Ipi. 4:5 - Yus Papí: Shuarja̱i̱ Yus Yamaram Chicham Najanamu

⁵ Ii Uuntri̱ chikichkiti. Niṉki nekas enentáimtusar métek imiantiniaitji.

Ipi. 4:5 Iomraidhean Croise

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Tur. 10:36

Yuska shiir chichaman Israer shuarun akuptúkmiayi. Nui̱ chichaak ‘Shuar Jesukrístu náari̱n páchiakka Yusja̱i̱ nawamnaikiatin átiniaiti. Nú Jesukrístu ashí shuara Úuntri̱nti’ tímiayi Yus.

Tur. 2:36

Tura ii Israer shuarti Jesus krúsnum maitji. Jú̱ Jesus mámjinia nuna Yuska Úunt Akupin anaikiamiayi. Túrasha Jesussha iin uwemtikkiartin Krístuiti. Ashí aentstiram nu péṉker nekaatarum” tímiayi Pítiur.

Rum. 3:30

Kame aya chikichik Yúschakait. Tura tsupirnakuncha tsupirnakchancha mái̱ metek aya Jesukrístun nekas enentáimtuiniakui “péṉkeraitme” tíminiaiti.

1 Kur. 1:13

¿Warí, nuiṉkia Kristu akantrámukait. Páprusha krúsnum jarutramkamaashi. Tura Papru naari̱ pachisa imiaimiukaitrum?

1 Kur. 1:2

Ashí Yus shuar Kurintiu péprunam iruntrumna nútirmin ju̱ papin akuptajrume. Átumka Jesukrístuja̱i̱ tsaniṉkiu asarum yusna árume. Atumsha tura ashí shuar Jesukrístun enentáimtuinia nunasha Yus tí peṉker awajsatniun wakerawai. Nincha tura iincha Jesukrístu mái̱ metek Úuntri̱nti.

1 Kur. 12:13

Tura imianiakrin Yusa Wakaní̱ chikichik awajtámsamji, Kristu aya̱shí̱ya áintsaṉ. Israer shuarsha, Israer shuarchasha, ti itiurchat takaana nusha, aṉkant ainia nusha, ashí yamái chikichik ajasuitji. Tura Yusa Wakaní̱ pimiutkamuitji Niji̱a̱i̱ tsaniṉkia pujakur.

1 Kur. 8:6

Tura iikia nékaji aya chikichik Yus awai nusha ii Aparí̱nti. Ashí írunna nuna najanaiti tura ni wakera nuna umikiat tusa iin najatmamji. Ii Úuntri̱sha chikichkiti Jesukrístu. Níji̱a̱i̱ṉkia ashí najanamuiti. Tura iisha ni kakarmari̱ji̱a̱i̱ iwiaaku pujaji.

2 Kur. 11:4

Warí, chíkich shuar Jesusnan nusháa etserkamuja̱i̱ táiniakuisha péṉker ántarme. Tura nusháa wakan achikiam, nusháa chichamja̱i̱ uwempramniaiti tu etserainiakuisha nekasapitia tárume.

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Ipi. 4:13

Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji.

Jir. 2:11

Tura ashí shuar Jesukrístu ashí akupin ajasman paant nekaawartatui. Núja̱i̱ṉkia Yus Apá kakarmari̱sha paant nekanattawai.

Jir. 3:8

Ashí enentáimpramnia ákuisha winia úuntur Jesukrístu shiir enentáimtustin nekas péṉkeraiti. Nu asamtai Krístunu ajakun wi takusmaj nu mui̱jmiai̱ ajasmatai núnaka iniaisámjai.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

Tit. 1:4

Titiu, wi Yusna étserma umikiu asakmin winia uchirua áitkiasnak papin áateajme. Iis, iiji̱a̱i̱ métek Yus nekas enentáimtatsjik. Yus waitnentrama asa shiir awajtámsati tusan wakerajme. Tura ii Aparí̱ Yussha tura ii Uuntri̱ Jesukrístusha Uwemtikkiartin ana nu, enentáimin imiatkincha awajtámsati tajai.

Isr. 13:7

Atumín Yus Chichaman jintintrámawarmia nu enentáimtustarum. Yusan nekas enentáimtuiniak péṉker wekasarmia núnisrumek atumsha túratarum.

Isr. 6:6

nu shuar nuna nakitiak kanakniaka atak ni yajauchiri̱n ené enentáimiá ajasuítiat ikiuktinian nakitiak tujintkiattawai. Warí ní enentái̱ji̱a̱i̱ Yusa Uchirí̱n atak krúsnum matniua nútikiak ashí íimmianum natsanmai̱ awajui.

San. 2:18

Tura shuar tíchanpiash “Chíkich takaawai tura chikitcha Yusan shiir enentáimtawai. Mai̱ péṉkerchakait” tíchanpiash. Wats, ame Yus enentáimtamu takatsuk paant iniaktusminiashitiam. Antsu wikia péṉker takatruja̱i̱ Yus enentáimtamun paant iniaktustatjai.

1 Pit. 3:21

Nu yumi Yus shuarti imiantinian nakumui. Ii aya̱shi̱ chamir awajsatai tusar imiantsuji. Antsu ii enentái̱ péṉker atí tusar Yus sear imianji. Nuja̱i̱ iisha uwemji. Jesukrístu nantakin asamtai nuja̱i̱ uwempraitji.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

Jut. 1:20

Tura átumka, aneamu yatsuru, tuke Yus nekas enentáimtusrum kakaram ajastarum. Yusa Wakaní̱ kakarmari̱ji̱a̱i̱ ashí Yus seatarum.

Jut. 1:3

Aneamu yatsuru, iikia mái̱ metek Yus shuar asar ju̱ uwempratin chichaman áatratniun wakerukjarme. Túrasha ti yajauch shuar anaṉkramawar atumíin pachinkiarmai. Nisha “Yus ti anenkartin asamtai páchitsuk tunáa túramniaitji” tuíniawai. Nu arantcha Yus iin Akuptámniuncha tura ii Uuntri̱ Jesukrístuncha nakitín áiniawai. Nu asamtai nu shuaran “yaunchu sumamawaruiti” tímiayi Yus. Tuma asamtai tájarme “Tuke Yus chicham yapaji̱áshtinian ashí Yus shuar akasmatkarat tusar susamuiti. Wátsek, kakaram ajastarum” tájarme.