Ipi. 2:12 - Yus Papí: Shuarja̱i̱ Yus Yamaram Chicham Najanamu

¹² Nuik Krísturtinchauyarme. Israer shuarcha asarum ashí ni túrutairi̱sha tura ashí Yus nin tsaṉkatkarmasha nekaachuyarme. Tura jú̱ nuṉkanmaya̱ asarum nekas Yusa nu enentáimtichuyarme tura shiir pujustin náṉkamsarum enentáimpramarme.

Ipi. 2:12 Iomraidhean Croise

Naṉ. 15:18

Tura nú tsawantin Uunt Yus Apramja̱i̱ chichaman nájanuk “Jú̱ nuṉkan ame shuarumin Ejiptu entsari̱ya̱ nuyá̱ juárkiniak uunt entsa Yúpratisa tímianai susattajai.

Ists. 4:3

Túrasha Surupapír, Jesúa, núnisaṉ Israer shuara uuntri̱ armia nu chichainiak “Ii Yusri̱ Je̱e̱ṉka atumji̱a̱i̱ iruntrarkia je̱a̱rchatniuitji. Antsu Pírsianmaya̱ úunt akupin Siru akupkámuja̱i̱ métek Uunt Yus Israer shuara Yusri̱ Je̱e̱ṉka iik je̱a̱rtiniaitji” tiármiayi.

Jiin. 12:45

Antsu yajaya̱ aentssha tura takakmak wekaasha nú Paskua murikiu namanké̱nka yuashti.

Isa. 14:1

Uunt Yuska ti nekas Jakupan waitnentrattawai tura Israernaka ataksha awaiṉki̱ achik ní nuṉke̱ni̱ṉ matsasártatui. Tura chíkich aentssha nui̱ káunkar niji̱a̱i̱ tsaniṉkiar Jakupa shuari̱ ajasártatui.

Isa. 44:6

Uunt Yus Israera úunt akupniuri̱ tura ni Uwemtikin Ashí Akupin Uunt Yus jú̱nis chichaak “Witjiai Émkanka tura Náṉkatkancha. Kame chíkich Yuska atsawai aya Wíkitjiai.

Isa. 45:20

Chíkich nuṉkanmaya̱tirmesha iruntrarum winitiárum tura ashí nuṉkanam iwiaaku juákaru pujarmena nútirmesha tantatarum. Kame ju̱ shuar numi yusan najanawar enentáimtuiniana ju̱ka enentáimcha áiniawai. Tura najanamu yus uwemtikkiarturchamnia nuna seainiawai.

Isa. 61:5

Tura yajaya̱ shuar nui̱ pujusár atumí murikrí̱n wáinkiartatui tura yajaya̱ aentsu uchirí̱ takartámin tura úwarmincha juurtamin ártatui.

Jrm. 17:13

Uunt Yusru, Israer shuar péṉker átinia nákamuri̱ntme. Tuma asakmin ashí shuar Ámin iniaitiámas kanainia nuka natsa̱a̱rartatui. Warí Úunt Yusai̱ya̱ iwiaaku entsa nuyá̱ kanakiaru ásar ni náari̱ṉkia nuṉká ju̱yu̱ri̱n aarma ártatui.

Isk. 13:9

Tura ántar ímiaja̱i̱k wainiainiana nuna nuyá̱ ‘nekamniuitjiai’ tusar wáitian etserainiana nunasha yamaikia asutiáwartatjai. Tuma ásar nu shuarka Israer shuara úuntri̱ṉkia áchartatui. Núnisaṉ Israer shuara naari̱ aarma áiniana nú papiniumsha ni náari̱nkia áantrachartatui tura Israer shuara nuṉke̱ncha atakka waketkichartatui. Nu túrunamtai Wikia Uunt Yus Ashí Aentsun Úuntri̱ntiaj nuna paant nekarawartatui.

Isk. 37:26

Nu arant aṉkant pujusárat tusan nu shuarja̱i̱ chichaman najanattaj nuka peṉké amukashtatui. Tura nui̱ pujusár pampaṉkarmatai ni pujuiniamunam Yus Shiir Awajtai̱ Je̱a̱run tuke nui̱ átinia nuna apujtusartatjai.

Use. 3:4

Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.

Juaṉ 10:16

Chíkich muriknasha takakjai. Nusha ju̱ wenuimiunmaya̱nchu áiniawai. Nunasha itiattajai. Nu muriksha Winia umirtukar ashí métek matsamsar chikichík wenuimiunmaya̱ ajasártatui tura chikichik wáinin átatui.

Juaṉ 15:5

Wikia kampuintji̱a̱i̱ tura átumka kanawe̱ntrume. Ni Winí̱i̱ pujakuiṉkia núnisnak Wisha niní̱ pujaknaka núkap nerektatui. Antsu Wini̱i̱ya̱ kanakiṉkia péṉkeran túratniunka peṉké tujintkiattawai.

Juaṉ 4:22

Átumka tikishmátrumna nusha nékatsrume. Iikia neka asar tikishmáteaji. Warí, uwempratniuka Israer shuarnumaani̱ winiawai.

Tur. 2:39

Yus timia nuka atumín túramprume. Atumí uchirí̱ncha tura ashí arant matsatainia nunasha tawai. Kame ii Yusri̱ aentsun untsuktaj tusa wakerana nuna tawai” tímiayi.

