Ipi. 4:14 - Yus Papí: Shuarja̱i̱ Yus Yamaram Chicham Najanamu

¹⁴ Tura uchia núnisar áchattaji. Úchikia ashí yamaram chichaman antukar wari yapají̱i̱niawai. Tura anaṉkartinia chichame̱n antukar waaku áiniawai. Kame nu anaṉkartin shuar ti paant chichayataṉ ni shiir chichame̱ja̱i̱ anaṉkatniun pujurénawai.

Ipi. 4:14 Iomraidhean Croise

YKan. 10:9

Kame aents ayamprumakchamnian aya aneachma eṉkemkamtai mainia nuka úunt ya̱wa̱ ni wa̱a̱ri̱ya̱ jiinkí̱ nákamak esakratna núnis áiniawai.

YKan. 59:3

Maa Jiuwáa, winia yajauchi̱rja̱i̱nchu tura umitmákcha ai̱ṉ peṉké ántar kakaram ainia nu mantuataj tusar kajertuinia tu̱a̱rtukarai.

Isa. 28:9

Nuyá̱ chichainiak “Nekatai̱sha ¿yanak unuiniarat tura ju̱ chichamsha yanak antumtikiat muntsú tsurakúnash núja̱i̱nchuka yama tsurainia nunash?

Mik. 7:2

Kame ju̱ nuṉkanmaṉka chikichkisha nekas enentáiji̱a̱i̱ Yusan enentáimtaka peṉké atsawai. Jú̱ aentsnumia̱ṉka chikichik áishmaṉkesha péṉkera túrinkia atsawai antsu aya maṉkartuatniunak wakeruiniawai tura aṉkant aṉkant ni írutramuri̱n e̱a̱min nekaja̱i̱ achinia nútikias anaṉka achiniawai.

Mat. 11:7

Waketkiarmatai shuar káunkarun Jesus Juáṉkan pachis áujmatmiayi. “Shuar atsamunmasha ¿warí werimiarum? Pintiu nase umpuam atúu we ju̱ní̱ we ajana nuka ¿iistai tusarumek wémarum? Kame Juaṉka nú shuarchaiti.

Mat. 24:11

Untsurí shuar wáitruiniak ‘wi Yúsnan etserniuitjiai’ tiártatui. Túrawar untsurí shuaran nusháa enentáimtikrartatui.

Mat. 24:24

Untsurí shuar Krístuitjiai tuinia nu wantinkiartatui. Untsurí ‘Yúsnan etserniuitjiai’ tiártatui. Tura shuaran anaṉkataj tusar aents tujintiamun iniakmasartatui. Tura ti kakarman túruiniak Yus shuarnasha anaṉkamin áiniakuiṉkia anaṉkawarainti.

Tur. 23:21

Tura amesha nuna takui̱ anturkaip. Kuaraintia naṉkaamas jintiá akirtua pujuráiniawai. Tura ‘Papru máchkurkia yurumtsuk tura úmutsuk matsamsattaji’ tuíniawai. Tuma asamtai yamaisha ámin tití tusa nákarmainiawai” tímiayi uchi.

1 Kur. 12:2

Yaunchu átum Yus shuar ajatsuk chíkich shuarja̱i̱ métek najankamu yus tikishmátramarme. Nisha najanamu yus ásar áujmattramsachmin ármiayi.

1 Kur. 14:20

Yatsuru, uchia áintsarum enentáimprairap. Kuirchia áintsarum yajauch túrashtin enentáimpratarum tura chíkich írunna nuja̱i̱ uunt enentáimpratniua áintsarum enentáimpratarum.

1 Kur. 3:19

Ju̱ nuṉkanmaya̱ aents nékainia nuna Yus “ántraiti” tawai. Yus Papinium áarmaiti “Ju̱ nuṉkanmaya̱n unuimiárun ni enentáimmiaja̱i̱ṉ Yus sumamtikiattawai.” Juup 5:13

2 Kur. 2:17

Kame untsurí aents kuítian achiktaj tusar Yusa Chichame̱n yapají̱nia núniskechuitji. Antsu Krístunu ajasu asar Yus akupkámu asar Yus íimmianum anaṉtsuk esettsar étsereaji.

2 Kur. 4:2

U̱ka túratin ana nuyá̱ tura natsanmai̱ ana nuya̱sha kanakmiaji. Anaṉkatai tusar wekaatsji. Tura Yus Chichamja̱i̱ nakuratsji. Étserkur aya Yus Chicham tana núchik étserji. Ashí aents nuna antukar “nekas núiti Yus Chicham” tiarat tusar túraji. Wi tájana nuna Yus nékawai.

