Ipi. 5:1 - Yus Papí: Shuarja̱i̱ Yus Yamaram Chicham Najanamu

¹ Tuma asamtai atumsha Yus atumín anenmana núnisrum anenaitiarum.

Ipi. 5:1 Iomraidhean Croise

Jrm. 31:20

Antsu nui̱kia ¿Eprainkia Winia aneamur tura ti shiir enentáimtamu uchirchakait? Warí kajerkan nin áujmatkunka nuna núkap enentáimtiniaitjiai. Tuma asan nin enentáimtakui̱ṉkia enentái̱r pútir awajtiniaiti. Tura Eprainnaka nekas waitnentrattajai” tawai Uunt Yus.

Use. 1:10

Túrasha ukunmaṉka Israer shuarka entsá naikim írunna imianú untsurí nekapmarchamnia ajasártatui. Tura átumka ‘Wí shuarchaitrume’ tunamármena núnaka iniaisar antsu ‘tuke iwiaaku Yusa uchirí̱ntrume’ tunattarme.

Riw. 11:45

Warí Wisha Úunt Yusaitjiai, Ejiptunmaya̱ atumí Yusri̱ átaj tusan jí̱i̱kmiajrumna nu. Wi peṉké tunaarincha asamtai atumsha núnisrumek peṉké tunaarincha atarum.

Mat. 5:45

Atumsha nu túrakrum atumí Aparí̱ nayaimpiniam pujana nu túrana áitkiasrumek túrarme. Iistá, Yus yajauch shuarnumsha péṉker shuarnumsha tsáapin awajmatkiatsuk. Núnisaṉ yumincha yajauch shuar pujuiniamunmasha péṉker shuar pujuiniamunmasha yútumtiktsuk.

Mat. 5:48

Nu asamtai atumí Aparí̱ Yus nayaimpiniam pujana nuja̱i̱ métek ti péṉker átiniaitrume.

Juaṉ 1:12

Túrasha ashí aents ni enentái̱n itiawarma núnaka nekas enentáiji̱a̱i̱ Nin enentáimtuinia ásarmatai Yuska Ni uchirí̱ ajastinian tsaṉkatkarmiayi.

Ipi. 4:32

Antsu shiir awajkartin ajasrum waitnennairarum Kristu jakamuja̱i̱ Yus atumí tunaari̱n tsaṉkurtampra nútiksarmek tsaṉkurnáiratarum.

Jir. 2:15

Túrakrum makuumatsuk tunaaja̱i̱nchu átatrume. Antsu Yusa uchirí̱ átatrume. Ju̱ nuṉkanmasha shuar imiá yajauch túrinji̱a̱i̱sha máatrachu asarum kiritniunam ji keeá áintsaṉketrume

Kurs. 3:12

Yus atumín anenmak Niniu ártí tusa achirmákmarme. Túrutma asamtai ju̱ja̱i̱ shiir iwiarmampratniua áintsarum tuke túrin atarum, waitnenkartin, shiir awajkartin, péejchach átin, émtin áchatin, tura katsuntin átin.

1 Jṉ. 4:11

Aneamu yatsuru, Yus núnis anenma asakrin iisha núnisrik mái̱ anenai ajartai.