Ipi. 4:4 - Yus Papí: Shuarja̱i̱ Yus Yamaram Chicham Najanamu

⁴ Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

Ipi. 4:4 Iomraidhean Croise

YKan. 122:8

Yatsurun tura amikrun aneamuja̱i̱ yamaikia áminkia aṉkant pujutarum títiatjai.

Jrm. 17:7

Aents Uunt Yusan enentáimtana nuka shiir awajsamuiti tura ni nekas enentáimtamuka Úunt Yusaiti.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Rum. 11:29

Kame Yus amáa nuna ataksha ata̱a̱tsui. Shuaran achiksha atak iniaiyatsui.

1 Kur. 10:17

Apatkusha chikichkitiat púuram untsurí ajatsuk. Iisha núnisrik untsurítiatar nu apatuk métek yuarⁱ métek enentáimprar chikichik aya̱shtinia áintsar aji.

1 Kur. 12:20

Antsu untsurí muchitma ákuisha chikichik aya̱shkiti. Iisha núnisrik chíkich chíkich iisháa takayatrik métek takasar Yus wakeramu takamtsuk umíaji.

2 Kur. 11:4

Warí, chíkich shuar Jesusnan nusháa etserkamuja̱i̱ táiniakuisha péṉker ántarme. Tura nusháa wakan achikiam, nusháa chichamja̱i̱ uwempramniaiti tu etserainiakuisha nekasapitia tárume.

Ipi. 1:18

Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 2:16

Núnisaṉ ámiayi. Kristu krúsnum jaka nemasja̱i̱ mai̱ apattamak chikichik awajtámas Yúsja̱i̱sha nawamnaimtikramkamiaji.

Ipi. 2:18

Yamaikia Israer shuartisha tura Israer shuarchasha mái̱ metek Kristu túrunamuja̱i̱ tura Yusa Wakaní̱ takaku asar Yusai̱ jeatniuitji.

Ipi. 2:22

Núnisrumek atumsha Krístuja̱i̱ tsaniṉkiu asarum átum ashí Yus shuarja̱i̱ Yusa Je̱e̱ya áintsaṉ ajasuitrume. Tura Yusa Wakaní̱ ashí Yus shuara enentái̱n pujú asamtai nekas Yusa Je̱e̱nte.

Ipi. 4:1

Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

Ipi. 5:30

ni aya̱shí̱ asamtai. Kame ni aya̱shí̱ muchitmarintji.

Kurs. 1:5

Uwempratin chicham nekasa nu antukrum atumsha nayaimpiniam atumnian Yus ti shiir ikiusman wáinkiatai tusarum nákarme.

Kurs. 3:15

Kame chikichik aya̱shtinia áintsarum ajastarum tusa Yus ni shuari̱ ajasat tusa achirmákmarme. Tuma asamtai Yusja̱i̱ aṉkant awajsamu atumí enentái̱n pujurtamsati. Nuja̱i̱ Yus yumiṉsatarum.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

1 Tim. 1:1

Wi Papru Jesukrístu akatrámurintjiai. Iin uwemtikkiartin Yussha tura ii Uuntri̱ Jesukrístusha winia akuptúku áiniawai. Jesukrístuja̱i̱ métek ti shiir ajastai tusar nákaji.

Tit. 1:2

Tura nu arant nú shuarsha tuke iwiaaku pujusárat tusan étsereajai. Nú shuarnasha nuṉkan najantsuk “uwemtikrattajai” Yus tímiayi. Tura Nisha wáitruatniun tujintiawai.

Tit. 2:13

Túrar ii Yusri̱ Jesukrístu, uwemtikramajnia nu, imiá shiir iwiarnar tatí tusar nákastiniaitji.

Tit. 3:7

Waitnentramu asar péṉker awajsámuitji. Nui̱ṉkia iisha yamaram awajsamu asar tuke iwiaaku átin ti wakerimiaj nu íiniuiti.

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.

1 Jṉ. 3:3

Tura shuar shiir enentáiji̱a̱i̱ nuna nákakka imia niṉki shiir awajmamui Jesukrístuja̱i̱ métek shiir atajai tusa.