Ipi. 6:10 - Yus Papí: Shuarja̱i̱ Yus Yamaram Chicham Najanamu

¹⁰ Wátsek, yatsuru, ii Uuntri̱ Yusja̱i̱ tsaniṉkiu asarum ni ti kakarmari̱ji̱a̱i̱ iwianchji̱a̱i̱ mánaiktin kakaram ajastarum.

Ipi. 6:10 Iomraidhean Croise

YKan. 138:3

Untsumkamajna nú tsawantinkia ái̱rkamame. Túram winia wakantruisha kakaram awajtúsam ikiakátramame.

Isa. 40:28

¿Átumka nékatsrumek tura antukchakaitrum? Uunt Yuska tuke pujuwiti tura ashí nuṉkan najana nú Yuska pimpitniasha peṉké pimpichuiti tura ni nekatairi̱sha peṉké amuichaiti.

Isa. 40:31

Túrasha Uunt Yusan nákainia nuka ataksha kakaram ajasár ukukuí nanaak yakí̱ wekaana núnis wekasartatui. Tura tsékenaksha peṉké pimpikchartatui núnisaṉ wekainiaksha yawe̱rchartatui.

Aji. 2:4

Pai, yamaikia Jutanmaya̱ shuara uuntri̱ Saratiára uchirí̱ Surupapírá núnisaṉ amesha Yúsnan pujurniu uuntri̱ Jusatáka uchirí̱ Jusuiyá núnisrumek ashí aents matsatrumna nútirmesha atumsha kakaram ajastarum. Túrarum takakmastarum. Warí Wi atumji̱a̱i̱ṉkia pujajai’ tawai Ashí Akupin Uunt Yus.

Sak. 8:13

Wats Jutá shuartiram núnisrumek Israer shuartirmesha nekaatarum. Ashí nuṉkanmaya̱ja̱i̱ iismasha átumka yajauchiniam yumiṉkramu ámarme antsu yamaikia nuya̱ṉka aṉkant awajsattajrume. Túram chíkich ainia nuna péṉker yumiṉkiaru ajastatrume. Tuma asamtai sapijmiatsuk kakaram takastarum’ tawai.

Sak. 8:9

Ashí Akupin Uunt Yus chichaak ‘Átum Ashí Akupin Uunt Yusa Je̱e̱n ataksha je̱a̱mkatai tusar pújakmari̱n aeprutan naṉkamawarmia nuyá̱ juárkimiuk yamaiya̱ tímiaja̱i̱sha Yúsnan etserin étserma ántarmena nútirmeka kakaram ajastarum’ tíniuiti.

1 Kur. 16:13

Aneara tariarum Yus nekas enentáimtustarum. Áishmaṉchakaitrum kakaram ajastarum.

2 Kur. 13:11

Wats yatsurtiram, shiir pujustarum. Krístunam tuke kakaram ajastarum. Yus shiir enentáimtikramprarti. Chikichík enentaik enentáimsatarum. Shiir awajnáisarum pujustarum. Tura Yus anenmarmena nu shiir enentáimtikramna nu atumji̱a̱i̱ pujurtamsattarme.

Ipi. 1:19

Nu arantcha Yus nekas enentáimtakrin ti kakaram tujincha asa iin yáintmaj nu nekaattarme. Tura nu kakaram ti kakaram asamtai

Ipi. 3:16

Yus ti kakaram asa ni Wakaní̱ji̱a̱i̱ atumí enentái̱n pujureak ashí ni kakarmari̱ya̱n atumín suramsarat tusan áujtajrume.

Muis. 31:23

Nuyá̱ Yus Nuuna uchirí̱ Jusuin akupeak chicharuk “Sapijmiatsuk kakaram ajasta. Warí Israer shuaran nuṉkan nekas amastiniaitjiarme Wi tiármiajna nui̱ṉkia ame awayá̱wartatme. Tuma asamtai ámiji̱a̱i̱ṉkia Wi pujuttajai” tímiayi.

Jir. 3:1

Yatsurtiram warastarum, ii Uuntri̱ Kristu tí peṉker asamtai nuik áatramajrum nuna ataksha títiatjarme. Ataksha ujam yaintmakminiaitkiuiṉkia wíji̱a̱i̱ṉkia itiurchatchaiti atak enentáimtikratin.

Jir. 4:13

Kristu ni kakarmari̱n surakui ashí túramniaitjiai.

Jir. 4:8

Yatsuru, jú̱chiniak yamaikia Yus shuarti enentáimsatniun chichastatjai. Ashí nekas ana nu enentáimsatarum. Tura ashí anturkamnia ana nusha tura naka chicham ana nusha enentáimsatarum. Tura yajauch chichamsha enentáimsairap. Tura antsu ashí shiir ana nusha, chíkich shuarnasha péṉker enentáimtusminia nusha, kame ashí péṉker ana nu enentáimsatarum. Nuya̱sha chíkich shiir anturkamnia ana nusha enentáimsatarum.

Kurs. 1:11

Yus ti kakaram asa ikiakátmaruk tusar seaji. Nuja̱i̱ ashí itiurchat ákuisha páchitsuk ti shiir warasrum katsuntrattarme.

2 Tim. 2:1

Amesha, uchiru, Jesukrístuja̱i̱ tsaniṉkiu asam Yus amasma nuja̱i̱ kakaram ajasta.

2 Tim. 4:17

Tura ii Uuntri̱ Jesukrístu ni kakarmari̱n surus yaintkiamiayi. Nuja̱i̱ uwempratin chichaman ashí nuṉkanam Israer shuarcha antukarti tusan etserkamjai. Tura núnisaṉ akupniúnmaya̱sha ii Uuntri̱ uwemtikrurmiayi.

Jus. 1:9

Wi ame Úunt Yusrum asan akupeajme, sapijmiatsuk tura yawe̱tsuk kakaram ajasta. Warí Wi ame Yúsrumchakaitiaj. Tuma asan tuí̱ṉkish wétatmena nui̱sha pujurtiatjame.” Uunt Yus nuna tímiayi Jusuin.

1 Pit. 3:8

Nuya̱sha ashí Yus shuartirmin tájarme, aya chikichík enentaik atí. Waitnennairatarum. Nekas yátsum aneam núnisrumek anenaitiarum. Aya áminiuk enentáimtutsuk chikichan yáiṉtaj tu enentáimsatarum.

1 Pit. 4:11

Etserkatniun Yus amasuítkiuiṉkia ame támena nu Yus tana nuja̱i̱ métek atí. Chíkich shuar yáiṉtiniaitkiumka Yus amaana nú kakarmaja̱i̱ túrata. Ashí túramna nu Yusa naari̱ shiir atí tusam Jesukrístu náari̱ji̱a̱i̱ túrata. Jesukrístun ashí aents shiir enentáimtusarti. Tura ashí aentsnum ni kakarmari̱ tuke atí. Nuna tajai.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.

1 Jṉ. 2:14

Úuntirmincha yámankamtaikniumia̱ tuke pujuuya nu nekáa asakrumin ju̱na áatjarme. Úuntmarutirmincha atumí enentái̱ji̱a̱i̱ Yus chicham umirkarum kakaram asarum íwianch nupetka asakrumin ju̱na áatjarme.