Ipi. 2:19 - Yus Papí: Shuarja̱i̱ Yus Yamaram Chicham Najanamu

¹⁹ Tuma asamtai yamaikia chíkich shuarchaitrume antsu ashí Yus shuarja̱i̱ métek ajasuitrume. Nekas Yusa shuari̱ntrume.

Ipi. 2:19 Iomraidhean Croise

Mat. 10:25

Unuiniamuka nin unuinia nuja̱i̱ métek ajaska maak. Takarniusha ni úuntri̱ji̱a̱i̱ métek ajaska maak. Wátsek, Winia atumí úuntri̱n ‘Iwianchi uuntri̱ Pirsepú’ turutainiakui ¡atumniasha nuna naṉkaamas yajauch turamtatui!

Kar. 6:10

Tuma asamtai yáiṉmin ákuiṉkia ii jeajnia nu túratniuitji nekaska ii yachi̱ Yus shuar ainia nu yáiṉkiartin. Tura ashí shuarsha yáiṉtiniaiti.

Ipi. 2:12

Nuik Krísturtinchauyarme. Israer shuarcha asarum ashí ni túrutairi̱sha tura ashí Yus nin tsaṉkatkarmasha nekaachuyarme. Tura jú̱ nuṉkanmaya̱ asarum nekas Yusa nu enentáimtichuyarme tura shiir pujustin náṉkamsarum enentáimpramarme.

Ipi. 3:15

Ashí nayaimpinmasha tura nuṉkasha Yus shuar ájinia nu nekas ni shuari̱ áiniaji.

Ipi. 3:6

Nu chicham ju̱i̱ti. Uwempratin chichaman umirkar Israer shuarcha Israer shuarja̱i̱ métek Krístuja̱i̱ tsaniṉkiaru ásar chikichik shuar ajasártatui. Tura nu arantcha Yus ni shuari̱n ashí shíiran tsaṉkatkatniun anajmatrama nui̱ métek pachinkiartatui.

Jir. 3:20

Antsu iikia nayaimpinmaya̱ shuar asar ii Uuntri̱ Jesukrístu iin uwemtikrampra asamtai nayaimpinmaya̱ tatí tusar nákaji.

Isr. 11:13

Ashí nu shuar Yus tsaṉkatkamun wáintsuk jákarmiayi. Túrasha Yusan nekas enentáimtuiniak arantia̱ wáinkiar warasar shiir enentáimtiarmiayi. Túrawar “ju̱ nuṉkanam nekas aya íraraitji” tiármiayi.

Isr. 13:14

Kame ju̱ nuṉkanam amukachmin pepru atsawai. Antsu ukunam ti shiir pepru átatna nu nákaji.

1 Pit. 2:11

Yatsurtirmin tájarme Yusna ajasrum ju̱ nuṉkanam írar matsatu asarum atumí aya̱shi̱ wakerana nu tsaṉkatkairap. Aya̱shim wakerana nu túrakmiṉkia ame enentáim nuja̱i̱ yajauch ajastatui.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.