Ipi. 3:9 - Yus Papí: Shuarja̱i̱ Yus Yamaram Chicham Najanamu

⁹ Yuska, ashí najana nu, nu enentáimmian yáunchusha etsertsuk yamaikia ashí shuar nu chichaman nekaawarat tusa winia akattúrmiayi.

Ipi. 3:9 Iomraidhean Croise

YKan. 33:6

Uunt Yuska aya chichame̱ja̱i̱ṉ nayaimpinkia najankarmiayi. Ni wene̱ja̱i̱ umpuí Ni yáari̱n nekapmarchamniaitiatar ashí najankarmiayi.

Isa. 44:24

Ame nukú waké̱ ínitia̱ṉ najatma nu Uunt Yus ámin aṉkant awajtámsa jú̱nis túramui “Wi Uunt Yus ashí nájanjai. Aya nayaimpiniak ayapá̱jai nuṉkancha Wiki ayapá̱jai.

Mat. 10:27

Ishishmasan kiritniunam ujajrumna nu, tsawái̱ kakantrarum etserkatarum.

Mat. 25:34

Túran nekas Úunt Akupin untsuurí̱ni̱ wajainian títiatui ‘Atumniaka winia Apar shiir awajtámsaitrume. Wi akupeajna nui̱ winitiárum. Yus nuṉkan najanamia tímianaik átum nui̱ warastinian tsaṉkatramkamiarme.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Ruk. 24:47

Winia náarun pachisar Jerusaréṉnumia̱ naṉkama ashí nuṉkanam nu chicham etsernaktinia nu áarmauyayi. Shuar ni yajauch túrunamuri̱ tsaṉkurnarat tusar enentái̱n yapaji̱átniuiti. Tura tu etserkatniua nusha yaunchu áarmauyayi.Mks. 1:11

Juaṉ 10:30

Wikia winia Aparja̱i̱ aya chikichkitji” tímiayi Jesus.

Juaṉ 5:17

Tura Jesus chichaak “Wina Aparka yamaisha tuke takaawai. Núnisnak wisha takaajai”

Juaṉ 5:19

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.

Tur. 15:18

Uunt Yus nuna túrin asa nuna túrattajai yaunchu ujakmiayi.’ Isa. 44:7; 46:9-10

Rum. 11:25

Yatsuru, naṉkamantu enentáimtumara̱i̱rum tusan yaunchu nekaachman ujajrume. Ju̱i̱ti, Israer shuarnumia̱ṉka Yusan nekas enentáimtustinian nakimiainia írunui. Túrasha ashí Israer shuarcha Yus shuar ajastin ainia nu umikiarmatai

1 Kur. 2:7

Yaunchu ju̱ nuṉka atsa̱i̱ṉ Yus iin uwemtikrampratniun enentáimpramiayi ti shiir pujusármi tusa. Ju̱ Yusa enentáimmiari̱ yaunchu nekanachmiayi tura yamaikia nu nekaar áujmatji.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Ipi. 3:2

Yus anentak Yus Chichaman atumín etserkatniun akatar akuptúkuiti. Nu nékatsrumek.

Ipi. 6:19

Núnisaṉ winiasha áujtursatarum. Wi sepunam pujayatan Yus winia chichastinian surusat tusarum seatritiarum. Tura wi chichaakun sapijmiatsuk Shiir Chichaman yaunchu nekaachma paant awajsat tusarum áujtursatarum.

Kurs. 1:23

Tuma asamtai Jesukrístu shiir enentáimtusrum kakaram ajasrum katsua̱rtiniaitrume. Tura uwempratin chicham antukuitrum nuyá̱ kanakchatniuitrume. Ju̱ uwempratin chichaman ashí nuṉkanam etsernakuiti. Wisha, Papru asan etserkatniun yaimjiai.

Kurs. 1:26

Yámankamtaikniumia̱ nekaachman Yus yamaikia ni shuari̱n paant awajsaiti. Nu chichamnasha ujakarai tusa winia akattúr akuptúkuiti.

Kurs. 3:3

Atumsha Krístuja̱i̱ tsaniṉkrum jakamarme. Tuma asarum Krístuja̱i̱ tsaniṉkrum Yusja̱i̱ iwiaaku pujarme.

Kurs. 4:3

Iincha Yus áujkartustarum. Kristu chichame̱n yaunchu nekaachman yamái étserkun sepunam pujajai. Tuma asamtai nuna shiir aṉkant etserkat tusarum áujtursatarum.

2 Tis. 2:13

Tura yatsuru, Uunt Jesus aneamu árumna nu iisha atumín enentáimtusar ii Yusri̱ yumiṉsaji. Átum nekas ana nuka umikiurme. Tuma asakrumin Yusa Wakaní̱ atumí enentái̱n péṉker awajtámsaitrume. Nu tuma asamtai yámankamtaikniumia̱ Yuska “átum uwempramniaitrume” túramprume.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

2 Tim. 4:17

Tura ii Uuntri̱ Jesukrístu ni kakarmari̱n surus yaintkiamiayi. Nuja̱i̱ uwempratin chichaman ashí nuṉkanam Israer shuarcha antukarti tusan etserkamjai. Tura núnisaṉ akupniúnmaya̱sha ii Uuntri̱ uwemtikrurmiayi.

Tit. 1:2

Tura nu arant nú shuarsha tuke iwiaaku pujusárat tusan étsereajai. Nú shuarnasha nuṉkan najantsuk “uwemtikrattajai” Yus tímiayi. Tura Nisha wáitruatniun tujintiawai.

1 Pit. 1:20

Nuṉkan nájantsuk aentsun jaruktinian Krístun anaikiamiayi Yus. Tura wárik akupkachmiayi. Antsu yamái tsawantin átum pujarmin péṉker pujusúk tusa wakerak atumín jarutramkat tusa Krístun akupkámiayi.

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 14:6

Nuyá̱ nayaimpiniam suntar nanamun wainkiamjai. Nusha uwempratin chicham tuke amuukashtinia nuna ashí nuṉkanam pujuinia nú shuaran ujakártiniuyi.

Apu. 17:8

Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.

Apu. 4:11

“Uuntá, ii Yúsri̱nme. Tuke shiir awajmáinme. Ashí naṉkaamas kakarmaitme. Amek ashí írunna nu najankaitme. Tura aya wakerakum najankamame. Ame wakerakmin irunainiawai” tuíniawai.