Ipi. 4:13 - Yus Papí: Shuarja̱i̱ Yus Yamaram Chicham Najanamu

¹³ Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji.

Ipi. 4:13 Iomraidhean Croise

Isa. 53:11

Nuyá̱ Ni wakaní̱ wáitsamia nuja̱i̱ tsáapninian wainiak ti shiir enentáimprattawai. Winia takartin tí peṉkera túrin asa ni nékamuriji̱a̱i̱ ti untsurín makuchmin awajsattawai kame niṉkia ashí aentsu tunaari̱n entsaktatui.

Sup. 3:9

“Jiuwá náari̱n ashí aents páchiniak métekrak chichasar Nin péṉker takarsarat tusan nu tsawantinkia ashí nuṉkanmaya̱ aentsun ni wene̱ja̱i̱ṉkia aya péṉkera nunak Wikia ataksha chichamtikiattajrume.

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Juaṉ 1:16

Chichamsha ti waitnenkartin asa ashí péṉker ana nuna súak nuyá̱ waitnenkartutai̱n súramji.

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 6:69

Ame Kristu asam nekas iwiaaku Yusna Tunaarinchaitme. Nuka enentáimtusar ti paant nékaji” tímiayi.

Tur. 4:32

Yus shuar ajasármia nu tí untsuritiat ashí chikichík enentáiniak enentáimainiak ni takaku armia nuna aya wíniakete tútsuk ju̱sha ashí iiniu áiniawai tiármiayi.

1 Kur. 1:10

Yatsuru, ii Uuntri̱ Jesukrístu naari̱ pachisan seajrume métek enentáimpratarum tusan. Niisháa niisháa enentáimprairap antsu chikichik enentáiji̱a̱i̱ métek enentáimsa pujustarum.

1 Kur. 14:20

Yatsuru, uchia áintsarum enentáimprairap. Kuirchia áintsarum yajauch túrashtin enentáimpratarum tura chíkich írunna nuja̱i̱ uunt enentáimpratniua áintsarum enentáimpratarum.

1 Kur. 2:6

Túmaitiat Yusa nekatairi̱ átsuk. Yúsnan unuimiáraruja̱i̱ Yusa nekatairi̱n áujmatji. Tura Yusa nekatairi̱ṉkia aentsu nekatairi̱ áintsachuiti. Ju̱ nuṉkanam akupin ainia nuna nekatairi̱nchuiti Yúsnaka. Ju̱ nuṉkanam akupniúka ishichik pujus amukachartatuak.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Kar. 4:19

Uchiru, nuwa̱ uchin takustaj tana núnisnak ataksha wáitiajai Kristu atumíin paant atí tusan.

Ipi. 1:17

Ii Uuntri̱ Jesukrístu Aparí̱ Yus ti shiir asamtai Nin áujeakun ni Wakaní̱ ni nekatairi̱n suramas ashí jintintrámawarti tusan seajai. Nuja̱i̱ nuna naṉkaamas Yus nekaattarme.

Ipi. 1:23

Tura ashí nuṉkanam Yus shuar ainia nu Kristu aya̱shí̱ najanainiawai. Tura Kristu ashí ni aya̱shi̱n pimiutkaiti tura nu arantcha ashí írunna nunasha pimiutkaiti.

Ipi. 2:15

Nuik aya Israer shuar Muisais akupkámu untsurí armia nuna umirkatin áiniak nuja̱i̱ chíkich aentsja̱i̱ nemasmanainiarmiayi. Tura Kristu jaka nu akupkámun ántar awajás chikichik aents yamaram awajtámsamiaji.

Ipi. 4:12

Túramtai ashí Yus shuar ni takatrí̱ji̱a̱i̱ yáiniaikiar tí peṉker shuar ajainiakui Kristu aya̱shi̱ takamtsuk katsua̱rartatui.

Ipi. 4:3

Yusa Wakaní̱ chikichik shuar awajtámkurmin shiir awajnáisarum pujustarum.

Ipi. 4:5

Ii Uuntri̱ chikichkiti. Niṉki nekas enentáimtusar métek imiantiniaitji.

Jir. 3:10

Tuma asamtai ashí naṉkaamas wakeraj nu ju̱i̱ti, Krístun péṉker nekaan nekas enentáimtustinniasha tura ni iniantkímiu kakarman takustinniasha wakerajai. Tura Niji̱a̱i̱ métek ajastinian wakerakun ni waitkiamunam tsaniṉtinniasha tura Ni jakamia núnisan jákatniuncha wakerajai.

Jir. 3:8

Ashí enentáimpramnia ákuisha winia úuntur Jesukrístu shiir enentáimtustin nekas péṉkeraiti. Nu asamtai Krístunu ajakun wi takusmaj nu mui̱jmiai̱ ajasmatai núnaka iniaisámjai.

Kurs. 1:28

Iisha Kristu étsereaji. Túrar ashí enentáimtikrar péṉker nekaawarat tusar jintintiáiniaji. Nuja̱i̱ Krístuja̱i̱ tsaniṉkiar ashí péṉker tsakarartatui.

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

Isr. 5:14

Apatuk kátsurman aya uunt yuámniaiti. Uunt ainia nuka péṉkernasha tura yajauchincha apatkar paant nékainiawai.

2 Pit. 1:4

Nisha uunt asa tura tujintkiachu asa ni chichame̱n suramsaitji. Nu chichamsha ti kakarmaiti tura tí peṉkeraiti. Nu chichamja̱i̱ atumsha atumí aya̱shi̱ yajauch wakerana nuyá̱ uwemprarum Yusai̱ páchitkia átinian suramsaitrume.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.