Ipi. 6:4 - Yus Papí: Shuarja̱i̱ Yus Yamaram Chicham Najanamu

⁴ Atumsha, uchirtintirmesha, atumí uchirí̱ ántrarum akajkairap. Antsu Yusan shiir enentáimtusarat tusarum tí peṉker jintinkirum tsakatmartarum.

Ipi. 6:4 Iomraidhean Croise

Naṉ. 18:19

Warí ni uchirí̱ncha tura ni shuári̱ncha nuyá̱ uchirí̱ akiiniawartatna nunasha péṉker túratniuncha naka wekasatniuncha tura Uunt Yusa chichame̱n umiktinian jintintiáwartatna nuna nékakun anaikiaitjiai. Tuma asan tímiajna nu uminkiami tusan achikchamkaj” tu enentáimsamiayi.

Neka. 19:18

Ame uchiram uchichia nui̱ṉ asutiáta túrasha waurtukmaja̱i̱ṉkia emesra̱i̱j tu enentáimsam túrata.

Neka. 22:15

Uchí wáurtairi̱ṉkia enentáinmaya̱iti. Kame numiji̱a̱i̱ asutiár netse enentáimtairi̱ṉkia emeṉkátkamniaiti.

Neka. 22:6

Uchi péṉkera nu jintintiakum chicharkam tsakatmarta. Nu túramuitkiuṉka uunt ajassha núnaka kajinmátkishtatui.

Neka. 29:15

Úchikia chicharkar numiji̱a̱i̱ asutiam enentáimniuiti antsu páchishtaiṉkia ni nukurí̱ncha natsant awajniuiti.

Neka. 29:17

Ame uchiram péṉker jintintiata, nu túraitkiumka nisha ayamtikramprattawai núnisaṉ ame enentáimji̱a̱i̱sha warastatme.

Ipi. 6:3

Túrakmeka shiir átatme tura jú̱ nuṉkanam untsurí tsawant pujustatme” Muis. 5:16 tawai.

Muis. 4:9

Tura ju̱nasha tájame. Anearta. Amek esettsam íimiasam nekaamam ame enentáim péṉker wáinkiata. Ame iwiaaku pujuttam nuiṉkia ashí wáinkiaitmena nuka peṉké kajinmáttsuk nekas enentáimji̱a̱i̱ tuke enentáimtitia. Tura ame uchirmesha núnisaṉ tiraṉmisha jintintiáwarta.

Muis. 6:7

Túram tuke tsawant akupkámu chicham ame je̱e̱min pujakmesha jintiá wekaakmesha kánakmesha káshik nantakmesha yawe̱tsuk ame uchiram jintintiáwarta.

Kurs. 3:21

Uchirtintiram, atumí uchirí̱ ti kakantrairap. Ti kakanteamka uchisha tí kuntuts pujus péṉker wekasatniun nakitchanpiash. Nu túrunawa̱i̱ṉ tusarum ántrarum atumí uchirí̱ kakantrairap.

2 Tim. 1:5

Yus nekas shiir enentáimtiniaitmena nuna nékajai. Nukuchrum Ruítiasha tura ame nuku Eunisiasha emka Yusan nekas enentáimtin ármiayi. Amesha núnisketme.

2 Tim. 3:15

Uchichinmaya̱ṉ Yus Chicham nékame. Yus Chichamka uwempratniun jintintramamniaiti. Nusha “Jesukrístu nekas enentáimtakum uwemprattame” tawai.

Jus. 24:15

Tura Uunt Yus nekas umirkatin nakitiakrumka ¿warí yusa umirkatarum? ¿Atumí we̱a̱tri̱ Yúpratis entsa pakarí̱n matsamsar enentáimtin armia nú yusak nuíchuka tuke nuṉkentin Amur aentsu yusri̱n umirkatarum? Yamaik turutiarum. Antsu wikia wí shuarja̱i̱ nekas Uunt Yusan umirkattajai” tímiayi.