Ipi. 5:9 - Yus Papí: Shuarja̱i̱ Yus Yamaram Chicham Najanamu

⁹ Tsáapninium wekainiaka shiir awajkartincha tura nekas chichamtincha tura péṉker túrin áiniawai.

Ipi. 5:9 Iomraidhean Croise

Mat. 3:8

Tuma asamtai ené enentáimia ajasuitkiurmeka péṉker wekaamurmiji̱a̱i̱ paant iniakmastarum.

Juaṉ 1:47

Jesussha Natanaéran tíjiu̱ch winian wainiak chicharuk “Ju̱ shuar iistarum. Ti péṉker Israer shuaraiti. Peṉké anaṉkartichuiti.”

Rum. 15:14

Yatsuru, atumsha anenainiaitrume. Tura ashí Yusna nekaarum nuamtak chicharnaikiatin nékarme.

Rum. 2:4

Wats, Yus imianú wait aneaku asa katsunteamuri̱sha tsaṉkarí̱sha ¿shiir awajtutsuk wasureamek? Kame ni waitnentrammari̱ ame atak enentáimpratjai turutit tusa nákarma nuka nékatsmek.

Ipi. 4:15

Antsu nekas aneniakur nekas chicham ujanáiktiniaitji. Túrar Krístuja̱i̱ tsaniṉkiar tuke tsakakir ashí péṉker túratniuja̱i̱ Niji̱a̱i̱ métek ajastatji. Túramu asa Krístuka ashí ni shuari̱ muuke̱a áintsaṉkete.

Ipi. 4:25

Nu asamtai chikichik aya̱shi muchitmari̱ asarum wáitrutsuk nekas chicham chicharnaisatarum.Sak. 8:16

Ipi. 6:14

Wats, nekas tariartin nekas chicham emenmamatarum. Tura péṉker túratniuja̱i̱ jatairum ejaktarum.Isa. 11:5

Jir. 1:11

Núnisaṉ Jesukrístu kakarmari̱ji̱a̱i̱ ashí péṉker túrin átatrume. Tura nuja̱i̱ ashí shuar Yusan ti shiir enentáimturartatui.

Kurs. 3:18

Nuwa̱tiram, atumí aishri̱ umirkatarum Uunt Yus nuna wakera asamtai.

1 Tim. 6:11

Antsu ame Yus shuar asam nuyá̱ pisarta. Yus nekas enentáimtakum péṉker túrata. Waantu enentáimtsuk Yus péṉker umirkata. Aneakum katsuntrata.

Isr. 1:8

Antsu ni Uchirí̱niun tímiayi “Ame, Yusá, tuke amutsuk akupniuitme. Ame akuptáirmesha aya péṉkeraiti.

Isr. 11:33

Nisha ashí Yusan nekas enentáimtuinia ásar Yusa kakarmari̱n niisháa niisháa iniaktusarmiayi. Nuna túruiniak chíkich chíkich nuṉkanmaya̱ aentsun nupetkarmiayi, nui̱sha péṉker akupkarmiayi tura Yussha ni timia núnisaṉ yaiṉkiarmiayi. Úunt ya̱wa̱ncha kajechu awajsarmiayi.

1 Jṉ. 2:29

Atumsha Jesukrístu tí peṉkera nu nékarme. Núnisaṉ ashí shuar péṉkeran túruinia nuka Yusa uchirí̱ áiniawai. Nusha nekaatarum.

3 Jṉ. 1:11

Aneamu yatsuru, nu yajauch túramu jumamkiirap antsu péṉker túratarum. Péṉker túrinia nuka Yúsnaiti. Antsu tunáa túrinia nuka Yusan nékachuiti.