Ipi. 2:11 - Yus Papí: Shuarja̱i̱ Yus Yamaram Chicham Najanamu

¹¹ Nuik ámarum nu enentáimpratarum. Ashí Israer shuar ni aya̱shí̱n tsupirnaku ásar ashí Israer shuarchan tsupirnakcha áiniakui peṉké Yúsnachua núnis enentáimtuiniawai. Tura atumsha Israer shuarcha asakrumin “tsupirnakcha” turamniuyarme.

Ipi. 2:11 Iomraidhean Croise

Isk. 36:31

Nui̱ṉkia yajauch jintianmaani̱ wekaamu tura atumí túrutairi̱ péṉkercha nusha enentáimturtatrume. Túrarum atumí tunaarí̱ tura mui̱jmiai̱ túrutai̱ armia nu atumek muí̱jkiattarme.

Mat. 20:7

‘Warí, iincha iniatmainiatsji’ tiarmai. Tuíniakui chichaak ‘Atumsha winia nuṉkarui̱ takautarum. Péṉker akiktajrume’ timiai.

Rum. 11:17

Yuska chíkich chíkich Israer shuaran, numí kanawe̱n tsupik ajapniua áinis iniaisámiayi. Tura nuyá̱ atumín niisháa numinmaya̱ árumni̱ṉ nu numiniam anujtamkamarme. Nuja̱i̱ péṉker numiji̱a̱i̱ tsaniṉkrum nu kakarmaja̱i̱ iwiaakrume.

Rum. 2:26

Chíkich shuarsha tsupirnakchaitiat Muisais akupkámun umireakka tsupirnatskesha tsupirnakua áintsaṉkete.

Rum. 2:27

Nu shuar tsupirnakchaitiat akupkámun ashí umireak atumín tsupirnakutirmin akupkámu takakuitiatrum umircha asakrumin sumamtikramawartatui.

1 Kur. 12:2

Yaunchu átum Yus shuar ajatsuk chíkich shuarja̱i̱ métek najankamu yus tikishmátramarme. Nisha najanamu yus ásar áujmattramsachmin ármiayi.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

Kar. 2:15

Iikia nekas Israer shuaraitji. Israer shuarcha, tunáa ainia ániuchuitji.

Kar. 6:12

“Nekas tuke tsupirnaktiniaitme” tuinia nuka áyatik shuar shiir enentáimtursarti tusa tuíniawai. Kristu krúsnum jakamun étsereakuiṉkia itiurchat awajtúsara̱i̱ṉ tusar “tsupirnaktiniaitme” tuíniawai. Shuar “ashí akupkámun umiktajai” tusa Muisais timia núnisaṉ tsupirnaktiniaiti.

Ipi. 2:2

Nu tunaanum jú̱ nuṉkanam pujuinia nuja̱i̱ métek tuke wekainiuyarme. Túrarum iwianchi akupniuri̱ wakeramuri̱ umirniuyarme. Iwianchi uuntri̱ Yusan umirainiatsna nuna ashí akaténawai. Kame ju̱ nuṉkanam yajauch wakan ni akupeamuri̱ji̱a̱i̱ wekainia nuja̱i̱ métek atumsha wekainiuyarme.

Ipi. 5:8

Yáunchuka atumsha kiritniunam wekainiuyarme. Tura yamaikia Krístuja̱i̱ tsaniṉkiu asarum péṉker tsáapninium wekaarme. Shuar tsáapninium wekainia nuja̱i̱ métek wekasatarum.

Muis. 8:2

Tura atumín aya kampuntin atsamunam Uunt Yus kuaraintia uwí enentáimtikramprataj tusa nekapramsamiarmena nu enentáimsatarum. Tura núnisaṉ ni akupkámu chichaman umirtukartimpiash tusa atumí enentái̱n nekartamattsa ewekátmasmiarme.

Muis. 9:7

Átum kampuntin atsunum atumí Uunt Yusri̱ akajkamarumna nu nekas enentáimpratarum. Ejiptu nuṉkanmaya̱ jiinkimiarum ímianiaṉ ju̱ nuṉkanam táurmena ju̱i̱sha tuke Uunt Yus nakitniuitrume.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

Kurs. 1:21

Atumsha nuik tunáa túrin asarum atumí enentái̱n Yusa nemasri̱ ámarme. Tuma asarum yajá wekaimiarme. Antsu Kristu, aentsu aya̱shí̱n aya̱shímiak, krúsnum wáitias jakamuja̱i̱ ii tunaarí̱ asakármatai yamaikia Yusja̱i̱ nawamnaikiar shiir pujaji. Nuja̱i̱ Kristu iin péṉker ajasuncha tunaan máatrachmancha tura sumamachuncha Yusai̱ ejetamtatji.

Kurs. 2:11

Nu arant átum aya̱shnium tsupirnatskesha Kristu shuari̱ ajasákrumin ashí aya̱sh wakeramun tsupirkatniua áintsaṉ, Kristu ajapaiti.

Kurs. 2:13

Nuikkia átumsha tsupirnatsuk atumí tunaarí̱ tuke akui atumí wakaní̱i̱n jákauyarme. Tura yamaikia Jesukrístuja̱i̱ tsaniṉkiu asakrumin Yuska atumí tunaarí̱ tsaṉkur yamaram iwiaakman suramsaitrume.

Kurs. 3:11

Ashí írunna nuja̱i̱ naṉkaamas Kristu ashiyaiti. Níiniun pujurui. Tuma asamtai ashí ni shuari̱ enentái̱n pujá asamtai nusháa enentáimtunairchatniuiti. Kriaku aentssha tura Israer shuarsha, tsupirnakusha tura tsupirnakchasha, apachcha tura yajaya̱ shuarsha, takarin ainia nusha tura aṉkant ainia nusha, Kristu ashí ni enentái̱n pujakui nusháa enentáimtunairchatniuiti.

1 Sam. 17:26

Tura niji̱a̱i̱ pujuarmia nuna Tawit chicharainiak “Jiristíanmaya̱ aentsun nupetak Israer shuaran yajauch chicharainiana nuna emenkákmataisha nupetmakuncha ¿itiurkartin? Iwiaaku Yusa suntari̱ kakarmaitkiuinkia nekapnaisatai títincha tsupirnakcha Jiristíusha ¿ániusha warimpiait?” tímiayi.

1 Sam. 17:36

Nuní̱ túrakun úunt ya̱wa̱ncha tura chai̱ncha maa wémiajai. Ju̱ Jiristíu tsupirnakcha Iwiaaku Yusa suntari̱n peṉké yajauch chicharka asa nisha nuja̱i̱ métek túrunattawai” tímiayi.