Ipi. 5:21 - Yus Papí: Shuarja̱i̱ Yus Yamaram Chicham Najanamu

²¹ Yus shuar asarum nuamtak umirnaikiatarum. Túrakrum Kristu shiir awajsattarme.

Ipi. 5:21 Iomraidhean Croise

Naṉ. 16:9

Nu tutai Yusa suntari̱ chichareak “Antsu Sarai̱n waketkitia. Túram ni tana nu mash umirkata” tímiayi.

Neem. 5:15

Tura wikia uuntri̱ ajatsa̱i̱ṉ emka uuntri̱ arma nuka ashí aentsun tí itiurchat awajsarmiayi. Túruiniak kuít jirun kuaraintia sikru jean tura páṉnasha núnisaṉ wíniuncha jurukiarmiayi. Núnisaraṉ ni takarniúri̱ armia nusha nin akupniua núnisaraṉ ajarmiayi. Antsu wikia Yusan ashama asan núnaka túrachmajai.

Neem. 5:9

Tura wi chichaakun “Túrarmena nuka péṉkerchaiti. Kame ii nemasri̱ uunt nuṉka mátsatkamu ainia nuyá̱ wishiknara̱i̱j tusarmeka ¿ii Yusri̱ṉkia ashamkashtinkiaitrum?

Neka. 24:21

Uchiru, Uunt Yussha núnismek úunt akupniusha umirkata tura chichaman mái̱ yapaji̱ ajá ainia núja̱i̱sha tsaniṉkiaip.

1 Kur. 16:16

Nisha tura ashí niji̱a̱i̱ métek yáiṉkiar takainia nú shuar seatmana nu tuke túratarum.

2 Kur. 5:11

Tuma asamtai ju̱ nékaji. Uunt umirkashtin ti tsuumainti. Nu enentáimsar ashí shuar nekasa nuna nekaawarti tusar ti takaaji. Urukuitiajⁱ nuna Yus paant nekarmaji. Atumí enentái̱ncha nusha paant atí taji.

2 Kur. 7:1

Tuma asamtai aneamur yatsurtiram, nusha Yus timia nu, iin túramji. Nu tuma asamtai ii aya̱shi̱ tura ii enentái̱sha yajauch ajasá̱i̱ṉ tusar ashí tunáa ana nuyá̱ kanaktiniaitji. Túrar “Yusak nekas ii úuntri̱nti” takur ii aya̱shí̱sha ii enentái̱sha takamtsuk tuke tsawant Yus íktustiniaitji.

Kar. 5:13

Atumniasha yatsuru, Kristu tuke aṉkant awajtámsarme. Tura aṉkant ajasrum “Aya wi wakerajna nuna túramniaitjiai” tu enentáimprairap. Antsu nuamtak aneniakrum péṉker yáiniaiktarum.

Ipi. 5:22

Núwa̱ka Krístun umirna núnisaṉ ni áishri̱ncha umirkatniuiti.

Ipi. 5:24

Nu asamtai Yus shuar Krístun umirin áiniawai. Núnisaṉ ashí ana nuja̱i̱ nuwa̱ ni áishri̱n umirkatniuiti.

Jir. 2:3

Átum wakeramuk túrawairap. Naṉkamantu ajastaj tiirap. Antsu péejchach ajasrum chíkich shuar atumji̱a̱i̱ naṉkaamas péṉker enentáimtusta.

1 Tim. 2:11

Núwa̱ka tákamtak pujusár umiiniak unuimiárarti.

1 Tim. 3:4

Ní shuari̱n shiir akupeakui ni uchirí̱sha umin tura shiir awajkartin ártiniaiti.

Isr. 13:17

Yus shuara uuntri̱ umirkarum shiir enentáimtikratarum. Ni takatrí̱n Yusan ujaktin ásar atumí wakaní̱n shiir wainiainiawai. Nisha itiurchatcha antsu wakerumainian túrawarat tusarum shiir yaiṉtarum. Nu túrachkumka ¿itiurak yaintmakarat?

1 Pit. 2:13

Kristu atumí Uuntri̱ asamtai ju̱ nuṉkanam akupin áiniana nusha umirkatniuitrume. Uunt akupin ashí akupin asamtai umirkatarum.

1 Pit. 2:17

Ashí aents shiir enentáimtustarum. Yus shuar ainia nusha aneetarum. Yus ashamkatarum. Úunt akupniusha shiir awajsatarum.

1 Pit. 5:5

Tura natsatirmesha atumí uuntri̱ umirkatarum. Kame yaunchu Yus Papinium aarma asamtai ashí Yus shuartiram naṉkamantu enentáimtumatsuk umirnaikiatarum. “Waantu enentáimtuma núnaka Yus nakitiawai. Antsu naṉkamantuchu enentáimtuma nuna Yus waitnentak yaya̱wai.” Neka. 3:34