Tur. 28:20

Tuma asamtai yatsurtirmin, atumín chichastaj tusan untsukjarme. Yusa anaikiamuri̱ Israer shuarti nákajnia nu táwiti wi tu étserkui ju̱i̱ achikiar jiṉkiamu pujajai” tímiayi Papru.

Tur. 3:25

Etseriarmia nuka atumín túramprume. Tuma asa átum péṉker pujustinian Yuska ii uuntri̱ Aprajáman ju̱ chichaman susamiayi. ‘Nekas tájame, ame shuarum akiiniattana nuja̱i̱ ashí aentsnasha shiir awajsattajai.’ Tura ii úuntri̱n timia núnaka iincha túramji, tímiayi.Naṉ. 22:18

Rum. 9:8

Nuja̱i̱ páantaiti. Shuar aya Aprajám wea akiinia asa Yus timian wáinkiashtiniaiti. Antsu Yus timiaja̱i̱ métek akiinia nu nekas Aprajám wea shuar áiniak Yus timian wainkiattawai.

Kar. 4:8

Yaunchu átum nekas Yus nékachkuram najankamu yus írunna nu umirkamarme nekascha yusak.

Ipi. 2:19

Tuma asamtai yamaikia chíkich shuarchaitrume antsu ashí Yus shuarja̱i̱ métek ajasuitrume. Nekas Yusa shuari̱ntrume.

Ipi. 4:18

Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui.

Kurs. 1:21

Atumsha nuik tunáa túrin asarum atumí enentái̱n Yusa nemasri̱ ámarme. Tuma asarum yajá wekaimiarme. Antsu Kristu, aentsu aya̱shí̱n aya̱shímiak, krúsnum wáitias jakamuja̱i̱ ii tunaarí̱ asakármatai yamaikia Yusja̱i̱ nawamnaikiar shiir pujaji. Nuja̱i̱ Kristu iin péṉker ajasuncha tunaan máatrachmancha tura sumamachuncha Yusai̱ ejetamtatji.

Kurs. 1:27

Nu chichamsha ju̱i̱ti. Kristu atumí enentái̱n pujak Niji̱a̱i̱ métek ti shíiram awajtámsattawai. Nu imiá shiir chichamnum Israer shuarchasha pachiniainian Yus ashí ni shuari̱ nekaawarat tusa wakerimiayi.

Kurs. 1:5

Uwempratin chicham nekasa nu antukrum atumsha nayaimpiniam atumnian Yus ti shiir ikiusman wáinkiatai tusarum nákarme.

1 Tis. 4:13

Yatsuru, Yus shuarcha ni shuari̱ jakamtai “atakka wáinkiashtatjai” tusa tí kuntuts enentáimainiawai. Tuma asamtai atumsha nútiksarmek kúntuts enentáimsa̱i̱rum tusan ju̱na tájarme. Jákaru ainia nu urukawartinkit paant nekaatarum.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

1 Tim. 1:1

Wi Papru Jesukrístu akatrámurintjiai. Iin uwemtikkiartin Yussha tura ii Uuntri̱ Jesukrístusha winia akuptúku áiniawai. Jesukrístuja̱i̱ métek ti shiir ajastai tusar nákaji.

Isr. 11:34

Uunt jiniasha ikiajniákarmiayi, puya̱ja̱i̱ mantamnatniuncha uwemprarmiayi. Kakarmachusha kakaram ajasár mesetnumsha ni nemasri̱ncha nupetkarmiayi.

Isr. 6:18

Yus peṉké waitruachmin asa áyatik ni tamaja̱i̱ nekasaiti. Nuna arant nuikia imia Niṉki pachimias ti ikiakátmaji iin. Nuja̱i̱ iisha uwempratai tusar Niní̱ weamkatikia tsaṉkatramkattajnia nu ti shiir enentáimsar wáinkiatin nákaji.

Isr. 8:6

Antsu Jesus ti nekasa nuja̱i̱ nayaimpiniam takaawai. Muisais akupkámuka shuaran péṉker awajsachminiaiti. Antsu Yus iin tí peṉker awajtámsattaji. Kame yamaram chichamnum Yus ashí túrutmattajnia nu Muisais akupkámunam ana nuna naṉkaamas tí peṉker áiniawai. Tuma asamtai naṉkaamas péṉker chichaman Jesus takartamji.

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.

1 Pit. 1:3

Wats, Yus ii Uuntri̱ Jesukrístu Aparí̱ ana nuna naari̱ shiir awajsatai. Yussha ti waitnentrama asa atak akiiniatniun suramsaitji. Jesukrístu jakamunmaya̱ nantakin asamtai iikia atak akiiniar tuke iwiaaku pujustiniaitiajnia nu arutramji.

1 Pit. 3:15

Tura “Kristu winia úuntruiti” tu enentáimtustarum. Tura “¿urukamtia Yus shuar ajasuítiam?” turamainiakuisha, péṉker aimkiamnium iwiarnarum pujustarum. Waantu enentáimtumatsuk nin péṉker enentáimtikrataj tusam túrata.

1 Jṉ. 3:3

Tura shuar shiir enentáiji̱a̱i̱ nuna nákakka imia niṉki shiir awajmamui Jesukrístuja̱i̱ métek shiir atajai tusa.