Wisha ¿Ápachukaitiaj tura Úuntchakaitiaj? Tuma ai̱sha ¿urukamtai wíniaka ashampratsrum?’ Kame átumka Yúsnan takarniutiram Winia shiir awajtúschiatrum ‘¿Urutái ame náarmesha nakitraitiajⁱ?’ túruttsrumek.

Mat. 6:22

Ame jí̱miji̱a̱i̱ tsáapin amiin waya̱mniaiti. Tuma asamtai ame ji̱mi péṉkeraitkiuiṉkia amiin tsáapin wayá̱ tuke tsáapniti.

Mat. 6:24

Shuar jimiará úuntri̱n umirkatniun tujintiawai. Chikichan wakerak chikichnaka nakitrattawai. Chikichan umiruk chikichnaka umirkashtatui. Núnisaṉ átumka Yussha kuitcha mái̱mtek enentáimtustin tujintkiattarme.

Mat. 8:9

Iistá, winiasha akuptuiniatsuk tura wisha suntaran akupénatsjak. Ju̱na ‘Wetá’ takui̱ wéawai. Tura chikichnasha ‘Winitiá’ tutai winiawai. Tura takartinian ‘Ju̱ túrata’ tutai umíawai” tímiayi.

Tur. 2:46

Tuke tsawant Yusa Uunt Je̱e̱n kauniarmiayi. Tura ni je̱e̱ncha iruntrar warainiak Kristu enentáimtustin námper najanin ármiayi. Tura naṉkamantu enentáimtumatsuk yurumkan ajamnainiarmiayi.

Rum. 9:3

Wí shuar áiniakui yáiṉminiaitkiunka Krístunmaya̱ kanakin wi nekaska yumiṉnaraintjiai.

1 Kur. 2:3

Nékayatan kakarmachu sapijmiashím jearmiajrume.

1 Kur. 7:22

Aṉkantchaitkiumka aṉkantaitkiumsha ju̱ enentáimprata. Takarniuka Yus shuar ajas tuke chíkich shuara takarniúri̱nkiusha shiir enentáimpratniuiti Kristu nin tunaanumia̱ aṉkant awajsámtai. Tura shuar takarniuchua nu Yus shuar ajas Kristu takarin ajasuíti.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

2 Kur. 7:15

Tura Títiuka atumín enentáimturmas ti waraawai. “Jiatmaktajtsa winiatsuash” tusarum ti ashamkachurmek. Túmayatrum ni péṉker tatí tusarum pachischarme. Tura ni taa seatmarma nu umikiurme. Títiuka nuna enentáimias waraawai.

Ipi. 5:22

Núwa̱ka Krístun umirna núnisaṉ ni áishri̱ncha umirkatniuiti.

Ipi. 6:24

Ashí ii Uuntri̱ Jesukrístun tuke enentái̱ji̱a̱i̱ aneana nuna Yus shiir yaiṉtí. Nuke atí.

Jir. 2:12

Nu asamtai aneamu yatsuru, wi atumji̱a̱i̱ pujakui umirtukmarmena nuna naṉkaamas yamaikia arant pujakuisha umirtuktarum. Iis, Yus atumí enentái̱n takaak ni shiir wakeramu wakeruktinniasha tura umiktinniasha pujurtamprume. Nu asamtai atumsha kakaram ajastarum Yus tí peṉker awajtámsatniun wakera nu túrunati tusarum. Tura péejchach enentáimprarum awajirminiaitjiai tusarum aneara wekasatarum.

Jirm. 1:16

Kame yamaikia emetachma antsu ame aneamu yátsumea áinis átatui. Nuka ti péṉkerchakait. Wisha nin ti aneajai. Tura yaintmakmin asamtai tura Krístunam ame yátsum ajasu asamtai winí̱ naṉkaamas aneashtapash.

Jus. 24:14

Nekas enentáiji̱a̱i̱ ashamakrum Úunt Yusai̱ya̱ kanatsuk nekas umirkatarum. Atumí we̱a̱tri̱ Ejiptunmasha tura Yúpratis entsa pakarí̱ncha matsamsar najankamu yusan tikishmátin armia nuka iniaisarum Uunt Yus nekas enentáimtustarum.