Ipi. 2:14 - Yus Papí: Shuarja̱i̱ Yus Yamaram Chicham Najanamu

¹⁴ Israer shuarja̱i̱ Israer shuarchaja̱i̱ nemasmanaikiar ajapén péeṉkramu ámiaji. Tura Krístuka nuna sa̱a̱ki nawamnaimtikramkamiaji. Tura chikichik shuar najatmamiaji.

Ipi. 2:14 Iomraidhean Croise

Istr. 3:8

Nuyá̱ Aman úunt akupniun chicharuk “Ashí nuṉka tesarma ame akupeamunam aents tsakiṉmakaru ámin umirtamainiachu tura ni akupeamuri̱sha nusháa ainia nui̱ pujuiniawai. Nuka pujuiniaksha úunt akupniunka warinmaṉsha yáiniatsui. Tuma ásarmatai ánis pujusárti tusar iniaisacharminiaiti.

Mik. 5:5

Tura Niṉkia aṉkant imiatkincha pujutainti. Kame Asirianmaya̱ aents ii nuṉke̱n utsanawar ii akupniúri̱ pujutai̱niam waya̱warmataiṉkia murikiu wáinin siati tura uchu áishmaṉ peṉkeri̱ kakaram páantin ainia nu wajatrartatui.

Sak. 6:13

Ni Yusa Uunt Je̱e̱n je̱a̱mtatui tura naṉkamantu úunt akupin pujus pujutai̱ri̱ya̱ akupkáttawai. Ni pujana nui̱ṉ Yúsnan pujurniusha pujustatui. Nuiṉkia mái̱mtek shiir chichasar pujusártatui.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Juaṉ 10:16

Chíkich muriknasha takakjai. Nusha ju̱ wenuimiunmaya̱nchu áiniawai. Nunasha itiattajai. Nu muriksha Winia umirtukar ashí métek matsamsar chikichík wenuimiunmaya̱ ajasártatui tura chikichik wáinin átatui.

Juaṉ 11:52

Tura aya Israer shuarnakcha antsu níji̱a̱i̱sha ashí nuṉkanam Yus shuar ajasárun irurtajtsa jákatniuyi.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Tur. 10:28

Nuyá̱ Pítiur chichaak “Amikrua, atumsha nékarme. Iin Israer shuartinkia chíkich aentsja̱i̱ pachiniarchatniuitrume. Tura ni je̱e̱ncha waya̱shtiniaitrume iin jintintramin turamainiaji. Túrasha Yuska ni enentáimsamuri̱n wíniaka paant iniaktursayi. Túmaitkiui wikia náṉkamas aentsun yajauchiti tura auka wapikiaiti tíchamniaitjiai.

Tur. 10:36

Yuska shiir chichaman Israer shuarun akuptúkmiayi. Nui̱ chichaak ‘Shuar Jesukrístu náari̱n páchiakka Yusja̱i̱ nawamnaikiatin átiniaiti. Nú Jesukrístu ashí shuara Úuntri̱nti’ tímiayi Yus.

Rum. 5:1

Tuma asamtai Kristu nekas enentáimtakrin Yus táman nékaskete tu enentáimtakrin tunaarincha awajsámuitji. Tuma asar ii Uuntri̱ Jesukrístu túramuja̱i̱ aṉkant shiir pujá asar Yus nawamkamu pujaji.

Kar. 3:28

Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji.

Ipi. 2:15

Nuik aya Israer shuar Muisais akupkámu untsurí armia nuna umirkatin áiniak nuja̱i̱ chíkich aentsja̱i̱ nemasmanainiarmiayi. Tura Kristu jaka nu akupkámun ántar awajás chikichik aents yamaram awajtámsamiaji.

Ipi. 2:17

Kristu taa nawamnaikiatniun chichaman Israer shuaran ujakmiayi. Tura nu chichamnak atumín Yus nékachuyarmena nunasha ujaktinian akupkámiayi. Isa. 57:19

Ipi. 3:15

Ashí nayaimpinmasha tura nuṉkasha Yus shuar ájinia nu nekas ni shuari̱ áiniaji.

Ipi. 4:16

Tuma asa ni aya̱shi̱n wainkiui ashí nuna muchitmari̱ péṉker yáiniaikiar ashí ni túratniuri̱n shiir takasartatui. Nuja̱i̱ nu aya̱shnium muchitmari̱ chíkich chíkich péṉker takainiak métekrak shiir tsakartatui. Tura anenainiakui nu aya̱shsha péṉker úuntmartatui.

Kurs. 1:20

Núnisaṉ Yus Kristu krúsnum jakamuja̱i̱ ashí nayaimpinmasha tura ju̱ nuṉkanmasha írunna nuna Niji̱a̱i̱ nawamnaikiar shiir pujusárat tusa wakerukmiayi.

Kurs. 2:20

Atumsha Krístuja̱i̱ jaka asarum aya aentsti enentáimtai̱ ikiukniuitrume. Nuikia ¿urukamtai ju̱ nuṉkanmaya̱ ana nu tuke páchiarum? Ni tuinia nu umirkashtiniaiti.

Kurs. 3:11

Ashí írunna nuja̱i̱ naṉkaamas Kristu ashiyaiti. Níiniun pujurui. Tuma asamtai ashí ni shuari̱ enentái̱n pujá asamtai nusháa enentáimtunairchatniuiti. Kriaku aentssha tura Israer shuarsha, tsupirnakusha tura tsupirnakchasha, apachcha tura yajaya̱ shuarsha, takarin ainia nusha tura aṉkant ainia nusha, Kristu ashí ni enentái̱n pujakui nusháa enentáimtunairchatniuiti.

Kurs. 3:15

Kame chikichik aya̱shtinia áintsarum ajastarum tusa Yus ni shuari̱ ajasat tusa achirmákmarme. Tuma asamtai Yusja̱i̱ aṉkant awajsamu atumí enentái̱n pujurtamsati. Nuja̱i̱ Yus yumiṉsatarum.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

Isr. 7:2

Túramtai Aprajám nupetmakar kuit jukimiun tias akantúk susamiayi. Mirkisetéka naari̱ tana ju̱ka “tí peṉker úunt akupin” tawai. Tura Saremka “itit awajsachma ti shiir aṉkant pujustin” tawai. Tura Mirkiseték Sarema akupniúri̱ asa “ti shiir aṉkant pujú akupin” tawai.