Ipi. 5:6 - Yus Papí: Shuarja̱i̱ Yus Yamaram Chicham Najanamu

⁶ Nu túramniaiti tusar ántar chichamja̱i̱ anaṉkramacharti. Warí, nuna túruiniakui Yusan umirainiachun Yus ti asutiáwartatui.

Ipi. 5:6 Iomraidhean Croise

2 Akup. 18:20

Ámeka mesetnum tí neka tura kakarmaitjiai tátsumek. Túrasha ántram chichamtiniaitme. Tura yamaisha ¿yainia enentáimkiumea winiasha kajertukum?

YKan. 78:31

Uunt Yus kajerak Israer shuarnum peṉkeri̱ armia nuna ashí amutkarmiayi.

Jrm. 27:9

Atumí etserniuri̱ṉkia, nekamniusha, mesekra nékausha, wakaní̱ untsuusha, uwishniusha chichartamainiak ‘Papirúnianmaya̱ úunt akupin umirkairap’ turamainia nuka átumka anturkashtiniaitrume.

Jrm. 29:31

“Ashí achirma matsatainia nu ju̱ nékamtikiawarta. Nejeramnumia̱ Semayásan Uunt Yus jú̱nis chicharuk ‘Wi akupkachmaitiat Semayás étserui tusa wáitian táyat nekasaiti tumamtikiainiawai.’

Jrm. 37:9

Uunt Yus chichaak jú̱nis tawai ‘Ti nekas Kartíu aents ainia nuka tuke iniaṉka waketraruiti’ tusarum atumek anaṉmamawairap. Kame ataksha táartiniaiti.

Mik. 3:5

Yúsnan pujurin winia shuarun awajimtikiainia nuna Uunt Yus jú̱nis tíniuiti. Atumniaka kashi ímiaja̱i̱k wáinmasha tura kiritniunam wáakchatniusha atsurtámtiatrume. Yus ái̱kchamu ásar ukunam túrunatniun etserin ainia nusha tura nekamin ainia nusha iniatsá̱rma ártatui. Tura Wikia íksanak Jakup shuar Yusa nakitiáiniamuri̱n paant ujakártinian tura Israer shuarnasha tunaari̱n paant awajtúsartinian Uunt Yusa Wakaní̱ kakarmari̱ pimiutkamuitjiai.

Mat. 24:24

Untsurí shuar Krístuitjiai tuinia nu wantinkiartatui. Untsurí ‘Yúsnan etserniuitjiai’ tiártatui. Tura shuaran anaṉkataj tusar aents tujintiamun iniakmasartatui. Tura ti kakarman túruiniak Yus shuarnasha anaṉkamin áiniakuiṉkia anaṉkawarainti.

Mat. 24:4

Tuíniakui Jesus chichaak “Aneartarum, anaṉkramawairap.

Mar. 13:22

Kame ‘Krístuitjiai’ ántar tuinia nu tura ‘Yúsnan etserniuitjiai’ ántar tuinia nusha wantinkiartatui. Wantinkiar Yus anaikiamu shuarnasha anaṉkatai tusar wakeruiniak ni kakarmari̱n iniakmainiak aentsti tujintiamun túriartatui.

Mar. 13:5

Tutai Jesus chichaak “Aneartarum, anaṉkramawairap.

Rum. 1:18

Shuar nekas chichaman nakitrar yajauchin túrataj tusar surimiainiawai. Túrawar tuke tunaarintin áiniawai. Nu shuaran Yus ti kajerkar ti asutiátniun nayaimpinmaya̱ paant awajsaiti.

Kurs. 2:18

Tura shuar “Péejchach ajasam Yus áujtsuk aya Yusa suntari̱ shiir awajsatniuiti” túramkuiṉkia anturkairap. Nu shuar mesekranam wainkiamun áujmatenak ántar naṉkamantu enentáimtumainiawai. Aya aentsti enentáimian chichainiawai.

Kurs. 2:4

Atumín chíkich shuar niisháa chichamja̱i̱ shiir chichartamas anaṉkramawara̱i̱ṉ tusan nuna tájarme.

Kurs. 2:8

Atumsha aneartarum. Aentsti enentáimmiaja̱i̱ṉ ashí ju̱ nuṉkanmaya̱n enentáimprar tura Krístun enentáimtutsuk niisháa chichaman áujtamainiak nekaschaja̱i̱ anaṉkramataj tusa wakerutmainiawai.

Kurs. 3:6

Shuar Yusan umirtsuk aya nuna túrin ásarmatai Yus nin kajerak ti asutiáttawai.

2 Tis. 2:3

Peṉké anaṉnawairap. Nekaatarum. Nu tsawant jeatsa̱i̱ṉ Yusai̱ya̱ kanaktin átatui. Tura nú arant, Tuke Tunaarintin, emesnartatna nu wantinkiattawai.

Isr. 13:9

Chíkich chicham niisháa írunna nu anturkairap. Yus iin anenma asakrin kakaram ajasártai. Shuar niisháa yurumkaja̱i̱ enentái̱rui̱ kakaram ajastaj táyat peṉké yáiṉchaiti. Yurumeaj núja̱i̱nchu antsu Yusa aneṉkrattairi̱ji̱a̱i̱ ii enentái̱n kakaram ajasminiaitji.

Isr. 3:19

Iis, Yusan enentáimtachu ásar Niji̱a̱i̱ shiir pujustinnium waya̱tniun tujintkiarmiayi.

1 Pit. 2:8

Tura ju̱sha aarma awai “Tukumak iniaartin káyaiti.” Isa. 8:14 Kame shuar Jesukrístunun etserkamun nakitiakka ¿enentáinium itiur péṉker wekasat? Wats, nú shuar Krístun umirainiachu ásar tuke túrunatin asamtai tukumainiawai.

1 Jṉ. 4:1

Aneamu yatsuru, untsurí shuar wáitruiniak “wi Yúsnan etserniuitjiai” tuíniawai. Tuma asamtai ashí shuar “wi Yusa Wakaní̱n takakun chichaajai” tuinia nu péṉker nekaptsuk enentáimtusairap. Antsu íisrum nekas Yusa Wakanímpiashit tura chíkich wakaniashit nu nekaatarum.