Ipi. 6:2 - Yus Papí: Shuarja̱i̱ Yus Yamaram Chicham Najanamu

² Emka akupkámu umirkam nekas shiir átatme tana nu ju̱i̱ti. “Apasha nukusha umirkata. Jiin. 20:12

Ipi. 6:2 Iomraidhean Croise

Jiin. 20:12

Ame apasha nukusha shiir enentáimtusam umirkata. Túrakmeka Uunt Yus ame Yúsrum nuṉkan suramsana nui̱ núkap tsawant iwiaaku pujustatme.

Neka. 20:20

Ni aparí̱n nukurí̱ncha yajauchiniam yúmiṉkia núnaka ni iwiaakmari̱n jurukí̱ kirit téenam apujsattawai.

Jrm. 35:18

Nuiṉkia Jirimías Rekapa shuari̱ni̱ chicharuk “Ashí Akupin Uunt Yus Israera Yusri̱ jú̱nis tawai, Atumí aparí̱ Junatápa akupkámuri̱ umikiu asarum ashí túratniun ni timia nuja̱i̱ métek túramarme.

Jrm. 35:7

‘Nuya̱sha je̱a̱ je̱a̱mairap tura arakmawairap nuyá̱ uwa araawairap, núṉkentin ajasáirap tura átum iwiaakrumna ímianaiṉkia nuap je̱a̱nam tuke pujustatrume. Átum pujuttarmena ímianaiṉkia tarimiat tsawant pujusmintrum’ tímiayi.

Mks. 1:6

Ashí Akupin Uunt Yus chichaak “‘Uchisha ni aparí̱n umirainiawai núnisaṉ takarniusha ni úuntri̱n umirainiatsuk. Wisha ¿Ápachukaitiaj tura Úuntchakaitiaj? Tuma ai̱sha ¿urukamtai wíniaka ashampratsrum?’ Kame átumka Yúsnan takarniutiram Winia shiir awajtúschiatrum ‘¿Urutái ame náarmesha nakitraitiajⁱ?’ túruttsrumek.

Rum. 13:7

Ashí túratniua nu túratarum. Akiktiniaitkiumka páchitsuk akikta. Akupniúsha uuntcha ashí núnisaṉ írunna nusha shiir enentáimtikratarum.

Ipi. 6:3

Túrakmeka shiir átatme tura jú̱ nuṉkanam untsurí tsawant pujustatme” Muis. 5:16 tawai.

Muis. 27:16

‘Núnisaṉ uchi aparí̱n nukurí̱ncha yajauch enentáimtinkia yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

Muis. 5:16

Atumí aparí̱sha tura nukurí̱sha ti shiir enentáimtusrum arantúktiniaitrume. Nu túrakrumka nu nuṉkanmasha tí peṉker tura untsurí tsawant pujustatrume.

1 Tim. 5:4

Tura waje̱ uchirtin tura tiraṉkrinniuitkiuisha, nu shuar waje̱n wáinkiarti. Emka ni shuari̱n péṉker wáinkiatniun unuimiárarti. Ni aparí̱ anemia núnisaṉ awajénak shiir wáinkiarti. Kame núnaka Yus ti shiir enentáimtawai.