Ipi. 4:7 - Yus Papí: Shuarja̱i̱ Yus Yamaram Chicham Najanamu

⁷ Tura chikichik chikichik niisháa shiir takastinian suramsaitji. Tura Kristu wakerimia núnisaṉ suramsaji.

Ipi. 4:7 Iomraidhean Croise

Mat. 25:15

Chikichkiniak seṉku mir kuítian susamai. Chikichnasha jimiará mir kuítian susamai. Tura chikichnasha chikichik mir kuítian susamai. Ni takastin jearma nuja̱i̱ métek súsarmai. Tura ikiuak yajá wemai.

Juaṉ 3:34

Yus akupkámuka Yusa Chichame̱n étserui. Warí, Yuska ni Wakaní̱nkia nekapmas amaatsji.

Rum. 12:3

Yus winia waitnentrak akatar akuptúku asamtai ju̱na tájarme. Atumek wíkitiajtai tu enentáimtumatsuk jeamna nuja̱i̱ métek enentáimtumasta. Yus enentáimta asakmin takastinian suramsana nuja̱i̱ apatkam nekaamata.

2 Kur. 6:1

Yusa Papiri̱i̱n Isayas áarmaiti “Tsawant jeamtai ame seatmena nuna anturkamajme. Uwempratin tsawant jeamtaisha yáiṉmajme.” Isa. 49:8 Wats yamaikia Yus seatin jeayi. Yamái Yusai̱ uwempratin jeayi.Isa. 61:2 Tuma asamtai iikia Yusa takatrí̱n pachitkiajnia nu, Yusa aneṉkrattairi̱ péṉker achiktarum tusar seajrume.

Ipi. 3:2

Yus anentak Yus Chichaman atumín etserkatniun akatar akuptúkuiti. Nu nékatsrumek.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

Isr. 2:4

Kame nu arantcha uwempratin chichaman ujatmainiakrin imiá nekas tuíniawai tusa aentsti túrachminian kakarman Yus iniakmasmiayi. Núnisaṉ ni Shiir Wakaní̱ ni wakerana núnisaṉ niisháa niisháa kakarmaja̱i̱ takamtikiawai. Nuja̱i̱ Yus Chichama nu paant nekanamniaiti.

1 Pit. 4:10

Iin aṉkant aṉkant shiir awajtámsatniun Yus tí nukap takakui. Tura iin shiir awajtámsamuja̱i̱ chíkich shuarsha shiir awajsatarum tusa chíkich chíkich túratniun suramsaitji. Tuma asamtai péṉker takaawa áintsarmek Yus amasmania nuja̱i̱ ame írutramuram yaiṉtá.