Ipi. 4:21 - Yus Papí: Shuarja̱i̱ Yus Yamaram Chicham Najanamu

²¹ Nekas Ni anturkaitkiurmeka tura Jesus nekas tama Kristu unuiniarmaitkiurmeka Nin shiir enentáimtustin unuimiármarme.

Ipi. 4:21 Iomraidhean Croise

YKan. 45:4

Mesetnum nupetmaku asam tura aya nekasa nu túrunati tusam wakerakum ti pachia asam nuyá̱ kakarmachu ainia nu ayamprúku asam tí paantniuitme. Tura untsuurum kakaram asamtai aentsti túrachminia nu túratin nekaattame.

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Ruk. 10:16

Atumín anturtamainiakka Winiasha anturtuiniawai. Atumín nakitramainiakka Winiasha nakitruiniawai. Tura nú arant Winia nakitrakka Winia akuptúkua nunasha nakitiawai.” Tú áujas Jesus niin akupkarmiayi.

Juaṉ 1:17

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Juaṉ 10:27

Wisha winia murikrun untsúam anturtuiniak nemartuiniawai. Wisha wínianak mash nékajai.

Juaṉ 14:17

Nusha Nekasa nú Wakaniti. Yus shuarcha Nin nekaachmin áiniawai. Tuma asamtai ni enentái̱n waya̱chminiaiti. Antsu átumka atumí enentái̱n pujakui Ni nékarme. Nisha atumí enentái̱n tuke pujustatui.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Rum. 10:14

Tura Krístun enentáimtuiniachusha ¿itiurak Nin áujsarat? Tura Krístun nékainiachusha ¿itiurak Nin enentáimtusarat? Tura Yusa Chichame̱ ujaachmasha ¿itiurak nekaawarat?

2 Kur. 1:20

Níji̱a̱i̱sha Yus tana nu tímiatrusaṉ uminiui. Tuma asamtai Jesukrístu enentáimtakur “ni tana nuna nekas túrattawai” tu enentáimji. Tu enentáimsar Yusa naari̱ shiir awajeaji.

2 Kur. 11:10

Ashí Akayanam nuna ujaktinian suritrukchartatui. Nuna tákun Kristu nekasri̱ji̱a̱i̱ tajai.

Ipi. 1:13

Núnisaṉ atumsha nekas uwempratin chicham antukrum Kristu nekas enentáimtusurme. Túrarum Kristu shuar ajasákrumin Yus ni shiir Wakaní̱n akuptúktaj timia nuna akuptúrmakmai. Nuna tura “nekas Wí shuaraitrume” tawai.

Ipi. 2:17

Kristu taa nawamnaikiatniun chichaman Israer shuaran ujakmiayi. Tura nu chichamnak atumín Yus nékachuyarmena nunasha ujaktinian akupkámiayi. Isa. 57:19

Kurs. 1:5

Uwempratin chicham nekasa nu antukrum atumsha nayaimpiniam atumnian Yus ti shiir ikiusman wáinkiatai tusarum nákarme.

Kurs. 1:6

Nu chicham ashí nuṉkanam pampaakui shuara enentái̱n nerea áinis nusháa ajasár yamaikia péṉker túrin áiniawai. Núnisaṉ atumíincha túrunaiti. Yus ti nekas anenkartiniaiti tu etserkamu ántakrumin nu chicham atumí enentái̱ncha nerekmiayi.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.