Ipi. 2:8 - Yus Papí: Shuarja̱i̱ Yus Yamaram Chicham Najanamu

⁸ Jesukrístu nekas enentáimta asakrumin Yus waitnentramar uwemtikrampraiti. Ju̱ka átumkeka túrunachuitrume. Antsu Yuska Niṉki kuítchaja̱i̱ suramsaitrume.

Ipi. 2:8 Iomraidhean Croise

Mat. 16:17

Tutai Jesus chichaak “Shíiraitme Junasa uchirí̱ Semuṉká. Núnaka aents ujatmákchaiti antsu winia Apar nayaimpiniam pujana nu ujatmákmatai nekaam tame.

Mat. 20:9

Takui̱ nantu patamsa ai̱ naṉkamawaru waya̱warmatai chikichík tenariu kuit jean ashí akikiármai.

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Ruk. 7:50

Tura Jesus nuwa̱n chicharuk “Uwemtikkiartiniaiti tu enentáimturu asam uwempraitme. Shiir wetá” tímiayi.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 4:10

Tutai Jesus chichaak “Yus súamu nékakmeka tura entsan seatmana nusha nékakmeka nekaska ame seawaintme tura Niṉkia iwiaaku entsan amasainti.”

Juaṉ 5:24

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Juaṉ 6:35

Tura Jesus chichaak “Witjiai nu apatuk nekas iwiaakman súana nu. Winí̱ winiana nú shuar peṉké tsukamáshtatui tura Winia enentáimturna nusha tuke kitiarchattawai.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:44

Winia Apar shuaran akuptúrkachuitkiuiṉkia peṉké weantúrkachainti. Tura Winia akupturna nuna amuukatin tsawantai̱ iniantkíttiajai.

Tur. 13:39

Tura Muisais yaunchu akupkámia nuja̱i̱ tunáa tsaṉkurnarchamnia nu, yamaikia Jesusja̱i̱ tsaṉkurnartiniaiti.

Tur. 14:27

Nú Antiukíanam jeawar Yus shuaran irurar ashí Yus nin yaiṉkiarmia nuna ujakármiayi. Tura nútiksaṉ Israer shuarchan Uunt Yus uwemtikrataj tusa untsukmia nunasha ujakármiayi.

Tur. 16:14

Nui̱ Tiatira péprunmaya̱ nuwa̱ ni naari̱ Ritia wainkiamiaji. Nisha tarach yamákáin péṉkeran súriniuyayi. Yúsnasha shiir awajniuyayi. Yus Chichaman Papru etserkamia nuna nisha péṉker anturkamiayi. Túman Uunt Yus Papru chichaamun umirkat tusa ni enentái̱n takasmiayi.

Tur. 16:31

Tutai nisha chichainiak “Uunt Jesukrístu nekas enentáimtusta. Túrakmeka amesha tura áminiurmesha uwemprattarme” tiármiayi.

Rum. 10:14

Tura Krístun enentáimtuiniachusha ¿itiurak Nin áujsarat? Tura Krístun nékainiachusha ¿itiurak Nin enentáimtusarat? Tura Yusa Chichame̱ ujaachmasha ¿itiurak nekaawarat?

Rum. 10:17

Páantchakait. Yus Papiniumia̱ Kristu túramu ujakam antuktiniaiti. Tura antukar Kristu nekas Yusa uchirí̱nti nekas tiar tu enentáimtustiniaiti.

Rum. 4:16

Tuma asamtai Yus ti anenkartin asa Niin nekas enentáimtuinian ashí tsaṉkatkaiti. Núja̱i̱ṉkia Aprajám weasha Yus Aprajáman timia nuna páchitsuk wáinkiartatui. Iisha Aprajámja̱i̱ métek Yus nekas enentáimtakur ní weaitji. Tuma asamtai Muisais akupkámun umirniuncha tura umirniuchuncha mái̱ metek ashí iin Yus ashí Aprajáman timia nuna tsaṉkatramkattaji.

Rum. 4:5

Antsu shuar ni péṉker túramuri̱n enentáimtutsuk áyatik “Yus tunáa shuaran tunaarincha awajniuiti” tú enentáimkiui Yuska tsaṉka asa “péṉkeraitme” tawai.

Rum. 9:16

Tuma asamtai shuar ti wakerakuisha tura kakaram takaakuisha aya nuja̱i̱ Yus waitnentatsui. Antsu aya ní enentái̱ji̱a̱i̱ṉ wakerak waitnentawai.

Kar. 3:14

Tuma asamtai Jesukrístu jakamuja̱i̱ ashí Israer shuarchasha Aprajámja̱i̱ métek péṉker shiir warasartatui. Iisha núnisrik nu shuarja̱i̱ Yusa Wakaní̱, Yus akupkataj timia nusha, achiktatji Yus enentáimtusar.

Kar. 3:22

Tura Yus Chicham “Ashí aents tunáa kakarmari̱ji̱a̱i̱ pujuiniawai” paant tawai. Nu asamtai yamaikia ashí Jesukrístu nekas Yusa uchirí̱nti nekas tiar enentáimtuinia nú shuar aya Yus timiá asamtai uwemprartatui.

Ipi. 1:19

Nu arantcha Yus nekas enentáimtakrin ti kakaram tujincha asa iin yáintmaj nu nekaattarme. Tura nu kakaram ti kakaram asamtai

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 2:5

Tuma asa ii tunaanum tuke jaka pujarni̱ṉ Krístuja̱i̱ métek iwiaaku awajtámsamiaji. Aya ti anenkartin asa uwemtikrampramiaji.

Jir. 1:29

Krístunu asarum Ni nekas enentáimtustinniasha tura Niniu asarum wáitsatniusha Yus anenma asa tsaṉkatramkaitrume.

Kurs. 2:12

Tura atumsha Yus ni kakarmari̱ji̱a̱i̱ Kristu jakaan iniantkímia nu enentáimtusrum imiantmiarme. Túrarum Krístuja̱i̱ métek iwiarnasmarme. Tura núnisrumek Krístuja̱i̱ métek nantakmiarme.

2 Tis. 1:9

Nisha taa, nú aentsun peṉké játsuk tuke iniaitsuk emeskartatui. Jesukrístu pujana nuyá̱ jí̱i̱rarma ásarmatai Ni ti wincha kakarmarí̱ya̱ atsana nui̱ akupkartatui.

Isr. 6:4

Shuar Yusna nuna nekaaṉka tura Yus susamun takakkuṉka tura Yusa Shiir Wakaní̱ kakarmari̱n nekapsaitkiuṉka

1 Pit. 1:5

Yus nekas enentáimta asakrumin ni kakarmari̱ji̱a̱i̱ wearmarme. Tura tuke uwemtikrampratniun nuṉka amúamunam paant iniakmastatna nu achikmintrum tusa tuke tsawant ni kakarmari̱ji̱a̱i̱ wáitmarme.