Kar. 3:1

¿Karaseanmaya̱tirmesha wariṉ aa? Waweamukaitrum netse enentáimprarum Yus tama umirkashtinia. Jesukrístu krúsnum mámun ti paant étserkun ¿atumín iniaktuschamkajrum?

Ipi. 6:11

Apach mánainiak jiru entsarua núnisrum Yus susamuja̱i̱ entsartarum. Nuja̱i̱ íwianch nupettamkui tariartatme.

1 Tim. 3:6

Yus shuara úuntri̱ṉkia yama Yus shuar ajasu áchatniuiti. Túmaitkiuṉka ti naṉkamantu enentáimtumak iwianchji̱a̱i̱ métek tunaan túrak sumamattawai.

2 Tim. 1:15

Asia nuṉkanmaya̱ shuar mash iniaitiusarmai. Nu nekaachmaashum. Nu shuarnumia̱ Pijirusha Ermujenessha armai.

2 Tim. 3:13

Tura ashí anaṉkartin ainia nusha kame ashí yajauch shuarsha nú yajauch túrukiar wétatui. Iwianchji̱a̱i̱ anaṉkamu ásar chikichnasha anaṉkiar wéartatui.

2 Tim. 4:3

Ukunmaṉka péṉker chichaman nakitrar ii wakeraj núchik nekaatai tusar shuar teremak péṉker pujuschamnia nekapea áintsaṉ, naṉkaamas unuimiáru atai tusar náṉkamas unuikiartinian ti untsurí e̱a̱kartatui.

Isr. 13:9

Chíkich chicham niisháa írunna nu anturkairap. Yus iin anenma asakrin kakaram ajasártai. Shuar niisháa yurumkaja̱i̱ enentái̱rui̱ kakaram ajastaj táyat peṉké yáiṉchaiti. Yurumeaj núja̱i̱nchu antsu Yusa aneṉkrattairi̱ji̱a̱i̱ ii enentái̱n kakaram ajasminiaitji.

San. 1:6

Túrasha Yus nekas enentáimtusam seatá. Nekas enentáimtsuk “cha, surustimpiash” tútsuk seatá. Tu seakmeka nayantsa tsukatskari̱ ja̱wa̱t ukatak waketki̱ ajana amesha núniame.

San. 3:4

Kanusha ti úuntaitiat tura kakaram wéayat ishitiápach wiantaiji̱a̱i̱ shuar wakera nui̱ ayantárminiaiti.

2 Pit. 2:18

Nisha ti chichainiayat ántar chichainiawai. Yajauch túratniuja̱i̱ tura aya̱sh wakera núja̱i̱sha páchim túriarmia nuyá̱ kanakiarua nú shuaran ataksha tunaanum aju̱a̱rtajtsa wakeruiniawai.

1 Jṉ. 2:19

Nusha ii we̱a̱k ármayi. Túmaitiat nekas Yus shuar ácharmayi. Nekas Yus shuar áiniaka tuke iiji̱a̱i̱ irunar pujuara̱a̱yi. Tura jíinkiarmatai nekas Yus shuarcha ainia nu paant nekanamniaiti.

1 Jṉ. 2:26

Anaṉkartin írunkui ju̱na áatjarme.

1 Jṉ. 4:1

Aneamu yatsuru, untsurí shuar wáitruiniak “wi Yúsnan etserniuitjiai” tuíniawai. Tuma asamtai ashí shuar “wi Yusa Wakaní̱n takakun chichaajai” tuinia nu péṉker nekaptsuk enentáimtusairap. Antsu íisrum nekas Yusa Wakanímpiashit tura chíkich wakaniashit nu nekaatarum.

Jut. 1:12

Átum nuamtak anenaitiai namper nájankurmin nu shuar chikichan enentáimtutsuk Yusnasha ashamtsuk imia niṉki enentáimtumainiawai. Peṉké ántar áiniak yumi kia̱r tee ajasua núnin áiniawai. Tura nase umpuim yútutsuk naṉkaamainiawai. Árak nerektin nantutin nerechua ánin áiniawai. Tuma ásar uwemu peṉké jaka ánin áiniawai.

Apu. 19:20

Tura nu mesetnum Yajasmasha tura Kukaria̱ Yajasmasha, peṉké ántar yúsnan etserniua nu, mái̱ achintkiarmai. Nuikkia Entsaya̱ Yajasma ni kakarmari̱n súam nu Kukaria̱ Yajasmaka aents tujintiamun tí turak shuaran anaṉkawarmai. Túramtai nu aents Entsaya̱ Yajasma náari̱n apujmamsar ni nakumkamuri̱n shiir awajsarmai. Tuma asamtai Entsaya̱ Yajasmancha tura Kukaria̱ Yajasmancha íwiaakuk asupriji̱a̱i̱ ti keá nu ji antumiaṉnum apeáwarmai.