Ipi. 5:8 - Yus Papí: Shuarja̱i̱ Yus Yamaram Chicham Najanamu

⁸ Yáunchuka atumsha kiritniunam wekainiuyarme. Tura yamaikia Krístuja̱i̱ tsaniṉkiu asarum péṉker tsáapninium wekaarme. Shuar tsáapninium wekainia nuja̱i̱ métek wekasatarum.

Ipi. 5:8 Iomraidhean Croise

YKan. 74:20

Tsuumai̱ matsamtai̱ nuṉká írunna nui̱ yajauch awajkartutai̱ji̱a̱i̱ tí piaku ásarmatai Ámiji̱a̱i̱ chícham najanamua nu enentáimturta.

Isa. 2:5

Maa, Jakup shuaraitrumna nútirmeka winitiárum Uunt Yusa tsáapnintri̱n wekasarmi.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Isa. 49:9

Núnisaṉ sepunam pujuiniasha jíinkitiarum tura kiritniunam pujuiniasha wantintiuktarum títiatme. Nuyá̱ jintiasha tura ashí naintia nui̱ṉkia ni sa̱a̱kri̱ iruniartatui. Ruk. 4:18

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Isa. 9:2

Tura shuar kiritniunam wekainiarma nusha tí tsaapninian wáinkiarmai. Núnisaṉ kiritin nuṉkanam jákatniunam pujuinian tsáapin ajattsamiayi. Mat. 4:16; Ipi. 5:8,14

Mat. 3:8

Tuma asamtai ené enentáimia ajasuitkiurmeka péṉker wekaamurmiji̱a̱i̱ paant iniakmastarum.

Mat. 4:16

Nu aents kiritniunam pujuiniayataṉ ti tsáapninian wáinkiarmiayi. Jákatniunam pujuiniai̱ tsáapin tsáapnirmiayi.” Isa. 9:1-2

Ruk. 16:8

Nuyá̱ takata wainniu uuntri̱ nuna nekáa ‘Ni yajauch túriniaitiat imiá enentáimniuiti’ timiai.” Nuyá̱ Jesus chichaak “Yus shuarja̱i̱ naṉkaamas Yus shuarcha ai̱ji̱a̱i̱ ni túratniuri̱niak takainiak imiá enentáimkia áiniawai.

Juaṉ 1:9

Nu tsáapninkia nekas tsáapniniaiti. Ju̱ nuṉkanam taa ashí shuara enentái̱n tsáapnirtiniaiti.

Juaṉ 12:35

Nuiṉkia Jesus chichaak “Wi tsáapninia áintsaṉketjai. Tsáapnisha atumíin aya ishichik tsawantin tsáapniartatui. Tsáapin ana ju̱i̱k wekasatarum kirit ajatsa̱i̱ṉ. Kame kiritniunam wekaana nusha nékatsui itiuranimpia wea.

Juaṉ 12:36

Tsáapnin wáinkiuram niin enentáimtustarum. Túrakrum winia tsáapnintrui̱ wekasattarme.” Jesussha nuna ti wémiayi ú̱mak pujustaj tusa.

Juaṉ 12:46

Wikia tsáapnin asan Winia enentáimturainia nuka kiritniunam wekasa̱i̱ṉ tusan ju̱ nuṉkanam táwitjiai.

Juaṉ 8:12

Ataksha Jesus Yusa Uunt Je̱e̱n iruntrarun chicharainiak “Ju̱ nuṉkanam Wi tsáapninia áintsan shuara enentái̱n paant awajtajai. Ashí Wiji̱a̱i̱ tsaniṉ wekaana nú shuar kiritniunam wekasashtatui antsu shuar iwiaaku pujuwa nu tsáapninium wekasattawai” tímiayi.

Tur. 17:30

Aents Yusan nékainiachuk túrawarmia nuna Yuska yáunchuka pachischamiayi. Túrasha yamaikia Yus ashí aentsun chicharuk ‘Tunaarum iniaisarum nekas enentáiji̱a̱i̱ enentáimtumasrum iwiarnartarum’ túramji.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Rum. 1:21

Yusan nékainiayat shiir awajsacharmiayi tura yumiṉsacharmiayi. Tuma ásar aya antra nunak enentáimtuiniak ni enentái̱ tunaaja̱i̱ piakai.

Rum. 13:12

Tuke káshitiat tsawa̱a̱temprai. Ii Uuntri̱ Kristu jú̱ tunáa nuṉkanam tátin ishichik ajasái. Tuma asamtai ii túrutairi̱ kiritniua núnisaṉ yajauch túrutai̱ ana nuka túrutsuk tsáapninium péṉker wekasatin kakaram ajastai.

Rum. 2:19

Wakannium kusuraru ainia nunasha jintintiámniaitjiai. Tura tsáapninian nekamtikiawarminiaitjiai.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

2 Kur. 3:18

Nu asamtai iisha ii yapi̱ tarachji̱a̱i̱ nukukchamu asar íspikia núnisketji. Uunt Kristu péṉkeri̱ iniakmaji. Kristu péṉkeri̱ nú nukap takaki̱ wéakur Krístuja̱i̱ métek ajastasa pujaji. Yusa Wakaní̱ṉkia nuna túrawai.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

2 Kur. 6:14

Yus shuar Yus shuarchaja̱i̱ tsaniṉtinian enentáimsashtiniaiti. Warí, ¿Yusan umirna nú shuar, iwianchin umirna nú shuarja̱i̱ métek enentáimiainiawak? ¿Tsáapnisha kiritji̱a̱i̱ mái̱mtek áminkiait?

Kar. 5:25

Yusa Wakaní̱ kakarmari̱ji̱a̱i̱ Yus shuar ajasu asar núnisrik Yusa Wakaní̱ kakarmari̱ji̱a̱i̱ṉ wekasatai.

Ipi. 2:2

Nu tunaanum jú̱ nuṉkanam pujuinia nuja̱i̱ métek tuke wekainiuyarme. Túrarum iwianchi akupniuri̱ wakeramuri̱ umirniuyarme. Iwianchi uuntri̱ Yusan umirainiatsna nuna ashí akaténawai. Kame ju̱ nuṉkanam yajauch wakan ni akupeamuri̱ji̱a̱i̱ wekainia nuja̱i̱ métek atumsha wekainiuyarme.

Ipi. 4:18

Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Ipi. 6:12

Kame Yusna takáa asar peṉké aentsja̱i̱ mániatsji antsu yajauch wakan kakaram írunna nuja̱i̱ mániaji. Nisha ju̱ nuṉkanam kiritniunma áintsaṉ tunaanum wekainia nuna akupin áiniawai.

Kurs. 1:12

Yus ni shuari̱n tsáapninia nui̱ ashí péṉkeran susattawai. Tura iincha nui̱ pachinkiatniun tsaṉkatramka asakrin Yus Apa yumiṉsamniaitrume.

Kurs. 1:13

Yus iwianchin nupetak íwianch akupeana nú kiritniunmaya̱ uwemtikramar ni aneamu Uchirí̱ akupeana nui̱ wearmákmiaji.

Tit. 3:3

Warí, Yuska umirtsuk iisha núnisrik Yus shuar ajatsuk náṉkamsar wekaimji. Tura íwianch emetamu pempée wekaimji. Tura ii aya̱shi̱ wakeramu tuke túriniuyaji. Tunaasha túriniuyaji. Chíkich atankittsar wakeriniuyaji. Chíkich shuar kajerkar tura nuamtaksha kajernainiuyaji.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.