Ipi. 5:2 - Yus Papí: Shuarja̱i̱ Yus Yamaram Chicham Najanamu

² Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Ipi. 5:2 Iomraidhean Croise

Naṉ. 8:21

Tura nuna kuṉkuntin Uunt Yus ti shiir nekapramiayi. Tura Ní enentáimsaṉ chichaak “Yamaikia aentsu yajauch túrutairi̱nkia nuṉkanka ama̱a̱ja̱i̱ṉkia atakka peṉké amukchatniuitjiai. Warí aentska uchichinmaya̱ṉ yajauch enentáimin áiniawai. Núnisnak ashí iwiaaku matsamártatna nunasha amukchartatjai.

Riw. 1:13

Tura Yúsnan pujurin entsaja̱i̱ makuin nuyá̱ ampuje̱n nijiartatui tura áestutai̱niam awaṉ áestuattawai. Yus takamtsuk áestamu asa Uunt Yus áestuatin susamu áestamun ti shiir kuṉkuan nekaprattawai.

Riw. 1:17

Núnisaṉ Yúsnan pujurin jímiapetek nakak napichak nanapnum achik ayapá̱r áestutai̱niam ji patarma keamunam awaṉ áestuattawai. Yus takamtsuk áestamu asa Uunt Yus áestuatin susamu áestamun ti shiir kuṉkuan nekaprattawai.

Riw. 1:9

Tura Yúsnan pujurin waaká ampuje̱ncha núnisaṉ makui̱ncha entsaja̱i̱ nijiartatui. Nuya̱ṉka Yusna áestutai̱niam áesattawai. Warí takamtsuk áestuatniuchukait. Yus takamtsuk áestamu asa Uunt Yus áestuatin susamu áestamun ti shiir kuṉkuan nekaprattawai.

Ams. 5:21

Kame atumí namperi̱nkia muí̱jiakun nakitiajai. Núnisaṉ átum iruntrarum nampermarmena nusha péṉkerka kuṉkuntratsui.

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Juaṉ 13:34

Ju̱ yamaram akupeamun amaajai nuamtak mái̱ anenai ajatarum tusan. Wi atumín aneajrumna núnisrumek atumsha nuamtak mái̱ anenai ajatniuitrume.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Rum. 15:16

Kame Jesukrístu Israer shuarchanum Yusa shiir chichame̱n etserkat tusa akuptúkuiti. Nuna túrakun Israer shuarchan Yusa Wakaní̱ji̱a̱i̱ shiir awajsamu ásarmatai Yusai̱ juíniajai. Tura Yussha shiir enentáiji̱a̱i̱ itiainiawai.

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

Rum. 8:37

Tuma ai̱ṉ Kristu iin anenma asakrin Niji̱a̱i̱ ti nupetmakuitji.

1 Kur. 16:14

Anenkartamuja̱i̱ mash túratarum.

1 Kur. 5:7

Tuma asamtai nu karía yajauch awajtámsa̱i̱j tusarum ukartarum. Núnisrum ju̱ tunaanumia̱ kanakrum péṉker átatrume. Yaunchu enentái karía núnis amuukatniuiti. Ashí yamarmak yuminia áintsaṉ ajasuitrume. Paṉ karin eṉketáchma enentáimpratai. Israer shuar Paskua nampernum aya paṉ karin eṉketáchman yuu áiniawai. Atumí tunaarí̱ atsakui atumsha nu námper paṉka áintsarum péṉker ajasuitrume. Paskua nampertincha Israer shuar murikiun main áiniawai. Núnisaṉ Kristu jaka ii murikri̱a áinis ajasuíti.

2 Kur. 2:14

Kristu Jesusja̱i̱ Yuska iincha nupetmamtikramak ewekátmasuitji. Tuma asamtai Nincha ti shiir yúmiṉsa pujajai. Tura kuku̱jⁱ kuṉkúakui ashí nékainia núnisaṉ ii etserkamuja̱i̱ Kristu shiir chichame̱n Yuska ashí aentsun nekamtikiainiawai.

2 Kur. 2:15

Kristu iin pujurtamu asamtai Yusja̱i̱ nekapsamka iikia kuṉkúaji. Ii kuṉkúajnia nuna uwemtikramu ainia nusha tura uwemtikrachma ainia nusha nekapramnia áiniawai.

2 Kur. 8:9

Ii Uuntri̱ Jesukrístu waitnenkartutairi̱ nékarme. Ashí takakuyayi tura atumín anenma asa kuítrincha núnisaṉ ajasmiayi. Ju̱ nuṉkanam kuítrincha núnis ajasmatai átum nayaimpiniam kuítriniak tusa túramiayi.

Kar. 1:4

Yus ii Aparí̱ nuna wakera asamtai ii tunaarí̱ asakártaj tusa Jesus ni aya̱shí̱n surumak wáitsamiayi. Nuna tura ju̱ nuṉkanam ti yajauch túrutai̱ ana nuyá̱ aṉkant awajtámsatai tusa túraiti.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Ipi. 3:17

Yus nekas enentáimtakrumin Kristu atumí enentái̱n pujusat tusan áujtajrume. Tuke yapají̱tsuk aneṉkratin átarum tusan áujtajrume.

