Ipi. 2:16 - Yus Papí: Shuarja̱i̱ Yus Yamaram Chicham Najanamu

¹⁶ Núnisaṉ ámiayi. Kristu krúsnum jaka nemasja̱i̱ mai̱ apattamak chikichik awajtámas Yúsja̱i̱sha nawamnaimtikramkamiaji.

Ipi. 2:16 Iomraidhean Croise

Rum. 5:10

Yusa nemasri̱ áyatar Yusa Uchirí̱ jakamuja̱i̱ yamaikia Yusja̱i̱ shiir nawamnaikiar pujaji. Nu arant nui̱kia Kristu tuke iwiaaku asa iiji̱a̱i̱ tsaniṉkiu asa ashí yajauchinmaya̱ uwemtikramar tuke shiir awajtámsattaji.

Rum. 6:6

Yaunchu enentáimtai̱ṉkia Krístuja̱i̱ métek jaka asamtai ii yajauch wakerutain emeṉkátrutmakuitji. Tuma asamtai yamaikia peṉké umirkashtiniaitji.

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

Rum. 8:7

Aya aya̱sh wakeramun enentáimtuinia nú shuar Yusa nemasri̱ áiniawai. Yus akupeamun nakitiáinia ásar ni táman umirkatniun peṉké jeainiatsui.

1 Kur. 10:17

Apatkusha chikichkitiat púuram untsurí ajatsuk. Iisha núnisrik untsurítiatar nu apatuk métek yuarⁱ métek enentáimprar chikichik aya̱shtinia áintsar aji.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Ipi. 2:15

Nuik aya Israer shuar Muisais akupkámu untsurí armia nuna umirkatin áiniak nuja̱i̱ chíkich aentsja̱i̱ nemasmanainiarmiayi. Tura Kristu jaka nu akupkámun ántar awajás chikichik aents yamaram awajtámsamiaji.

Ipi. 3:6

Nu chicham ju̱i̱ti. Uwempratin chichaman umirkar Israer shuarcha Israer shuarja̱i̱ métek Krístuja̱i̱ tsaniṉkiaru ásar chikichik shuar ajasártatui. Tura nu arantcha Yus ni shuari̱n ashí shíiran tsaṉkatkatniun anajmatrama nui̱ métek pachinkiartatui.

Ipi. 4:4

Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

Kurs. 2:14

Tura ashí ii tumashri̱n sumamtikramatin amia nuna japiruiti. Kristu krúsnum jakamtai ashí akupkámuja̱i̱ sumamtikramamun tsaṉkurtámpramiaji.

Kurs. 3:15

Kame chikichik aya̱shtinia áintsarum ajastarum tusa Yus ni shuari̱ ajasat tusa achirmákmarme. Tuma asamtai Yusja̱i̱ aṉkant awajsamu atumí enentái̱n pujurtamsati. Nuja̱i̱ Yus yumiṉsatarum.