Ipi. 2:13 - Yus Papí: Shuarja̱i̱ Yus Yamaram Chicham Najanamu

¹³ Antsu yamaikia Krístuja̱i̱ tsaniṉkiu asarum yaunchu Yusai̱ya̱ yajá pujuwitiatrum, yamaikia Kristu numpé̱ puármatai ni jarutramkamuja̱i̱ tántaitrume.

Ipi. 2:13 Iomraidhean Croise

YKan. 22:7

Winia iiriarma nuka wishikrurarmai. Túrutawar naṉkatuiniak wene̱ja̱i̱ chúchutmasaraṉ muuke̱n pe̱a̱rar chichainiak Mat. 27:39; Mar. 15:29; Ruk. 23:36

YKan. 73:27

Maa, Amiiya̱ kanainia nuka amuukartatui. Warí, Ámin ikiurmainia nuka Ame emesrartatme.

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Isa. 43:6

Araki̱a̱ṉka surusta tiártatjai antsu nuṉkaani̱a̱ṉka emetawairap tiártatjai. Winia uchirka jeashtanmaya̱sha nútiksarmek nawantruka nuṉka náṉkata ímiania̱sha ikiatruktarum.

Isa. 49:12

Nekaata, niṉkia yajaya̱ káunkartatui. Tura araki̱a̱sha nuyá̱ etsa̱ akatainmaani̱ya̱ tura chíkichkia Seweni nuṉkanmaya̱sha káunkartatui” tímiayi.

Isa. 66:19

Nuya̱ṉka nekanawarat tusan iwiaaku juákaru ainia nui̱ṉ Wi túrattajna nuja̱i̱ awajsartatjai. Juákaru ainia nuya̱n úunt matsatkamu Társesnum tura Pútnumsha núnisaṉ Rúutnum akupkartatjai. Nútiksanak Tuparnumsha tura Krésianmasha nuyá̱ yajá nuṉkanam nayants ayamach pujuinia Winia kakarmar aújmatmancha antukcharu tura Wina wincharnasha wáinkiacharu áiniana nui̱ akupkartatjai. Nui̱ Winia wincharun áujmatas etserkartatui.

Jrm. 16:19

Maa, winia kakarmar tura utúachmin asa itiurchat ákuisha winia ejamtair Uunt Yusru. Nuṉka náṉkatramunmaya̱ uunt nuṉka mátsatkamu ainia nusha Ámin káutramiartatui tura chichartamainiak “Ti nekas ii úuntri̱ṉkia yaintmakchamnia ántar wait áiniana nuna ikiurtámkiaruitji” turamartatui.

Juaṉ 10:16

Chíkich muriknasha takakjai. Nusha ju̱ wenuimiunmaya̱nchu áiniawai. Nunasha itiattajai. Nu muriksha Winia umirtukar ashí métek matsamsar chikichík wenuimiunmaya̱ ajasártatui tura chikichik wáinin átatui.

Tur. 15:14

Nuik túrachman Yus túramia nuna ii yachi̱ Semuṉ Pítiur ujatmákji. Ju̱i̱ti, Yuska Israer shuarcha waitnentak Winia ajasarat tusa chikishtarchiniak achikiuiti, tímiayi.

Tur. 2:39

Yus timia nuka atumín túramprume. Atumí uchirí̱ncha tura ashí arant matsatainia nunasha tawai. Kame ii Yusri̱ aentsun untsuktaj tusa wakerana nuna tawai” tímiayi.

Tur. 22:21

Túrasha Uunt Jesus winia turutmiai ‘Wetá. Israer shuarcha matsatainia nui̱ akupkátjame’ turutmiai” tímiayi Papru.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Rum. 8:1

Túrasha yamaikia Jesukrístuja̱i̱ tsaniṉkiaru áinianka Yuska “tunaan túrawar jákatniunam wétin áiniawai” tatsui. Nu shuar ni aya̱shi̱ wakerana nuna umirtsuk antsu Yusa Wakaní̱ wakerana nuna umirainiawai.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

1 Kur. 12:13

Tura imianiakrin Yusa Wakaní̱ chikichik awajtámsamji, Kristu aya̱shí̱ya áintsaṉ. Israer shuarsha, Israer shuarchasha, ti itiurchat takaana nusha, aṉkant ainia nusha, ashí yamái chikichik ajasuitji. Tura Yusa Wakaní̱ pimiutkamuitji Niji̱a̱i̱ tsaniṉkia pujakur.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

Kar. 3:28

Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji.

Ipi. 1:1

Yus nuna wakerakui wi Papru Jesukrístu akatrámuitjiai. Jesukrístu nekas enentáimtusrum Yus shuar ajasrum Ipisiunam pujarmena nuna ju̱ papin áatjarme.

Ipi. 1:7

Yus imiá waitnentramak ni aneamu Uchirí̱ numpe̱ja̱i̱ ii yajauchiri̱n akikmatramak uwemtikrampraitji.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 2:12

Nuik Krísturtinchauyarme. Israer shuarcha asarum ashí ni túrutairi̱sha tura ashí Yus nin tsaṉkatkarmasha nekaachuyarme. Tura jú̱ nuṉkanmaya̱ asarum nekas Yusa nu enentáimtichuyarme tura shiir pujustin náṉkamsarum enentáimpramarme.

Ipi. 2:2

Nu tunaanum jú̱ nuṉkanam pujuinia nuja̱i̱ métek tuke wekainiuyarme. Túrarum iwianchi akupniuri̱ wakeramuri̱ umirniuyarme. Iwianchi uuntri̱ Yusan umirainiatsna nuna ashí akaténawai. Kame ju̱ nuṉkanam yajauch wakan ni akupeamuri̱ji̱a̱i̱ wekainia nuja̱i̱ métek atumsha wekainiuyarme.

Ipi. 2:6

Tura Krístuja̱i̱ métek Yus iniantamkimiaji. Nuyá̱ Jesukrístuja̱i̱ métek ju̱ nuṉkanam pujuinia áintsar yamaisha nayaimpinmasha apujtamsatniun tsaṉkatramkaitji.

Isr. 9:18

Nu asamtai emka chicham Muisaisja̱i̱ najanamusha maamu numpé̱ ukatramuja̱i̱ akupkámuyayi. Núja̱i̱sha taṉkun mátniuyayi.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

Apu. 5:9

Ju̱ yamaram kantancha kantampriarmai “Amek imiá naṉkaamas akupniuitme. Amek papí achikiam asakamu já̱a̱kminiaitme. Yus sutai namaṉkea áinis mantamna asam túramniaitme. Ashí nuṉkanmaya̱ shuarnumia̱sha Yusna árat tusam ame numpe̱mja̱i̱ iin sumakmiame.