Ipi. 6:11 - Yus Papí: Shuarja̱i̱ Yus Yamaram Chicham Najanamu

¹¹ Apach mánainiak jiru entsarua núnisrum Yus susamuja̱i̱ entsartarum. Nuja̱i̱ íwianch nupettamkui tariartatme.

Ipi. 6:11 Iomraidhean Croise

Neem. 4:13

Nuiṉkia tanish á̱a̱wini̱ wénuk ti nuṉkach ayamprumakchamnia armia nui̱ṉkia aentsun ni shuari̱ji̱a̱i̱ aṉkant aṉkant puya̱ncha naṉkincha tura tíshimkiuncha atakraran awajrarmajai.

Mar. 13:22

Kame ‘Krístuitjiai’ ántar tuinia nu tura ‘Yúsnan etserniuitjiai’ ántar tuinia nusha wantinkiartatui. Wantinkiar Yus anaikiamu shuarnasha anaṉkatai tusar wakeruiniak ni kakarmari̱n iniakmainiak aentsti tujintiamun túriartatui.

Rum. 13:12

Tuke káshitiat tsawa̱a̱temprai. Ii Uuntri̱ Kristu jú̱ tunáa nuṉkanam tátin ishichik ajasái. Tuma asamtai ii túrutairi̱ kiritniua núnisaṉ yajauch túrutai̱ ana nuka túrutsuk tsáapninium péṉker wekasatin kakaram ajastai.

Rum. 13:14

Ii Uuntri̱ Jesukrístu túramia núnisrik túratai. Tura ii aya̱shí̱ wakeramu umikiat tusar tsaṉkatkashtiniaitji.

1 Kur. 10:13

Ame tunaanum útsutkamuitkiumka ju̱na wiki nekapeajai tu enentáimpraip. Ti útsutkamuitkiumnisha Yuska tuke iniaitsuk waitma asa ame katsuntrachminian tsaṉkatramkashtatui. Tuma asa nu tunaanum útsutkamunmaya̱ uwempratniun iniakturmastatui. Núja̱i̱ṉkia katsuntramin átatme.

2 Kur. 10:4

Ju̱ nuṉkanmaya̱ naṉkiji̱a̱i̱ mániatsji antsu ii naṉkiri̱ Yusa kakarmari̱nti. Nuja̱i̱ iwianchi kakarmari̱ núpeteaji.

2 Kur. 11:3

Túrasha íwianch ni nekatairi̱ji̱a̱i̱ emka nuwa̱ Éwan anaṉkamia nútiksaṉ atumniasha Yusa jinti̱ya̱ awajimtikramar Kristu aneashtinian enentáimtikramprarmatai anaṉkamu ái̱rum tusan tsuutajrume.

2 Kur. 2:11

Kame iwianchi uuntri̱ Satanás iin emestampratajtsa wakerana nusha nékaji. Tuma asamtai túrawa̱i̱n tusar tsaṉkuratniuitji.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Kur. 6:7

nekas chicham ana nu étsereaji tura Yusa kakarmari̱sha nú paant iniakmaji. Tura ni nemasri̱n nupettuka̱i̱ṉ tusa suntar ni tantari̱n júana núnisrik iisha ii nemasri̱ íwianch nupettamka̱i̱j tusar ii Yusri̱ tuke umirkar wekaaji.

Ipi. 4:14

Tura uchia núnisar áchattaji. Úchikia ashí yamaram chichaman antukar wari yapají̱i̱niawai. Tura anaṉkartinia chichame̱n antukar waaku áiniawai. Kame nu anaṉkartin shuar ti paant chichayataṉ ni shiir chichame̱ja̱i̱ anaṉkatniun pujurénawai.

Ipi. 4:24

Tura yamaram enentáimtairam emetatarum. Nuka Yusja̱i̱ métek najanamu asa nekas péṉker tura shiira nuna tuke túriniaiti.

Ipi. 6:13

Jiru entsartinia áintsarum Yus súramna nu entsartarum. Nu entsarmaja̱i̱ itiurchat tsawant taritra nupetkarum tuke tariarum wajastatrume.

Kurs. 3:10

Túrarum yapajmiámatniua núnisrum yamaram pushí entsaruitrume. Kame yamaram nekatai̱ achikrum iin najatma urukuit nuja̱i̱ métek tí peṉker ajasat tusa túramuitrume.

1 Tis. 5:8

Túrasha iikia shiir tsáapninium wekainiaj nuka naka enentáimprar tuke nampetsuk pujustiniaitji. Suntar ni nemasri̱ anaṉkruawa̱i̱ṉ tusa anear wekasatniuiti. Tura iisha núnisrik íwianch yajauch awajtámsa̱i̱j tusar anearmi. Yus enentáimtusar aneetniuitji. Tura núnisrik iisha ju̱ nuṉkanmaya̱ uwemprar Yusai̱ tuke pujustatji, tu enentáimprar wetái.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

San. 4:7

Yusai̱ ikiumastarum tura íwianch taritratarum. Túrakrumin íwianch ikiurmáktiatui.

1 Pit. 5:8

Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai.

Jut. 1:24

Yus chikichkiti. Ti nékaiti. Iin uwemtikkiartin asa ni kakarmari̱ji̱a̱i̱ yaintmakminiaiti tunaanum iniarchatniun. Tuma asa tunaaja̱i̱ máatrachu awajtámas ni ti shíirmari̱n ejetamtatrume. Túrutma ti waramtikramsattarme. Ii Uuntri̱ Jesukrístu túrunamuja̱i̱ Yuska Niṉki shiir awajsatniuiti tura naṉkamantu enentáimtustiniaiti. Yáunchusha, yamaisha, tura tuke ashí akupin atí. Núkete.

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 19:20

Tura nu mesetnum Yajasmasha tura Kukaria̱ Yajasmasha, peṉké ántar yúsnan etserniua nu, mái̱ achintkiarmai. Nuikkia Entsaya̱ Yajasma ni kakarmari̱n súam nu Kukaria̱ Yajasmaka aents tujintiamun tí turak shuaran anaṉkawarmai. Túramtai nu aents Entsaya̱ Yajasma náari̱n apujmamsar ni nakumkamuri̱n shiir awajsarmai. Tuma asamtai Entsaya̱ Yajasmancha tura Kukaria̱ Yajasmancha íwiaakuk asupriji̱a̱i̱ ti keá nu ji antumiaṉnum apeáwarmai.

Apu. 2:24

Tura chíkich shuar Tiatiranmaya̱tiram nú chicham enentáimtuscharmena nu “nekas iwianchnia u̱kma” tutaiya nu nékachu asakrumin atakka túratniun patatkashtatjarme.

Suma. 3:2

Núnaka Israer shuara uchirí̱ meseta unuimiátkacharu armia nu ukunam unuimiátkar yaunchu nekaachu armia nuna jintintiáwarmi tusa túramiayi.