Ipi. 4:22 - Yus Papí: Shuarja̱i̱ Yus Yamaram Chicham Najanamu

²² Yaunchu enentáimtairmeka aya̱sh wakeramu anaṉkramin ainia nuja̱i̱ piaku asa imiá yajauchiti. Nu enentáimtairmesha yaunchu túrutairmesha ajapa iniaisatarum.

Ipi. 4:22 Iomraidhean Croise

Neka. 11:18

Yusan enentáimtichua nuna túrutairi̱ṉkia ántraja̱i̱ akikma áiniawai. Antsu nekasa nuja̱i̱ túrinia nuka ukunam amukachminia nuja̱i̱ akinkiáttawai.

Jrm. 17:9

Aentsu enentái̱ṉkia ashí írunna núja̱i̱sha naṉkaamas ti anaṉmawiti. Tuma asa eseerachminiaiti. ¿Nunasha yaki nekaatⁱ?

Apt. 1:3

Ame naṉkamantu enentáimtumamuk anaṉkramaiti. Amesha muchiṉ tsentsakamunam ti yakí̱ pujakum ame enentáimtumasmek ‘¿Winiasha yaki nuṉkasha aju̱ntrat?’ túmamme.

Rum. 6:6

Yaunchu enentáimtai̱ṉkia Krístuja̱i̱ métek jaka asamtai ii yajauch wakerutain emeṉkátrutmakuitji. Tuma asamtai yamaikia peṉké umirkashtiniaitji.

Rum. 7:11

Kame tunáa wakerutaiṉkia nu akupkámuja̱i̱ anaṉkrua péṉker iwiaaku pujustinian surutsuk nu akupkámuja̱i̱ jákatniunam jurukmiayi.

2 Kur. 11:3

Túrasha íwianch ni nekatairi̱ji̱a̱i̱ emka nuwa̱ Éwan anaṉkamia nútiksaṉ atumniasha Yusa jinti̱ya̱ awajimtikramar Kristu aneashtinian enentáimtikramprarmatai anaṉkamu ái̱rum tusan tsuutajrume.

Kar. 1:13

Tura ii uuntri̱ yaunchu tiarmia nuna yawe̱tsuk umiktinian wi yaunchu ti yajauchin túramiaj nuka antukchakaitrum. Israer shuar Yúsnan takainia nútiksanak wisha takasmajai. Tuma asan Yus shuaran ti kajerkan tuke apapémiajai amuktaj tusan. Nusha nékarme.

Ipi. 2:3

Ashí iisha núnisrik yaunchu nu shuarja̱i̱ métek ii aya̱shí̱ wakeramu umirniuyaji. Tura ii aya̱shi̱ wakeramusha núnisrik ii enentái̱ wakeramusha umirniuyaji. Tuma asar tunaaja̱i̱ akiinia asar chíkich shuarja̱i̱ métek ti kajernákmiaji.

Ipi. 4:17

Ii Uuntri̱ Kristu íimmianum ju̱na akatjarme. Chíkich aents Yusan nékachu ásar ántar ni enentáimmiaja̱i̱ṉ wekainia núnisrum wekasairap.

Ipi. 4:25

Nu asamtai chikichik aya̱shi muchitmari̱ asarum wáitrutsuk nekas chicham chicharnaisatarum.Sak. 8:16

Ipi. 4:31

Ashí tsaaṉkea áintsaṉ enentáimin pimiutramkamia nuyá̱ kanaktiarum. Nakitratniusha, kajernaikiatniusha tura kakantrar charáa charáa ajatniusha, katsekmaktincha, tsanumpratniusha mash atsutí.

Kurs. 2:11

Nu arant átum aya̱shnium tsupirnatskesha Kristu shuari̱ ajasákrumin ashí aya̱sh wakeramun tsupirkatniua áintsaṉ, Kristu ajapaiti.

Tit. 3:3

Warí, Yuska umirtsuk iisha núnisrik Yus shuar ajatsuk náṉkamsar wekaimji. Tura íwianch emetamu pempée wekaimji. Tura ii aya̱shi̱ wakeramu tuke túriniuyaji. Tunaasha túriniuyaji. Chíkich atankittsar wakeriniuyaji. Chíkich shuar kajerkar tura nuamtaksha kajernainiuyaji.

Isr. 12:1

Ashí ju̱ nuṉkanam túrajnia nuka shuar nakuruiniak tsékena nuja̱i̱ nakumkamniaiti. Ashí shuar yaunchu Yusan shiir enentáimtusaruka téntakar íirmainiaji. Tuma asamtai ashí kijin ana nusha tura ashí yajauch túramu itit awajtamaj nusha ajapa iniaisar tura katsuntrar tsékeṉkir jeatái.

Isr. 3:13

Kame kashinkia yajauch túramuja̱i̱ anaṉnam enentáimin Yusna nakitrashtapash. Tuma asamtai yamaik tura ashí tsawant ikiakánairtarum.

San. 1:21

Nu asamtai ashí péṉkercha nu tura ashí yajauch írunna nusha iniaisata. Tura tuke enentáiji̱a̱i̱ Yus Chicham ame enentáimin araamu anturkata. Tura nu chicham kakarmaiti uwemtikrampratniun.

San. 1:26

“Nekas Yusan shiir umirjai” tana nu tura eseer chichaachkuṉka imia niṉki anaṉmamui tura “Yusan shiir umirjai” tana nuna ántar tawai.

1 Pit. 1:18

Warí, antra wekasatniun atumí uuntri̱ jintintramarmena nuyá̱ Yus uwemtikramprarme. Túrasha kurisha kuitcha amukámnia ainia nuja̱i̱ uwemtikrachmaitrume.

1 Pit. 4:3

Warí, Yusan nékainiatsna nú shuar túruiniana nu atumsha núkap túrichmakuram. Yus shuar ajatsuk tsanirmatin wakerimiarme. Yajauch túratniusha, nampernum nampekrum ti yurumárum, enentáincha ajasrum charaatum ajatniusha, najankamu yusa namperi̱i̱n yajauch ana nu najanatniusha nusha ashí wakerimiarme.

2 Pit. 2:13

Chikichan wáitkiamia áintsaṉ wáitsartatui. Tuke tsawant ni wakeramunak túruiniak “waraajai” tuíniawai. Tura atumji̱a̱i̱ irunar yurumáiniayataṉ atumín anaṉkramawar warainiawai. Nuka natsantaiti.

2 Pit. 2:7

Tura Yus Ráutan uwemtikramiayi. Péṉker shuar asa Sutumanmaya̱ aents imiá yajauch ásar tunáa túruiniakui Raut kúntuts enentáimsamiayi.

1 Sam. 1:14

Tura chicharuk “Nampetcha ¿urutái iniaisattam? Yamaikia winiu iniaisata” tímiayi.