Ipi. 3:19 - Yus Papí: Shuarja̱i̱ Yus Yamaram Chicham Najanamu

¹⁹ Nu aneṉkrattai ashí takamtsuk nekaachmin ai̱ṉ nekaatarum tusan áujtajrume. Nuja̱i̱ Yus takamtsuk pimiutramkattarme.

Ipi. 3:19 Iomraidhean Croise

YKan. 17:15

Antsu wikia Ame yapimin nekasa nuja̱i̱ métek íistatjai. Tura Ámiji̱a̱i̱ métektaku ajasan shintiaran warastatjai.

YKan. 43:4

Túrunan Yus áestutai̱niam jeattajai. Yusan shiir enentáimtakun wararsattajai. Shiir enentáimtakun árpaja̱i̱ Yusá winia Yusru shiir awajsattajme.

Mat. 5:6

Nekasa nuja̱i̱ métek túrutai̱n tsukamana tura kitiamana tímiatrus enentáimtatirmeka tí shiir enentáimsamniaitrume. Warí nuka tímiatrusrumek wainkiattarme.

Juaṉ 1:16

Chichamsha ti waitnenkartin asa ashí péṉker ana nuna súak nuyá̱ waitnenkartutai̱n súramji.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Rum. 8:35

Kristu ti anenma asakrin iin akantámkitin atsawai. Wáitiakrisha, itiurchat íṉkiuakrisha, shuar áintramkurnisha, tsukamakrisha, entsatai̱ atsakuisha, tsuumainja̱i̱sha tura mantamnakrisha nuja̱i̱ “Kristu anentsui” tíchamniaitji. Nuka Kristu aneṉkrattairi̱ya̱ akantámkitin jeatsui.

Rum. 8:39

yakí̱ írunna nusha, nuṉká írunna nusha, kame ashí Yus najanamu írunna nusha Yusa aneṉkrattairi̱ya̱ peṉké akantámkichminiaitji. Yusa aneṉkrattaisha ii Uuntri̱ Jesukrístu túrunamuja̱i̱ paant wainji.

2 Kur. 5:14

Kame ashí ii túrajnia nu Kristu aneṉkrattairi̱ji̱a̱i̱ túraji. Kame ju̱ nékaji, Kristu ashí shuaran jaruku asamtai Yus íimmianum ashí iisha jaka núnisaitji.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Ipi. 1:23

Tura ashí nuṉkanam Yus shuar ainia nu Kristu aya̱shí̱ najanainiawai. Tura Kristu ashí ni aya̱shi̱n pimiutkaiti tura nu arantcha ashí írunna nunasha pimiutkaiti.

Ipi. 3:18

Túrakrum ashí Yus shuarja̱i̱ Kristu aneṉkrattairi̱ nekaattarme. Imiá uunt asa naṉkantsuk tuke amuukachminiaiti.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Ipi. 5:25

Kristu ni shuari̱n ti aneak nin yáiṉtaj tusa jákatniun surumakmiayi. Núnisrumek áishmaṉtirmesha atumí nuwé̱ aneatniuitrume.

Jir. 1:7

Atumín ashí ti aneajrume. Kame wi sepunam pujakun Yus Chichaman akasmatakun tura Yus shuar kaka̱rarti tusan takaakui átum yáintiarme. Yus ti anenkartin asa nu túratniun mái̱ metek tsaṉkatramkaitji. Tuma asamtai atumín jú̱nisan enentáimtustin tí peṉkeraiti.

Jir. 4:7

Nuiṉkia atumí enentái̱ aṉkant átinian, aentstikia peṉké nekaachminia nuna Yus amastatui. Yus atumín aṉkant awajtámsa asa atumí enentái̱n tura atumí enentáimsamuri̱ncha yajauch waya̱wa̱i̱ṉ tusa shiir waitmaktatrume Jesukrístuja̱i̱ tsaniṉkiu asakrumin.

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.