Ipi. 4:26 - Yus Papí: Shuarja̱i̱ Yus Yamaram Chicham Najanamu

²⁶ Kajekrum tunáa túrawairap. YKan. 4:4 Kame tsawant takamtsuk nú kajekmaja̱i̱ pujursaip.

Ipi. 4:26 Iomraidhean Croise

YKan. 37:8

Kajektincha tura suirsha ajapa iniaisarta. Chíkich yajauch túramusha suir enentáimtusaip. Kame suir enentáimkium amesha yajauchikia túramniaitme.

YKan. 4:4

Yus ashama asarum tunáa túrawairap. Antsu atumí peakri̱n takamtak tepesrum ti enentáimpratarum. (Séraj)

Jiin. 11:8

Nuya̱ṉka ju̱ ashí ame takartámin ainia nu tarutiar winia tikishmátrurar chichartuiniak ‘Amesha tura ashí amé shuarumji̱a̱i̱sha wetarum’ turutainiakui wikia wétatjai” tu chichaak Muisais ti kajek Parauṉkai̱ya̱ jiinkí̱ wémiayi.

Neka. 14:29

Shuar kajetáiri̱n katsuntea nuka ti nekas nékaiti. Antsu ti wárik kajena nuka netse enentáimmiari̱n shuarnumsha ti paant iniakmamui.

Neka. 19:11

Shuar péṉker enentáimkia nuka kajektinniasha katsuntniuiti tura kajeramsha ni páantniuri̱ji̱a̱i̱ páchichuiti.

Neka. 25:23

Araki̱a̱ násentuk wárik yumin itiatsuk núnisaṉ áujmatkartiṉkia shuaran akajniuiti.

Wek. 20:24

“Araunka ni uuntri̱ jákar ayamainiamunam ayamuttawai tura wi Israer shuaran nuṉkan súsaruitiaj nui̱ṉkia jeashtatui. Warí anturtutsuk Miripia entsan kátsuram kayanmaya̱ jí̱i̱kmiaj nui̱ atumsha wi tímiajrumna nu umikchamarme.

Mat. 5:22

Tura Wisha tájarme, shuar ni yachi̱n aya kajerakka nusha asutniátniuiti. Ni yachi̱n kátsekea nuka akupniúnam junaktiniaiti. Tura ni yachi̱n ‘netsé’ tákuṉka jinium akupnákminiaiti.

Mar. 10:14

Tura Jesus nuna wainiak kajek chichaak “Uchi Winí̱ winitin tsaṉkatruktarum. Suritkiairap. Iis, shuar ju̱ uchia núnisaṉ péejchach enentáimtumainia nu Yusa akupeamuri̱n pachinkiamniaiti.

Mar. 3:5

Tura Jesus kajek nin iyarmiayi tura ni enentái̱n kátsuram ásarmatai kúntuts enentáimsamiayi. Tura shuaran chicharuk “Uwejé̱m iniakmasta” tímiayi. Iniakmasmatai ni uweje̱ jákauya nu ataksha péṉker ajatsamiayi.

Muis. 24:15

Warí niṉkia peṉké takurmakcha asamtai tsawant iniaṉkatsuk takasa nui̱ṉ akiktarum warí ti enentáimias atsumak takakmatsuk. Nu túrachmaka Uunt Yusan ujakmatai átum tunaarintin juáka̱i̱rum.

San. 1:19

Tuma asamtai aneamu yatsuru, wárik chichakaip antsu antúu ajata. Núnisaṉ wárik kajekaip.

San. 1:20

Kame kajena nuka Yus péṉker wakeramun túratsui.