Ipi. 4:1 - Yus Papí: Shuarja̱i̱ Yus Yamaram Chicham Najanamu

¹ Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

Ipi. 4:1 Iomraidhean Croise

Naṉ. 17:1

Tura Apram nuwintinuíwi uwí takakuya nui̱ Uunt Yus wantintiuk chichareak “Witjiai Ashí Tujintkiachu Yus. Wi íimmianum tuke awajitsuk péṉker atá.

Naṉ. 5:24

Antsu Enukka Yus wakeramun tuke túrin asa chíkich tsawantai̱ Yus nayaimpiniam íwiaakuknak jukimiayi. Túram aya méṉkakamiayi.

Jrm. 38:20

Takui̱ Jirimías chicharuk “Wi Uunt Yusa chichame̱n ujajmena ju̱ waitneasam anturkata. Túramka surunkashtatme antsu péṉker pujusam iwiaaku átatme.

Tur. 9:31

Tura Jutanmaya̱, Kariréanmaya̱sha, Samarianmaya̱sha Yus shuar shiir aṉkant ajasár kakaram ajasármiayi. Yusan ashamainia ásar tura Yusa Wakaní̱ yaya̱mu ásar kaweṉki̱ kaweṉki̱ wéarmiayi.

Rum. 11:29

Kame Yus amáa nuna ataksha ata̱a̱tsui. Shuaran achiksha atak iniaiyatsui.

Rum. 12:1

Tuma asamtai yatsuru, atumek Yusai̱ surumaktarum. Yus ti waitnentrama asamtai nuna ti seajrume. Taṉku maar Yusan súsatniua áintsaṉ atumsha aya̱shtiuk iwiaaku árumna nui̱ṉᵏ Ni túrataj taku túrutati tusarum tuke enentáiji̱a̱i̱ Yusai̱ tsaṉkamaktarum. Yusai̱ iisam ti shiir atí tusarum túratarum. Nu túrakrumka enentáimji̱a̱i̱ Yus shiir awajmain átatrume.

1 Kur. 4:16

Tuma asamtai wi wekaajna áintsaṉ atumsha wekasatarum.

2 Kur. 10:1

Wats, “Papru iiji̱a̱i̱ pujak péejchach ajawai tura yajá pujak kakaram chichaawai” chíkich shuar turutainiatsuk. Kame imia wiki Papru Kristu anenkartutairi̱ji̱a̱i̱ ju̱na seatjarum tusan pujajai.

2 Kur. 5:20

Krístunu ataksamu asar Yuska atumín suir íirmarmena nu atsaṉkrarum aṉkant ajasat tusa Krístuja̱i̱ nawamnaikiatarum tusa ii wene̱ja̱i̱ atumín seatmarme. Tuma asakrin Kristu náari̱i̱n túratarum tájarme.

2 Kur. 6:1

Yusa Papiri̱i̱n Isayas áarmaiti “Tsawant jeamtai ame seatmena nuna anturkamajme. Uwempratin tsawant jeamtaisha yáiṉmajme.” Isa. 49:8 Wats yamaikia Yus seatin jeayi. Yamái Yusai̱ uwempratin jeayi.Isa. 61:2 Tuma asamtai iikia Yusa takatrí̱n pachitkiajnia nu, Yusa aneṉkrattairi̱ péṉker achiktarum tusar seajrume.

Kar. 4:12

Yatsuru, wi átumea áintsanak ajaschamkaj. Atumsha yamaikia wi wekaajna áintsarmek wekasatarum. Wi nui̱ pujakui ishichkisha yajauch awajtúschamarme.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 3:1

Nu asamtai atumín Israer shuarchatirmin yáiṉtaj tusan wi Papru Jesukrístunu étserkun sepunam pujajai.

Ipi. 4:17

Ii Uuntri̱ Kristu íimmianum ju̱na akatjarme. Chíkich aents Yusan nékachu ásar ántar ni enentáimmiaja̱i̱ṉ wekainia núnisrum wekasairap.

Ipi. 4:4

Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Jir. 1:27

Kristu chichame̱ tí peṉker asamtai atumsha aya péṉkera nuke túratarum. Wi atumji̱a̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

Jir. 3:14

Tura nuna umikmatai Yus untsurkamtai nayaimpiniam Jesukrístuja̱i̱ tsaniṉkian shiir pujustinian Yus surustatui.

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

Kurs. 2:6

Nu asamtai átum ii Uuntri̱ Jesukrístu nekas enentáimtusrum Yus shuar ajasmarmena núnisrum yamaisha Ni nekas enentáimtusrum Niji̱a̱i̱ tsaniṉkrum ashí túratarum. Nu túrakrum Ni enentáimtakrum tuke tsakaki̱ wétatrume. Tura tee tariara wajasrum Yusja̱i̱ kanakchattarme. Yus Chicham núnisaṉ etsernakmatai nekamarme. Tuma asarum Yus tuke yumiṉsarum núnisaṉ péṉker wekasatarum.

Kurs. 4:12

Epaprassha, atum wea, Krístunun etserin asa atumín amikmátmarme. Nisha ashí tsawant Yusan áujeak Yusja̱i̱ kaka̱rum tuke shiir Yus wakera nu túrak tusa seatramprume.

1 Tis. 2:12

Tura Yusja̱i̱ shiir wekasatarum tímiajrume. Yus naṉkaamas uunt asa ashí akupeawai. Tura Yus shuaraitrumna nuna, Winin pachinkiarat tusa Yus untsurmarme. Yus untsurma asamtai Níniuitrume. Niniu asarum Yusa uchirí̱a núnisrumek wekasatniuitrume.

2 Tis. 1:11

Nu tuma asamtai ii Yusri̱n atumín tuke áujtajrume. Yus atumín achirmákuitrume. Nui̱ṉkia Yuska atumí enentái̱n takas Ni wakera nuja̱i̱ métek awajtámsati, taji. Yus umirka asarum péṉker wekasataj tusarum wakerarme. Túrarum Yus enentáimtusrum péṉker túratin wakerarme. Tura wakerarmena nu umiktin Yuska ni kakarmari̱ji̱a̱i̱ yaiṉtí, tu áujtaji.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

Tit. 2:10

“Kasamkairap tura anaṉkawairap. Iis, péṉker túrakrumka takarniuitiatrum shiir tura asarum ii Uwemtikramin Yusri̱ Chichame̱n shíiraiti tu enentáimtikrattarme” titiá.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

1 Pit. 2:11

Yatsurtirmin tájarme Yusna ajasrum ju̱ nuṉkanam írar matsatu asarum atumí aya̱shi̱ wakerana nu tsaṉkatkairap. Aya̱shim wakerana nu túrakmiṉkia ame enentáim nuja̱i̱ yajauch ajastatui.

1 Pit. 3:9

Yajauch turamainiakuisha “yapajkiataj” tiirap. Katsekramainiakuisha “íkkiataj” tiirap. Antsu “Yus winia shiir awajtúsuiti” tu enentáimsarum yajauch turamainiana nu péṉker awajsatarum.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.

2 Pit. 1:3

Yus uunt asa tura ashí túramnia asa umirtukat tusa achirmákuitji. Ni neka asar atsumajnia nu wáinkiaitji. Yus shuarti wekasatniusha tura Nin aneatniusha ii atsumajnia nuna Yuska kakaram asa suramsaitji.

2 Jṉ. 1:5

Yamaikia, umaru, tájame, mái̱ anenai ajartai. Yamaram akupkámun áattsujme antsu yámankamtaik antukmiaj nunak tájame.