Ipi. 4:18 - Yus Papí: Shuarja̱i̱ Yus Yamaram Chicham Najanamu

¹⁸ Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui.

Ipi. 4:18 Iomraidhean Croise

YKan. 74:20

Tsuumai̱ matsamtai̱ nuṉká írunna nui̱ yajauch awajkartutai̱ji̱a̱i̱ tí piaku ásarmatai Ámiji̱a̱i̱ chícham najanamua nu enentáimturta.

Isa. 25:7

Kame nu tsawantai̱kia ashí aents enentái̱n nukukma ánis tura ashí uunt nuṉka mátsatkamu ainia nuya̱sha nukumatai̱ji̱a̱i̱ nukukma ánis matsatainian ju̱ nainnium Uunt Yus jurusártatui. 2 Kur. 3:15-16

Tan. 5:20

Túrasha naṉkamantu enentáimtumak ni wakaní̱sha nuna yajauch ajasmiayi. Túrunamtai akupin ajasár pujutái̱nmaya̱ṉka ji̱i̱ki̱ páantniuchu awajsámiayi.

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Mar. 3:5

Tura Jesus kajek nin iyarmiayi tura ni enentái̱n kátsuram ásarmatai kúntuts enentáimsamiayi. Tura shuaran chicharuk “Uwejé̱m iniakmasta” tímiayi. Iniakmasmatai ni uweje̱ jákauya nu ataksha péṉker ajatsamiayi.

Juaṉ 12:40

“Yus nin kusuru awajsaiti tura ni enentái̱ncha kátsuram awajsaiti. Ni ji̱ji̱a̱i̱ íimsa̱i̱ṉ tusa tura ni enentái̱ji̱a̱i̱ nekaawa̱i̱ṉ tusa túraiti. Kame ni tunaarí̱ iisar enentáimtuiniakui Yus nin tsuárainti.” Isa. 6:10

Tur. 17:30

Aents Yusan nékainiachuk túrawarmia nuna Yuska yáunchuka pachischamiayi. Túrasha yamaikia Yus ashí aentsun chicharuk ‘Tunaarum iniaisarum nekas enentáiji̱a̱i̱ enentáimtumasrum iwiarnartarum’ túramji.

Tur. 3:17

Wats, yatsurtiram wi nékajai. Atumsha atumí úuntri̱ji̱a̱i̱ Jesus túramarmena nu nékatsuk túramarme.

Rum. 1:28

Tura tuke Yusan nakitiáinia asamtai ti yajauch enentáimiainiak peṉké túrachminia nuna túrawarti tusa Yus tsaṉkatkarmiayi.

Rum. 11:25

Yatsuru, naṉkamantu enentáimtumara̱i̱rum tusan yaunchu nekaachman ujajrume. Ju̱i̱ti, Israer shuarnumia̱ṉka Yusan nekas enentáimtustinian nakimiainia írunui. Túrasha ashí Israer shuarcha Yus shuar ajastin ainia nu umikiarmatai

Rum. 11:7

Ayu. Nuikia ashí Israer shuar péṉkeran e̱a̱karu ai̱ṉ aya Yus achikmia nú shuar wáinkiarmiayi. Antsu ni achikchamuka nuna naṉkaamas nekaachmin ajasár kusurua núnin awajnásarmiayi.

Rum. 2:19

Wakannium kusuraru ainia nunasha jintintiámniaitjiai. Tura tsáapninian nekamtikiawarminiaitjiai.

1 Kur. 1:21

Aya ni nékamuja̱i̱ aents Yusan nekaacharmiayi. Núnisaṉ atí tusa Yus túramiayi timiá neka asa. Antsu ashí aentsun Yus ni chichame̱ja̱i̱ uwemtikratniun wakerimiayi. Chíkich “ántraiti” tuíniana nu chichamja̱i̱ṉᵏⁱ Yus Niin enentáimtuinia núnaka uwemtikratniun wakerak túramiayi.

1 Kur. 2:8

Ju̱ nuṉkanam akupniúka nuna peṉké nekaacharmiayi. Nékainiakka ii Uuntri̱ timiá shiira nuna krúsnum mácharu a̱a̱yi.

2 Kur. 3:14

Tura nu arantcha Muisaisan anturkarmia nuna enentái̱sha nukukmauyayi. Nekaatniun tujintkiarmiayi. Tura yamaisha núnisaṉ yaunchu aarma chichaman áujsar antukar nekaatniun tujintiainiawai. Kristu enentáimtuschatin ni enentái̱n nukukma nu yapaji̱áchmaiti. Aya Krístuja̱i̱ nuka yapaji̱ámniaiti.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

Kar. 4:8

Yaunchu átum nekas Yus nékachkuram najankamu yus írunna nu umirkamarme nekascha yusak.

Ipi. 2:1

Átum yajauch túrakrum tunaanum tuke wekaakrum Yusai̱ya̱ kanakin asarum jákauyarme.

Ipi. 2:12

Nuik Krísturtinchauyarme. Israer shuarcha asarum ashí ni túrutairi̱sha tura ashí Yus nin tsaṉkatkarmasha nekaachuyarme. Tura jú̱ nuṉkanmaya̱ asarum nekas Yusa nu enentáimtichuyarme tura shiir pujustin náṉkamsarum enentáimpramarme.

Kurs. 1:21

Atumsha nuik tunáa túrin asarum atumí enentái̱n Yusa nemasri̱ ámarme. Tuma asarum yajá wekaimiarme. Antsu Kristu, aentsu aya̱shí̱n aya̱shímiak, krúsnum wáitias jakamuja̱i̱ ii tunaarí̱ asakármatai yamaikia Yusja̱i̱ nawamnaikiar shiir pujaji. Nuja̱i̱ Kristu iin péṉker ajasuncha tunaan máatrachmancha tura sumamachuncha Yusai̱ ejetamtatji.

Isr. 5:2

Tura Yúsnan pujurniu uuntri̱ nisha shuar asa ni tujintiamun nékak shuar nékachuncha tura waak yujainia nunasha waitnentramniaiti.

Isr. 9:7

Tura Imiá Shiir Tesamunmaṉka aya Yúsnan pujurniu uuntri̱ wá̱i̱niuyayi. Tura nisha ashí uwitin aya chikichik tsawant wá̱i̱niuyayi. Waya̱k ni yajauchiri̱ncha tura ashí shuara yajauchiri̱ncha tsaṉkurnarat tusa taṉkú numpe̱n Yus súsatniuya nuna juu wémiayi.

San. 4:4

Jú̱ nuṉkanmaya̱ wakerakum Yusa nemasri̱ji̱a̱i̱ tsanirma áintsaṉketrume. Atumsha nékatsrumek. Jú̱ nuṉkanmaya̱ṉ wakerakrikia Yusa nemasri̱ntji. Shuar ju̱ nuṉkanmaya̱ṉ wakerakka Yusa nemasri̱ ajawai.

1 Pit. 1:14

Umin uchia áintsarmek yaunchu nékachu asarum wakerimiarmena nu iniaisarum Yus umirin atarum.

1 Jṉ. 2:11

Tura shuar chíkich Yus shuaran nakitiakka kiritniunam tuke wekaawai. Tura kiritniunam iimiu asa itiuraani̱ wea nuna nékatsui.