Ipi. 4:3 - Yus Papí: Shuarja̱i̱ Yus Yamaram Chicham Najanamu

³ Yusa Wakaní̱ chikichik shuar awajtámkurmin shiir awajnáisarum pujustarum.

Ipi. 4:3 Iomraidhean Croise

1 Akup. 16:21

Nuyá̱ Israernumia̱ jímiar nakaakarmiayi. Tura emka nakaakamuka Jiniata uchirí̱ Típnin úunt akupin awajsatai tiármiayi. Tura chíkich nakaakaruka Úmprin úunt akupin awajsatai tusar wakeriarmiayi.

Mar. 3:24

Chikichik nú nuṉkanmaya̱ shuar nuamtak kajernaiyakuiṉkia, nu nuṉka wari meserchattawak.

Juaṉ 13:34

Ju̱ yamaram akupeamun amaajai nuamtak mái̱ anenai ajatarum tusan. Wi atumín aneajrumna núnisrumek atumsha nuamtak mái̱ anenai ajatniuitrume.

1 Kur. 1:10

Yatsuru, ii Uuntri̱ Jesukrístu naari̱ pachisan seajrume métek enentáimpratarum tusan. Niisháa niisháa enentáimprairap antsu chikichik enentáiji̱a̱i̱ métek enentáimsa pujustarum.

2 Kur. 13:11

Wats yatsurtiram, shiir pujustarum. Krístunam tuke kakaram ajastarum. Yus shiir enentáimtikramprarti. Chikichík enentaik enentáimsatarum. Shiir awajnáisarum pujustarum. Tura Yus anenmarmena nu shiir enentáimtikramna nu atumji̱a̱i̱ pujurtamsattarme.

Ipi. 4:13

Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji.

Ipi. 4:4

Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

1 Tis. 5:13

Yúsnan takainia ásarmatai tí peṉker enentáimtusrum aneetarum. Tura yajauch awajnaitsuk ti shiir nawamnaikiarum matsamsatarum.

Isr. 12:14

Kame tuke enentáimji̱a̱i̱ ashí shuar péṉker túrakrum itit awajnáitsuk tura tunaasha máattsuk aṉkant pujustinnium matsamsatarum. Kame núja̱i̱ṉchuka ii Uuntri̱ peṉké wainkiachminiaiti.