Ipi. 4:9 - Yus Papí: Shuarja̱i̱ Yus Yamaram Chicham Najanamu

⁹ Tura “wakamiayi” tana nu ¿warintiua? Kristu nayaimpiniam pujá asa yakí̱ wákaṉka emka tárashtinkiait. Nekas nuṉká taramiayi.

Ipi. 4:9 Iomraidhean Croise

Naṉ. 11:5

Nu aents péprun najanainiak tura nayaimpin ántiaku je̱a̱mtai tusar matsamtiarmia nuna Uunt Yus íistaj tusa taramiayi.

YKan. 139:15

Kame winia aya̱shur paantcha init ú̱kmanum émamkesar najanamu ai̱ṉ Ámeka winia aya̱shur paant nekamame.

YKan. 63:9

Kame winia mantuataj turutainia nuka jakaa matsamtai̱niam akupkarta.

YKan. 8:5

Kame aentstinkia nayaimpinmaya̱ suntarja̱i̱ṉkia imianchach najankaruitme. Túrayatmek winchari̱ tura arantútairi̱ susamam nuja̱i̱ páantin awajsaitme.

Jiin. 19:20

Nuyá̱ Uunt Yuska Senái naintia tsakarí̱n tara Muisaisan untsukmiayi. Túram Muisaissha wakamiayi.

Neka. 30:4

¿Ya nayaimpiniam waka ataksha táarait? ¿Ya ni uwejé̱ja̱i̱ nasen emetait? ¿Ya tarachji̱a̱i̱ entsan áreṉkuit? ¿Ashí nuṉkanam írunna nunasha ya najankait? ¿Ni náari̱sha tura uchirí̱ náari̱sha yait? ¿Nu nékamek?

Isa. 44:23

Maa nayaimpí, Uunt Yus ámin najatmamna nu kantampruata. Nuṉka initri̱yá̱ warasam untsumkata, náintirmesha tura kampunniunam numi írunna núurtiuk shiir awajkuram chichaktarum. Warí Uunt Yus Jakupan aṉkant awajsaiti tura ni winchari̱ Israer shuarnum shiir awajsaiti.

Mat. 12:40

Junas menaintiú kashi menaintiú tsawantcha namaka ampuje̱n eṉkemiayi.Jns. 1:17 Núnisnak Wi, Aents Ajasu asan, menaintiú kashi menaintiú tsawant nuṉká jakan tepestatjai.

Juaṉ 20:17

Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Juaṉ 3:13

Shuar chikichkisha nayaimpiniam waka atsawai. Aya Wiki nayaimpinmaya̱ taran Aents Ajasuitjiai. Tura Wikia nayaimpinmaya̱itjiai.

Juaṉ 6:33

Iis, Yusai̱ya̱ apatkuka nayaimpinmaya̱ tara núiti. Tuma asa ashí shuaran nekas iwiaakman suawai” tímiayi.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

Juaṉ 6:41

Tura Jesus “Witjiai, nayaimpinmaya̱ apatuk akupkámu” takui̱ Israer shuar Jesusan áujmatiarmiayi.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Juaṉ 6:58

Ju̱i̱ti apatuk nayaimpinmaya̱ tau. Ju̱ apatkuka atumí uuntri̱ yuáwariat ashí kajinkiarua núnischaiti antsu ju̱na yúana nu tuke iniaitsuk iwiaaku pujustatui” tímiayi.

Juaṉ 6:62

Wátsek Wi nayaimpiniam pujuyaj nui̱ wáketkuisha ¿urukawaintrumek?

Juaṉ 8:14

Jesus “Tuyá̱ winiaj tura tui̱ wéaj nu nékatsrume tura Wikia nékajai. Tuma asan winia péṉkerun táyatnak tájana nu péṉkeraiti.

Isr. 2:7

Warí aentstinkia nayaimpinmaya̱ suntarja̱i̱ imianchachⁱ awajsámiame. Túrayatam winchari̱ tura arantútairi̱ susamam nuja̱i̱ páantin awajsaitme.

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.