Ipi. 4:16 - Yus Papí: Shuarja̱i̱ Yus Yamaram Chicham Najanamu

¹⁶ Tuma asa ni aya̱shi̱n wainkiui ashí nuna muchitmari̱ péṉker yáiniaikiar ashí ni túratniuri̱n shiir takasartatui. Nuja̱i̱ nu aya̱shnium muchitmari̱ chíkich chíkich péṉker takainiak métekrak shiir tsakartatui. Tura anenainiakui nu aya̱shsha péṉker úuntmartatui.

Ipi. 4:16 Iomraidhean Croise

Juaṉ 15:5

Wikia kampuintji̱a̱i̱ tura átumka kanawe̱ntrume. Ni Winí̱i̱ pujakuiṉkia núnisnak Wisha niní̱ pujaknaka núkap nerektatui. Antsu Wini̱i̱ya̱ kanakiṉkia péṉkeran túratniunka peṉké tujintkiattawai.

Rum. 12:4

Ii aya̱shi̱ chikichkitiat ii muchitmari̱ untsurínti. Tura métekrak muchitiáiniatsui.

1 Kur. 10:17

Apatkusha chikichkitiat púuram untsurí ajatsuk. Iisha núnisrik untsurítiatar nu apatuk métek yuarⁱ métek enentáimprar chikichik aya̱shtinia áintsar aji.

1 Kur. 13:13

Wátsek, amuukashtin menaint áiniawai. Ju̱ áiniawai, Yus nekas enentáimtustin, shiir ana nu nákastin, tura aneṉkrattai. Ju̱ menaintiunma̱sha aneṉkrattaiṉkia ashí naṉkamakuiti.

1 Kur. 8:1

Ayu. Yamaikia yurumkasha namaṉsha najankamu yus susamun áujmatsattajai. Ju̱ja̱i̱ túratniua nuka mash nékaji. Tura shuar “tí nekaitjiai” enentáimkiuṉka núja̱i̱ṉkia “neka asan naṉkamantuitjiai” tu enentáimiui. Antsu shuar chíkich shuaran aneakka nin péṉker atí tusa yaya̱wai.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Ipi. 3:17

Yus nekas enentáimtakrumin Kristu atumí enentái̱n pujusat tusan áujtajrume. Tuke yapají̱tsuk aneṉkratin átarum tusan áujtajrume.

Ipi. 3:7

Yus ni kakarmari̱ji̱a̱i̱ winia yáintiuk tura ti anentu asa nu uwempratin chichaman etserkat tusa akattúrmiayi.

Ipi. 4:12

Túramtai ashí Yus shuar ni takatrí̱ji̱a̱i̱ yáiniaikiar tí peṉker shuar ajainiakui Kristu aya̱shi̱ takamtsuk katsua̱rartatui.

Ipi. 4:15

Antsu nekas aneniakur nekas chicham ujanáiktiniaitji. Túrar Krístuja̱i̱ tsaniṉkiar tuke tsakakir ashí péṉker túratniuja̱i̱ Niji̱a̱i̱ métek ajastatji. Túramu asa Krístuka ashí ni shuari̱ muuke̱a áintsaṉkete.

Jir. 1:9

Yusan áujeakun anearmena nú naṉkaamas aneak tusan seatjarme. Tura núja̱i̱sha ti neka ajasrum

Kurs. 2:19

Tuma ásar Krístuja̱i̱ tsaniṉkiar wekainiatsui. Kristu ashí akupin asa ni shuari̱n Yúsnan jintintiá shiir tsakarat tusa péṉker wainiui. Nu arantcha ashí ápateak Yus wakerana áintsaṉ chikichik awajeawai.

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

1 Tis. 1:3

Atumsha Yus nekas enentáimtakrum umirkarumna nu nékaji. Núnisrumek Yus aneakrum takaarme. Tura ii Uuntri̱ Jesukrístu tatí tusarum tuke tsawant nákarme. Nu neka asar ii Aparí̱ Yus iniaitsuk áujkur ashí átum enentáimtusar Yus áujtaji.

1 Tis. 2:13

Yus Chicham ii étserma antukrum aya aentsnumia̱ṉchaiti tímiarme. Yusai̱ya̱iti tímiarme. Nu tiniu asarum umirkamarme. Kame nekas tárume. Ii étserjinia nu nekas Yusa Chichame̱nte. Átum nu chicham umirka asakrumin atumí enentái̱n kakaram ajastinian amaawai, Yus Chicham asa. Átum Yus Chicham umirkaru asakrumin iisha tuke tsawant Yus yúmiṉkiaji.

1 Tis. 3:12

Atumín ii aneajnia núnisaṉ Yus atumniasha mái̱ anenai ajatniun tura chikitcha anenaiyatniun enentáimtikramprarti. Tura nú nukap aneṉkrattain Yus amasárti tusar wakeraji.

2 Tis. 1:3

Yatsuru, átum péṉker matsatu asakrumin iisha Yus tuke yúmiṉkiaji. Átumka Yus nekas enentáimtustin nú nukap nekaakrum wéarme. Tura nuamtak anenaistincha nú nukap nékarme. Nu tuma asamtai Yus yumiṉsatniuitji.

1 Tim. 1:5

Yus shuar tuke enentái̱ji̱a̱i̱ Yusan shiir enentáimtusar tura tunáa túrutsuk aya péṉkera nuna wakerukar anenkartin ajastin áiniawai. Núnisaṉ péṉker ajasat tusar Yus Chicham étsereaji.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

1 Jṉ. 4:16

Yus iin anenmajnia nu ti nekas nékaji. Yus tuke aneṉkratniuiti. Tuma asamtai shuar anenkartakka Yusja̱i̱ tsaniṉ wekaawai tura Yussha niji̱a̱i̱ tsaniṉ wekaawai. Mai̱ chikichik ajasu áiniawai.