Ipi. 3:16 - Yus Papí: Shuarja̱i̱ Yus Yamaram Chicham Najanamu

¹⁶ Yus ti kakaram asa ni Wakaní̱ji̱a̱i̱ atumí enentái̱n pujureak ashí ni kakarmari̱ya̱n atumín suramsarat tusan áujtajrume.

Ipi. 3:16 Iomraidhean Croise

YKan. 138:3

Untsumkamajna nú tsawantinkia ái̱rkamame. Túram winia wakantruisha kakaram awajtúsam ikiakátramame.

YKan. 28:8

Uunt Yuska Ni shuari̱ ainia nuna kakarmari̱nti. Utúachminia nuna uwemtikkiartutairi̱ṉkia Yusna atí tusar ukatkámu ainia núnaiti.

Isa. 41:10

Sapijmiakaip. Warí Wi ámiji̱a̱i̱ pujajai. Ashamkaip. Warí Wikia ame Yúsrumetjai. Tuma asan tuke yáiṉtatjame núnisnak Winia kakarmarja̱i̱ ikiaká̱rtatjame. Tura winia náka túrutair untsuuruja̱i̱ péṉker apujsattajme’ tímiayi.

Jrm. 31:33

“Kame nu tsawant naṉkaamasmatai Israer shuarja̱i̱ chichaman najanattajna nuka ju̱i̱ti” tawai Uunt Yus. “Wi akupkámunka ni nekatairi̱nkia ikiursaran ni enentái̱nkia áatrartatjai. Tura Wikia ni Yusri̱ átatjai núnisaṉ nisha Wi shuar ártatui.

Sak. 10:12

Kame Wi Jutan Uunt Yusa kakarmari̱ji̱a̱i̱ kakaram awajeakui Winia naarja̱i̱ wekasartatui” tawai Uunt Yus.

Mat. 6:13

Tunáa wakeruktin tsaṉkamkartukaip. Antsu ashí yajauch túratniunmaya̱ iin aṉkant awajkartusta. Tuke ashí aents akupkámniaitme. Núnisam Amesha tuke ti kakarmaitme. Tura tí shiiraitme. Tuma asakmin seaji. Nuke atí.’

Rum. 7:22

Nekas enentáiji̱a̱i̱ Yusa akupkámuri̱n wakerajai.

Rum. 9:23

Tura Yus núnisaṉ ni winchari̱ tí peṉkera nuna tura tí nukap ana nunasha iniakmastinian wakerak waitnenkarturtinia nuna Ni yaunchu iwiararmai.

1 Kur. 16:13

Aneara tariarum Yus nekas enentáimtustarum. Áishmaṉchakaitrum kakaram ajastarum.

2 Kur. 12:9

Tuma ai̱ṉ Uunt winia turutmiayi “Atsá. Jaa pujayatmek winia waitnenkartutairja̱i̱ shiir pujame. Shuar kakarmachun winia kakarmarun Wi súakui ashí aents nu shuara aya̱shi̱i̱n winia kakarmarun wainiainiawai.” Tuma asamtai Kristu kakarmari̱ winia aya̱shrui̱ paant ati tusan kakarmachuitiatnak araantatsjai.

2 Kur. 4:16

Tura yawe̱atsji. Ii aya̱shi̱ amuiki̱ wéakuisha ii enentái̱ṉkia yamaram ajakí̱ wéawai.

Ipi. 1:18

Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 1:7

Yus imiá waitnentramak ni aneamu Uchirí̱ numpe̱ja̱i̱ ii yajauchiri̱n akikmatramak uwemtikrampraitji.

Ipi. 2:7

Nuja̱i̱ Ni ti aneṉkratmari̱ncha tura Kristu túrunamuja̱i̱ waitnentrampramuncha nekapmarchamnia iniaṉnatsuk ukunma ímianaisha tuke Ni ti waitnenkartutairi̱nkia iin iniakturmasuiti.

Ipi. 3:15

Ashí nayaimpinmasha tura nuṉkasha Yus shuar ájinia nu nekas ni shuari̱ áiniaji.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

Ipi. 6:10

Wátsek, yatsuru, ii Uuntri̱ Yusja̱i̱ tsaniṉkiu asarum ni ti kakarmari̱ji̱a̱i̱ iwianchji̱a̱i̱ mánaiktin kakaram ajastarum.

Jir. 4:13

Kristu ni kakarmari̱n surakui ashí túramniaitjiai.

Jir. 4:19

Winia Yúsrusha tí peṉkeran núkap takakui. Atumsha Jesukrístunu ajasu asarum Yus seamniaitrume. Tura Yuska ti takakna nuja̱i̱ ashí atsumarmena nuna suramsattarme.

Kurs. 1:11

Yus ti kakaram asa ikiakátmaruk tusar seaji. Nuja̱i̱ ashí itiurchat ákuisha páchitsuk ti shiir warasrum katsuntrattarme.

Kurs. 1:27

Nu chichamsha ju̱i̱ti. Kristu atumí enentái̱n pujak Niji̱a̱i̱ métek ti shíiram awajtámsattawai. Nu imiá shiir chichamnum Israer shuarchasha pachiniainian Yus ashí ni shuari̱ nekaawarat tusa wakerimiayi.

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

2 Tim. 4:17

Tura ii Uuntri̱ Jesukrístu ni kakarmari̱n surus yaintkiamiayi. Nuja̱i̱ uwempratin chichaman ashí nuṉkanam Israer shuarcha antukarti tusan etserkamjai. Tura núnisaṉ akupniúnmaya̱sha ii Uuntri̱ uwemtikrurmiayi.

Isr. 11:34

Uunt jiniasha ikiajniákarmiayi, puya̱ja̱i̱ mantamnatniuncha uwemprarmiayi. Kakarmachusha kakaram ajasár mesetnumsha ni nemasri̱ncha nupetkarmiayi.

1 Pit. 3:4

Antsu “nekas shíirmach ajastaj” tákumka enentáimin “shiir kajechu átaj” tu enentáimsatarum. Nuka sakarchattawai. Kame Yúsja̱i̱ṉkia nu timiá peṉkeraiti.