Ipi. 3:19

Nu aneṉkrattai ashí takamtsuk nekaachmin ai̱ṉ nekaatarum tusan áujtajrume. Nuja̱i̱ Yus takamtsuk pimiutramkattarme.

Ipi. 4:15

Antsu nekas aneniakur nekas chicham ujanáiktiniaitji. Túrar Krístuja̱i̱ tsaniṉkiar tuke tsakakir ashí péṉker túratniuja̱i̱ Niji̱a̱i̱ métek ajastatji. Túramu asa Krístuka ashí ni shuari̱ muuke̱a áintsaṉkete.

Ipi. 4:2

Nekasmiancha ajasrum aneniakrum katsunnairatarum.

Ipi. 5:15

Nu asamtai átum túramu íimiastarum. Nékachu áintsarum pujusairap. Antsu péṉker enentáimprarum wekasatarum.

Ipi. 5:25

Kristu ni shuari̱n ti aneak nin yáiṉtaj tusa jákatniun surumakmiayi. Núnisrumek áishmaṉtirmesha atumí nuwé̱ aneatniuitrume.

Muis. 27:6

Tura atumí Uunt Yusri̱ áestutai̱ nájatkurmesha kaya iwiarkachmaja̱i̱ najanatniuitrume. Nui̱ Uunt Yus atumí Yusri̱ takamtsuk taṉku áestuattarme.

Jir. 4:18

Epaprutítiuja̱i̱ akuptúrkamarum núja̱i̱sha atsumamaj nuna naṉkaamas tiáruncha wainkiajai. Akuptúrkamarum nusha ti kuṉkuin Yus susamua áinis ti shiir auyi.

Kurs. 3:14

Tura ashí naṉkaamas anenaitiarum. Túrakrumka chikichik ajasrum mash péṉker túrattarme.

1 Tis. 4:9

Tura yamaikia nuamtak Yus shuar anenaistin ana nuna tí neka asakrumin áatrashtatjarme. Warí, imia Niṉki Yus atumín mái̱ anenai ajatniun jintintrámawarmatai nékarme.

1 Tim. 2:6

Ashí shuara tunaari̱n akikmatkataj tusa jákatniunam Jesukrístu surumakmiayi. Tura tsawant jeamtai nu chicham ashí shuarnum etsernaktiniuyayi.

1 Tim. 4:12

Ti úuntchaitkiumnisha nakitrámprara̱i̱ṉ. Antsu péṉker túrakum Yus shuar unuiniarta. Chichammiji̱a̱i̱sha, túramurmiji̱a̱i̱sha, aneṉkratmarmiji̱a̱i̱sha nekas Yus enentáimtamuja̱i̱sha tura esetra enentáimsam Yusna péṉker túramuja̱i̱sha nisha túrawarat tusam iniaktusarta.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 8:3

Ashí Yúsnan pujurniu uuntri̱ ainia nu, shuar Yúsnan susamuncha tura taṉku maar Yus sútai̱ncha Yusan ashí súsatin áiniawai. Núnisaṉ Jesukrístusha Yusan súsatniuiti.

Isr. 9:14

Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?

Isr. 9:23

Tuma asamtai Muisais najanamu aya nayaimpiniam írunna nuna nakumenak taṉkú numpe̱ja̱i̱ shiir awajsatin ármiayi. Antsu nekas nayaimpiniam írunna núnaka nuna kakaram numpaja̱i̱ shiir awajsatniuyayi.

Isr. 9:26

Kame wa̱i̱ pujutniuitkiuiṉkia nuṉka yama naṉkammanumia̱ṉ juárkiniaitkiuṉka ataksha awaiṉki̱ ajá puju̱a̱yi. Túrasha yamaikia tunáa amukatniun nuṉka amuumam jákatniunam Krístuka chikichkí surumakuiti.

1 Pit. 4:8

Aneniamuja̱i̱ untsurí tunaasha tsaṉkuratin awai. Tuma asamtai ashí naṉkaamas nuamtak anenaistarum.

1 Jṉ. 3:16

Jesukrístu iin jarutramka asakrin nuja̱i̱ nekas iin anenmaj nu nékaji. Iisha núnisrik Yus shuar ainia nu ti aneakur ni yaiṉtai tusar jarukmin átiniaitji.

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 5:9

Ju̱ yamaram kantancha kantampriarmai “Amek imiá naṉkaamas akupniuitme. Amek papí achikiam asakamu já̱a̱kminiaitme. Yus sutai namaṉkea áinis mantamna asam túramniaitme. Ashí nuṉkanmaya̱ shuarnumia̱sha Yusna árat tusam ame numpe̱mja̱i̱ iin sumakmiame.